ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ជន​មិន​ស្គាល់មុខ​២​នាក់ ចាក់​សម្លាប់​បុរស​ម្នាក់ ស្លាប់​ ​

ជន​មិន​ស្គាល់មុខ​២​នាក់ ចាក់​សម្លាប់​បុរស​ម្នាក់ ស្លាប់​ ​

ភ្នំពេញ ៖ កាលពី​វេលា​ម៉ោង​១​និង ៥០​នាទី​រំលងអធ្រាត្រ ឈានចូល​ថ្ងៃទី​២៣ ខែមករា ឆ្នាំ​២០១៤ បុរស​ម្នាក់​មានមុខរ​បរជា​អ្នកយាម​ម៉ូតូ​ត្រូវបាន​ស្លាប់​យ៉ាង​អាណោច អាធ័ម​ក្នុង​ថ្លុកឈាម​ដោយសារ​ក្រុម​ជន​ព្រៃផ្សៃ​មិន​ស្គាល់មុខ​២​នាក់​ជិះ ម៉ូតូ​មួយគ្រឿង​មក​ឈប់​ធ្វើ​សកម្មភាព​ចាក់​សម្លាប់ ស្ថិតនៅ​មុខផ្ទះ​លេខ​៧៣ ក្រុមទី​៥ ផ្លូវ​១១៥ កែង​ផ្លូវ​លេខ​១៤៨ ក្នុង​សង្កាត់​ផ្សារកណ្ដាល​ទី​១ ខណ្ឌដូនពេញ  រាជធានី​ភ្នំពេញ ។​
បុរស​ដែល​ត្រូវគេ​ចាក់​សម្លាប់​ខាងលើនេះ​ឈ្មោះ​វង្ស ភារ​ម្យ ភេទ​ប្រុស អាយុ​២៧​ឆ្នាំ មុខរបរ​ជា​អ្នកយាម​ម៉ូតូ​នៅ​ចំណុច​
​កើតហេតុ​ខាងលើ ។ ចំណែក​ជន​ព្រៃផ្សៃ​ដែល​បាន​ប្រ​ព្រឹ​ត្ដ សកម្មភាព​យ៉ាង​សាហាវ​មកលើ​ជន​រង គ្រោះ​ខាងលើនេះ​គឺ​មិនបាន​ស្គាល់​ភិន ភាគ​នោះទេ ។​
ជា​រៀងរាល់ថ្ងៃ​បុរស រងគ្រោះ​តែងតែ​អង្គុយ​យាម​ម៉ូតូ​នៅមុខ​ផ្ទះ​ហើយ​ថ្ងៃកើតហេតុ​នោះ​ជន​រង គ្រោះ បាន​ឈរ​នៅ​ជិត​ផ្លូវត្រង់​ចំណុច​ខាងលើ ។ ភ្លាមនោះ​ស្រាប់តែ​លេចមុខ​ជន​មិន​ស្គាល់​អត្ដ​សញ្ញាណ​២​នាក់​ស្លៀកពាក់​ស៊ី វិល​ជិះ​ម៉ូតូ​ស៊េរី​ទំនើប​មួយគ្រឿង​កាន់​កូនកាំបិត​ចុង​ស្រួច​មួយ​ដើម​មក ឈប់​ក្បែរ​ជន​រង គ្រោះ​ហើយ​ពួកគេ​បានធ្វើ​សកម្មភាព ប្រតាយប្រតប់​និង​យក​កូនកាំបិត​ចាក់​ចំ​ក្រោម​ដោះ​ខាងឆ្វេង​(​ចំ​បេះដូង​) ជន​រង គ្រោះ​មួយ​កាំបិត​រួច​ពួកគេ​បាន​ទាញយក​កាំបិត​ចេញពី​ក្រោម​ដោះ​ខាងឆ្វេង ឡើង​ជិះ​ម៉ូតូ​គេចខ្លួន​បាត់ស្រមោល​ភ្លាមៗ ។ ចំណែក​ជនរងគ្រោះ​ដេក​សន្លប់​ក្នុង​ថ្លុកឈាម​ជាង​ហើយ​២០​នាទី​ទើប​មានការ ភ្ញាក់ផ្អើល​ដល់​ប្រជាពលរដ្ឋ​មក​រោម មើល​ប៉ុន្ដែ​ជា​អកុសល​ជនរងគ្រោះ​បាន ផុតដង្ហើម​ស្លាប់​បាត់ទៅហើយ ៕

Copyright © 2010-2021 · អរិយធម៌ · All Rights Reserved.
Develop by Sek Sathya