ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» ព័ត៌មានជាតិ » បញ្ជូន​សិស្សសាលា​ម្នាក់ ទៅ​តុលាការ​រឿង​ជួញដូរ​គ្រឿងញៀន​ ​

បញ្ជូន​សិស្សសាលា​ម្នាក់ ទៅ​តុលាការ​រឿង​ជួញដូរ​គ្រឿងញៀន​ ​

បន្ទាយមានជ័យ ៖  កាលពី​ព្រឹក​ថ្ងៃ ទី​២០ ខែមករា ឆ្នាំ​២០១៤ បាន​កសាង​សំណុំរឿង​បញ្ជូន​ជនសង្ស័យ​ម្នាក់​ជា​សិស្សសាលា​ទៅកាន់ សាលាដំបូង​ខេត្តបន្ទាយមានជ័យ ពាក់ព័ន្ធ​នឹង​ករណី​ជួញដូរ​គ្រឿងញៀន បន្ទាប់ពី​ជនសង្ស័យ​ត្រូវបាន​សមត្ថកិច្ច​ចាប់​ឃាត់ខ្លួន​កាលពី​ល្ងាច​ថ្ងៃទី​១៩ ខែមករា ឆ្នាំ​២០១៤ នៅ​ចំណុច​លើ​ផ្លូវលំ​មួយកន្លែង ស្ថិតនៅ​ភូមិ​ស្ទឹង​បត់ សង្កាត់​ផ្សារកណ្តាល ក្រុង​ប៉ោយប៉ែត ។​
ការចេញ​បង្ក្រាប​ទៅលើ​ជនសង្ស័យ គឺ​សម​ត្ត​កិច្ច​ធ្វើឡើង​ដើម្បី​ពង្រឹង​និង​អនុវត្ត​គោលនយោបាយ​ភូមិ​-​ឃុំ មាន​សុវត្ថិភាព​នៅក្នុង​ទឹកដី​ខេត្តបន្ទាយមានជ័យ ឲ្យ​កាន់​តែមាន​ប្រសិទ្ធភាព​ខ្ពស់ ដើម្បី​រក្សា​សុវត្ថិភាព​ជូន​ប្រជាពលរដ្ឋ ។  ជាក់ស្តែង  ជនសង្ស័យ​ម្នាក់ ឈ្មោះ ឈុំ លី​ម៉េង ភេទ​ប្រុស​អាយុ​១៦​ឆ្នាំ ប្រកបមុខរប​សិស្ស​បច្ចុប្បន្ន​រស់នៅ​ភូមិ​បា​លិ​លេ​យ្យ សង្កាត់​ប៉ោយប៉ែត ក្រុង​ប៉ោយប៉ែត ត្រូវបាន​សមត្ថកិច្ច​ចាប់​ឃាត់ខ្លួន​នៅ​ថ្ងៃ​ខាងលើ ខណៈ​ជនសង្ស័យ​រូបនេះ​កំពុង​ធ្វើ សកម្មភាព​ជួញដូរ គ្រឿងញៀន ។ ការចុះ​បង្ក្រាប​ទៅលើ​ជនសង្ស័យ សមត្ថកិច្ច​ឆែក ឆេរ​រកឃើញ​និង​ដកហូត​វត្ថុតាង​ថ្នាំញៀន​ប្រភេទ​មេ​តំ​ហ្វេ​តា​មីន​(​ម៉ា​ទឹកកក​) ចំនួន​២​កូន​ថង់ ទម្ងន់​៦,៥​ក្រាម ទូរស័ព្ទដៃ​១​គ្រឿង ។​
​នៅ​ចំពោះមុខ​សមត្ថកិច្ច ជនសង្ស័យ​បាន សារភាពថា ថ្នាំញៀន​ទាំងនេះ ត្រូវ​ពូ​ជីដូនមួយ​របស់ខ្លួន ប្រើ​កាន់​យកទៅលក់​ឲ្យ​មនុស្ស​ម្នាក់ តែ​គេ​មិន ស្គាល់ឈ្មោះ​អ្នកទិញ​នោះទេ ហើយ​សកម្មភាព​នេះ រូបគេ​បាន​ប្រព្រឹត្ត​ចំនួន​៤​លើក​មកហើយ ប៉ុន្តែ​លើក ក្រោយនេះ​ត្រូវ​សមត្ថកិច្ច​ចាប់​ឃាត់ខ្លួន​តែម្តង​៕

Copyright © 2010-2021 · អរិយធម៌ · All Rights Reserved.
Develop by Sek Sathya