ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » ជញ្ជីង​ចល័ត និង​ប៉ូលិស​ច្រកទ្វារ​អន្តរជាតិ​អូ​រយ៉ា​ដាវ​ត្រូវប៉ាន់​ ​

ជញ្ជីង​ចល័ត និង​ប៉ូលិស​ច្រកទ្វារ​អន្តរជាតិ​អូ​រយ៉ា​ដាវ​ត្រូវប៉ាន់​ ​

រតនគិរី​៖ សេចក្តីរាយការណ៍ ពី​ក្រុមអាជីវករ រកស៊ី​ដឹក​ដំឡូង ទៅ​លក់​នៅ​ប្រទេស​វៀតណាម ប្រាប់​ឲ្យ​ដឹងថា​របរ​រកស៊ី​របស់​ពួកគាត់ សព្វថ្ងៃ​មិនសូវ​ចំណេញ​នោះទេ  ព្រោះ​ត្រូវ​ចំណាយ​បង់ លុយ​ជូន​ក្រុម​ជញ្ជីង​ចល័ត របស់​មន្ទីរ​សាធារណការ​ខេត្ត ដែល​ដឹកនាំ ដោយ លោក ខឹម រមណី និង​សមត្ថកិច្ច ច្រកទ្វារ អន្តរជាតិ អូ​រយ៉ា​ដាវ រួមមាន​នគរបាល អន្តោប្រវេសន៍ ក្រសួងមហាផ្ទៃ សាខា​កាំ​កុង ត្រូល​ខេត្ត សាខាគយ និង​រដ្ឋាករ​ខេត្ត និង​ប្រធាន​ស្នាក់ការ ច្រកទ្វារ​អន្តរជាតិ​។​
​យ៉ាងហោចណាស់ ក្នុង​១​ថ្ងៃៗ រថយន្ត​យី​ឌុប ដឹក​ដំឡូង ពី​៥០​ទៅ​៧០​គ្រឿង សម្រុក​ទៅ​ប្រទេស វៀតណាម ហើយក៏​ជា​ឱកាស ត្រូវប៉ាន់​របស់​ក្រុម​ជញ្ជីង ចល័ត មន្ទីរ​សាធារ ណការ ខេត្តរតនគិរី និង​សមត្ថកិច្ច ប្រចាំការ​ច្រកទ្វារ អន្តរជាតិ​អូរ​យ៉ា​ដាវ​ផងដែរ​។​
​សេចក្តីរាយការណ៍ ខាងលើ​បន្ត​ឲ្យ​ដឹង​ទៀតថា ក្នុង​រថយន្ត​យី​ឌុប (​ភ្លៅ​៥)​មួយគ្រឿង ត្រូវ​បង់​ជូន​ក្រុម​ជញ្ជីង​១០ ម៉ឺន​រៀល និង​ក្រុម​សមត្ថកិច្ច ច្រកទ្វារ​អន្តរជាតិ ត្រូវ​បង់​១០​ទៅ​២២​ម៉ឺន​រៀល  ទៅតាម​ប្រភេទ​រថយន្ត​ធុន តូច​ឬ​ធំ​។​
​សេចក្តីរាយការណ៍ ខាងលើ​បន្ថែម​ឲ្យ​ដឹង​ទៀតថា បើទោះបី​ប្រមុខ​រាជរដ្ឋាភិបាល​កម្ពុជា បានធ្វើ​ការហាម​មិន​ឲ្យ​ក្រុម​សមត្ថកិច្ច យកលុយ​ពី​ថ្លៃ​ដឹក​កសិផល របស់​ប្រជាពលរដ្ឋ​ទៅ​លក់ នៅ​ប្រទេសជិតខាង​យ៉ាងណាក៏ដោយ ក៏​ក្រុម​សមត្ថកិច្ច​ទាំងនោះ មិន ស្តាប់​ឡើយ ដោយ​អនុវត្ត​ការងារ រំលោភបំពាន​អនុសាសន៍ របស់​ប្រមុខ​រាជរដ្ឋាភិបាល​៕ ដោយ​៖ ឡុង លឹម

Copyright © 2010-2021 · អរិយធម៌ · All Rights Reserved.
Develop by Sek Sathya