ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » មិន​ឲ្យ​ធ្វើបាតុកម្ម ២៦ ខែមករា ក្រុម​អ្នករៀបចំ​ថា នៅតែ​ធ្វើ មន្ត្រី​ថា នឹងធ្វើ​តាមផ្លូវ​ច្បាប់​ ​

មិន​ឲ្យ​ធ្វើបាតុកម្ម ២៦ ខែមករា ក្រុម​អ្នករៀបចំ​ថា នៅតែ​ធ្វើ មន្ត្រី​ថា នឹងធ្វើ​តាមផ្លូវ​ច្បាប់​ ​

ភ្នំពេញ ៖ តាមរយៈ​កិច្ចប្រជុំ​រយៈពេល​២​ម៉ោង​រវាង​អាជ្ញាធរ រាជធានី​ភ្នំពេញ និង​តំណាង​សមាគម និង​សហជីព​ចំនួន​៩​នៅ​ព្រឹក​ថ្ងៃទី​២៣ មករា គឺ​អាជ្ញាធរ​រាជធានី​ភ្នំពេញ​បានសម្រេច​មិន​អនុញ្ញាតឱ្យ​សហជីព និង​សមាគម​ទាំង​៩​នោះ ជួបជុំគ្នា​ធ្វើបាតុកម្ម​នៅ​ទីលាន​ប្រជាធិបតេយ្យ​នា​ព្រឹក​ថ្ងៃទី ២៦ មករា ឡើយ ។​
​មូលហេតុ​ដែល​អាជ្ញាធរ​សម្រេច​មិនឱ្យ​មានការ ធ្វើបាតុកម្ម ត្រូវបាន​លោក ឡុង ឌី​ម៉​ង់ អ្នកនាំពាក្យ​សាលា​រាជធានី​ភ្នំពេញ​បញ្ជាក់ថា កន្លងមក​យើង​បានអនុញ្ញាត​ឱ្យមាន​បាតុកម្ម​របស់​គណបក្ស​សង្គ្រោះ​ជាតិ  បង្កឱ្យមាន​បញ្ហា​ក្នុងសង្គម​រហូតដល់​មាន​មនុស្ស​ស្លាប់​និង របួស​មួយចំនួន ។ ដូច្នេះហើយ​បានជា​សាលា​រាជធានី​ភ្នំពេញ​បាន​ជូនដំណឹង​ដល់​សា​ធា រណ​ជន​និង​អង្គការ​សង្គម​ស៊ីវិល​មួយចំនួន ឱ្យ​ផ្អាក​ការជួបជុំ​នៅ​ទីតាំង​ណាមួយ ដោយ​រង់ចាំ​សភាពការណ៍​វិល​ទៅរក​ភាព​ធម្មតា​ឡើងវិញ ។
​គួរ​កត់សម្គាល់ថា កាលពី​ថ្ងៃទី​១៩ មករា ក្រុម​សមាគម​របស់លោក វន់ ពៅ ដែល​កំពុង​ជាប់ឃុំ​ក្នុង​ពន្ធនាគារ បាន​ជួបជុំ​បួងសួង​នៅមុខ​ព្រះបរមរាជវាំង  ហើយ​ត្រូវបាន​សមត្ថកិច្ច​រារាំង បំបែក និង​ចាប់ខ្លួន​តំណាង​ម្នាក់​តែ​ក៏បាន​ដោះលែង​វិញ​នៅ​ថ្ងៃ​បន្ទាប់ ។ អាជ្ញាធរ​សំអាងថា ការជួបជុំ​នោះ​មិនបាន​ជូនដំណឹង​និង​សុំច្បាប់​ពី​អាជ្ញាធរ ។
​យោងតាម​កំណត់ហេតុ​របស់​សាលា​រាជធានី​ភ្នំពេញ អំពី​កិច្ចប្រជុំ​ពិភាក្សា​ស្តីពី​ការជូនដំណឹង​ធ្វើបាតុកម្ម​របស់​សហ ព័ន្ធ​សហជីព​និង​សមាគម​ទាំង​៩ នៅ​ថ្ងៃទី​២៦ មករា គឺ​សាលា​រាជធានី​ភ្នំពេញ មិន​អនុញ្ញាត​ឡើយ ។ ក្នុង​កិច្ចប្រជុំ​កាលពី​ថ្ងៃទី​២៣ មករា បាន​លើកឡើងថា ចំពោះ​ការជូនដំណឹង​ធ្វើបាតុកម្ម​នៅ​ថ្ងៃទី​២៦ មករា ចាប់ពី​ម៉ោង​៧​ព្រឹក ដល់​ម៉ោង​៥​ល្ងាច នៅ​ទីលាន​ប្រជាធិបតេយ្យ​នោះ សាលា​រាជធានី​ភ្នំពេញ មិន​អនុញ្ញាត​ជូន​ឡើយ ។ ប៉ុន្តែ​សាលា​រាជធានី​ភ្នំពេញ នឹង​នាំយក​សំណូមពរ​របស់​តំណាង​សហជីព​ទាំង​៩​នេះ ទៅជូន​ស្ថាប័ន​មាន​សមត្ថកិច្ច ដើម្បី​ដោះស្រាយ​បន្ត ហើយ​តំណាង​សហព័ន្ធ​សហជីព និង​សមាគម​ទាំង​៩ អាច​ចាត់​តំណាង​១០​នាក់ យក​ញត្តិ​ទៅ​ប្រគល់ជូន​ស្ថាប័ន​មាន​សមត្ថកិច្ច ឬ​តាមរយៈ​សាលា​រាជធានី​ភ្នំពេញ ។​
​អ្នកនាំពាក្យ​ក្រសួងមហាផ្ទៃ​រូបនេះ បាន​បញ្ជាក់ថា បើ​សភាពការណ៍​មិនទាន់​ស្រួល និង​មិនទាន់បាន​វិល​រក​ភាពប្រក្រតី​វិញ​នោះ ក៏​មិនអាច​អនុញ្ញាតឱ្យ​ធ្វើបាតុកម្ម​នៅ​ថ្ងៃទី​២៦ មករា បានឡើយ ព្រោះ​បារម្ភ​ពី​សន្តិសុខ​ជាតិ និង​សណ្តាប់ធ្នាប់​ទូទៅ​របស់​សង្គមជាតិ​ទាំងមូល ។ លោក​បន្ថែមថា បើសិនជា​ក្រុម​សហព័ន្ធ​សហជីព និង​សមាគម​ទាំង​៩ នៅតែ​មានះ​ធ្វើបាតុកម្ម​នៅ​ថ្ងៃទី​២៦ មករា សមត្ថកិច្ច​នឹង​ចាត់វិធានការ​តាមច្បាប់ ៕

Copyright © 2010-2021 · អរិយធម៌ · All Rights Reserved.
Develop by Sek Sathya