ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » ឡាន​ដឹក​ទឹកកក​កិន​ខ្ទេច​ក្បាល បុរស​ម្នាក់​ ​

ឡាន​ដឹក​ទឹកកក​កិន​ខ្ទេច​ក្បាល បុរស​ម្នាក់​ ​

បាត់ដំបង ៖ កាលពី​វេលា​ម៉ោង​៥​និង​៣០​នាទី​ព្រឹក ថ្ងៃទី​២២ ខែមករា ឆ្នាំ​២០១៤ នៅលើ​កំណាត់​ផ្លូវជាតិ​លេខ​៥ ស្ថិតក្នុង​ភូមិ​ស្វាយ​ធំ ឃុំ​អូរ​ដំ​ង​២ ស្រុក​សង្កែ ខេត្ត​បាត់​ដំប​។​
បុរស ម្នាក់​កំពុង​ជិះ​លើ​រទេះ​បាន​ធ្លាក់​លើផ្លូវ ត្រូវ​រថយន្ត​ដឹក​ទឹកកក បើក​ពីក្រោយ​ក្នុង​ល្បឿន​លឿន​កិន​ចំក្បាល​ស្លាប់​នៅ​កន្លែងកើតហេតុ ហើយ​រថយន្ត​បន្តទៅ​មុខ​ប្រហែល​៨០​ម៉ែត្រ អ្នកបើកបរ​ចុះ​គេចខ្លួនបាត់ ។ សមត្ថ កិច្ច​នគរបាល​ចរាច​រណ៍​ខេត្ត​ដែល​ចុះ​វាស់វែង​បានអោយដឹងថា បុរសរងគ្រោះ​ស្លាប់​មានឈ្មោះ សេង សៀន អាយុ​៥៧​ឆ្នាំមាន​ទីលំនៅ​ភូមិ​កន្ទួត​សង្កាត់​ក្តុល ក្រុង​បាត់ដំបង ។ ជនរងគ្រោះ​ជិះរទេះ​ដែលមាន​ម៉ូតូ​អូស​ម៉ា កសាន់​យ៉ាន់ មាន​គ្នា​៤​នាក់ បើកបរ​ដោយ​ឈ្មោះ វ៉ែន ឆេ​ត អាយុ​៣៨​ឆ្នាំ រស់នៅ​ភូមិ​ថ្កូវ សង្កាត់​ក្តុល ។
​ឈ្មោះ  វ៉ែន ឆេ​ត ជា​អ្នកបើកបរ​ម៉ូតូ​សាន់​យ៉ាន់​សណ្តោង​រទេះ បាន​ប្រាប់​សមត្ថកិច្ច​ថា ពួកខ្លួន​ជា​កម្មករ​បានធ្វើ​ដំណើរ​ពី​បាត់ដំបង​ឆ្ពោះទៅ​ខេត្ត ពោធិ៍សាត់ ដើម្បី​ដឹក​ទូរ​យកមក​អោយគេ តែ​ពេល​កំពុងធ្វើដំណើរ​តាមផ្លូវ​ជាតិ មាន​រថយន្ត​មួយគ្រឿង​បើក​លឿន​តាម​ពីក្រោយ​ប្រកិត លុះដល់​ចំណូ​ច​កើតហេតុ​មាន​ជង្ហុក និង​ទួល ពេលនោះ​មិនដឹង​ជា​រថយន្តបុក​រទេះ​ធ្លាក់​មនុស្ស ឬ​រទេះ​ហើប​កង់​ធ្លាក់​មនុស្ស ឬ​យ៉ាងណាទេ ទើប​បណ្តាល​ឲ្យ​រថយន្ត​កិន​ជនរងគ្រោះ​បែក​មួក​សុ​វត្ថ​ភាព និង​បែកក្បាល​ស្លាប់ ពេលនោះ​រទេះ​ក៏បាន​ធ្លាក់​ពី​ផ្លូវជាតិ​ដែរ ហើយ​រថយន្ត​បាន​បើក​ទៅមុខ​ប្រហែល​ជិត​១០០​ម៉ែត្រ​ទើប​ឈប់ ។ ចំពោះ​អ្នកជិះ​លើ​រទេះ​ផ្សេងទៀត​មិនមាន​គ្រោះថ្នាក់​អ្វី​ឡើយ​។​
រថយន្ត​ដឹក​ទឹកកក​យីហោ​”​សេះ​ហោះ​” ដែល​បង្ក​គ្រោះថ្នាក់​ភាគច្រើន​មិនមាន​ឯកសារ​គ្រប់គ្រាន់​ទេ ហើយ​បើក​លឿន ពេល​បើក​បុក​គេ​ម្តងណា​មិន​ថា​ស្រាល​ឬ​ធ្ងន់ គឺ​អ្នកបើកបរ​គេចខ្លួនបាត់​រហូត ៕

Copyright © 2010-2021 · អរិយធម៌ · All Rights Reserved.
Develop by Sek Sathya