ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» Breaking News, ព័ត៌មានជាតិ » មេ​សុរិយាដី ខេត្តបន្ទាយមានជ័យ​ជា ដើមចម​ឱ្យមាន​អំពើពុករលួយ​? ​

មេ​សុរិយាដី ខេត្តបន្ទាយមានជ័យ​ជា ដើមចម​ឱ្យមាន​អំពើពុករលួយ​? ​

បន្ទាយមានជ័យ​៖ លោក លី សារី  ប្រធាន​មន្ទីរ រៀបចំ​ដែនដី នគរូបនីយកម្ម​និង​សំណង់ ខេត្តបន្ទាយមានជ័យ បាននិងកំពុង​ធ្វើឱ្យ​ខេត្ត​នោះ​កើតមាន​សំណង់​ខុសច្បាប់​អនាធិបតេយ្យ ច្រើនឡើងៗ​រីក​ដូច​ផ្សិត​ព្រោង ព្រាត​។​
​មិនតែប៉ុណ្ណោះ គឺ​សំណង់​ខុសច្បាប់​អនាធិបតេយ្យ​ទាំងនេះ​ក៏​ធ្វើឱ្យប៉ះពាល់​យ៉ាងធ្ងន់ធ្ងរ​ដល់​មុខមាត់ ខេត្តបន្ទាយមានជ័យ ទាំងមូល​ដែលជា​ខេត្ត​មួយ​មាន​ជន​ទេសចរ​ជាតិ – អន្តរជាតិ​រាប់សែន​នាក់ តែង​ឆ្លងកាត់​រាល់ថ្ងៃ​រាល់​ខែ រាល់​ឆ្នាំ តាម​ច្រកទ្វារ​អន្តរជាតិ​-​ប៉ោយ​ប៉េ​ត ព្រំដែន​កម្ពុជា​-​ថៃ ។​
​ប្រភពព័ត៌មាន​បានឱ្យ​ដឹងថា​ថ្មីៗ​នេះ​ប្រធាន​មន្ទីរ​រៀបចំ​ដែនដី នគរូបនីយកម្ម​និង​សំណង់​សុរិយោដី​ខេត្តបន្ទាយមានជ័យ ឈ្មោះ លី សារី​កំពុង​ជាប់​ឈ្មោះ​ជា​មន្ត្រី​ល្បីឈ្មោះ​ខាង​ប្រព្រឹត្ត​អំពើពុករលួយ​យ៉ាងខ្លាំង​ជាងគេ ក្រោយ​ពេលដែល​អង្គភាព​ប្រឆាំង​អំពើពុករលួយ​បាន​កោះហៅ​មន្ត្រី ៧-៨​នាក់មក​ធ្វើការ​ស៊ើបអង្កេត​ពាក់ព័ន្ធ​នឹង​ការប្រព្រឹត្ត អំពើពុករលួយ​រួចមក ថ្មីៗ​នេះ ។​
​ពាក់ព័ន្ធ​ជុំវិញ​រឿង​សំណង់​ខុសច្បាប់​ដែល​ធ្វើឱ្យ​ប្រជាពលរដ្ឋ​ជា​អ្នក​រង​ថ្ម​បាក់​នេះដែរ ក្រុម​ប្រជាពលរដ្ឋ ក្នុង​ខេត្តបន្ទាយមានជ័យ​ក៏ បាន​និយាយ​រិះគន់​ធ្ងន់ៗ​ទៅលើ​បុគ្គល លី សារី ថា​កាលពី​អាណត្តិ​ប្រធាន​មន្ទីរ​មុនៗ​ខេត្តបន្ទាយមានជ័យ មិនមាន​សំណង់​ខុសច្បាប់​និង​ចុះហត្ថលេខា​ផ្តេសផ្តាស​យ៉ាង​អនាធិបតេយ្យ​នោះទេ ។​
​ដោយឡែក  ​អង្គភាព​ប្រឆាំង​អំពើពុករលួយ លោក ឱម យ៉ិនទៀង​ធ្លាប់បាន​កោះហៅ​មន្ត្រី ៧-៨​នាក់ នៅ​ខេត្តបន្ទាយមានជ័យ​មក​ធ្វើការ​ស៊ើបសួរ​កាលពី​ចុង​សប្តាហ៍​ទី​១ និង​ដើម​សប្តាហ៍​ទី​២ ខែមករា​ឆ្នាំ​២០១៤​កន្លងមកនេះ ពាក់ព័ន្ធ​នឹង​ការប្រព្រឹត្ត អំពើពុករលួយ​រួចមកហើយ ។ គេ​ចាំមើល​មើល៍​តើ​អង្គភាព​ប្រឆាំង​អំពើពុករលួយ ដឹកនាំ​ដោយ​លោក ឱម យ៉ិនទៀង​អាចមាន​ចំណាត់ការ​ដែរឬទេ ចំពោះ​លោក លី សារី​ដ៏​មាន​ឥទ្ធិពល​រូបនេះ​?
​តាម​ប្រភព​អះអាង​ទៀតថា នៅក្នុង​ចំណោម​មន្ត្រីៗ​ទាំងនោះ គេ​បាន​សង្កេតឃើញថា មានតែ​លី សារី  ម្នាក់​គត់​ដែលជា​មេខ្លោង​ធំ​ល្បីឈ្មោះ​ក្នុង​រឿង​ប្រព្រឹត្ត​អំពើពុករលួយ​ខ្លាំងជាងគេ និង​ខ្នងបង្អែក​គាត់​ក៏​ក្រាស់​រឹងមាំ​ជាងគេ​ដែរ ។​
​ពាក់ព័ន្ធ​នឹង​បញ្ហា​សំណង់​អ​នា​ធិ​បេ​តយ្យ​ ​លោក គោ ស៊ុំ​សារឿ​ត​ជា​អភិបាលខេត្ត​ថ្មី​នៃ​ខេត្តបន្ទាយមានជ័យ បានធ្វើ​លិខិតផ្លូវការ​មួយ​ចេញ​សេចក្តី ណែ​នាំឱ្យ​ប្រជាពលរដ្ឋ​ទាំងឡាយ ដែល​បាននិងកំពុង ធ្វើ​សំណង់​ខុសច្បាប់​តាមបែប​អនាធិបតេយ្យ​ទាំងអស់ ត្រូវតែ​ធ្វើការ​រុះរើ​សំណង់​ដោយ​ខ្លួនឯង​ជាបន្ទាន់​ដោយ​មិន​និយាយ​ពី​ការ​គ្មាន​ប្លង់​ឬក៏​មាន​ប្លង់​ដែល​ចុះហត្ថលេខា​លើ​ប្លង់​ដោយ​ប្រធាន​សុរិយោដី លី សារី ឡើយ ។ បើ​មិន​ដូច្នេះ​ទេ អាជ្ញាធរ​មូលដ្ឋាន​នឹង​បង្ខំចិត្ត​ចុះទៅ​ធ្វើការ​រុះរើ​ដោយ​គ្មាន​សំណង​ឡើយ ។​ហើយ​ម្ចាស់​សំណង់​ខុសច្បាប់​ទាំងនោះ​ដាច់ខាត ក៏​ត្រូវតែ​ទទួលរង​នូវ​ការផាកពិន័យ​តាមរយៈ​ការតម្រូវ​ឱ្យចេញ​លុយ ថ្លៃ​ពលកម្ម​ដល់​អាជ្ញាធរ ដែល​ចុះទៅ​រុះរើ​សំណង់​ទាំងនោះ​ថែមទៀត​ផង ៕ ដោយ​៖ សម្បត្តិ សីហា​

Copyright © 2010-2021 · អរិយធម៌ · All Rights Reserved.
Develop by Sek Sathya