ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ប៉ូលិស​ម្នាក់​បាញ់​មេការ​ហាង​បុ​បា្ជ​ចំការមន ធ្លាយ​គូទ ​

ប៉ូលិស​ម្នាក់​បាញ់​មេការ​ហាង​បុ​បា្ជ​ចំការមន ធ្លាយ​គូទ ​

ភ្នំពេញ ៖ កាលពី​វេលា​ម៉ោង​០០​និង​២០​នាទី​រំលងអធ្រាត្រ​ឈានចូល ថ្ងៃ ទី​១៧ ខែមករា ឆ្នាំ​២០១៣ នៅក្នុង ភោជនីយដ្ឋាន​បុ​បា្ជ​ចំការមន​ដែលមាន ទីតាំង ឋិត​នៅតាម​បណ្ដោយ​ផ្លូវ​លេខ ១០៥ សង្កាត់​បឹងត្របែក ខណ្ឌចំការមន រាជធានី​ភ្នំពេញ ។ មេការ​ដែល​ត្រូវ​ជន ដៃដល់​បាញ់​ធ្លាយ​គូទ​ខាងលើ​មានឈ្មោះ​ម៉ាច ភេទ​ប្រុស អាយុ​ជិត​៣០​ឆ្នាំ ។ ចំណែក ជនដៃដល់​ឈ្មោះ ស្រ៊ុ​ង ណាំ​គា ភេទ​ប្រុស អាយុ​២៨​ឆ្នាំ ជា​នគរបាល​នាយកដ្ឋាន អន្ដរាគមន៍​ក្រសួងមហាផ្ទៃ​មាន​ឋានៈ​ជា​អនុសេនីយ៍ត្រី ស្នាក់នៅ​សង្កាត់​បឹងទំពុន ខណ្ឌមានជ័យ ។
មុនពេល​កើតហេតុ​ជនដៃដល់​បាន បើករថយន្ដ​មួយគ្រឿង​ម៉ាក​កាមរី​ហាយ ប្រ៊ី​ដ ពណ៌​ស ពាក់​ស្លាក​លេខ ភ្នំពេញ​2X-1267​មក​ឈប់​មុខ​ហាង ហើយ​ចុះ​ដើរចូល ទៅ​អង្គុយ​ក្នុង​ក្យូ​ស​នៃ​ភោជនីយដ្ឋាន​បុ​បា្ជ ចំការមន​ជាមួយ​នារី​បម្រើការ​ក្នុង​ហាង​និង​បាន​ហៅ​ស្រា​បៀរ​មក​ផឹក​រហូត ដល់ ស្រវឹង​ជោកជាំ​ដល់​ម៉ោង​ប្រមាណ​ជាង ១២​យប់​មេការ​ឈ្មោះ ម៉ាច បានមក ឈរ​ជិត​និង​និយាយប្រាប់​ឈ្មោះ​ស្រ៊ុ​ង ណាំ​គា​ជា​នគរបាល​ថា​“​បងប្រុស​ហាង​របស់​ប្អូន​ដល់​ម៉ោង​បិទ​ហើយ ដូច្នេះ​ប្អូនសុំ គិតលុយ​បានទេ​” ។ ភ្លាមៗ​នោះ​ឈ្មោះ ស្រ៊ុ​ង ណាំ​គា អាង​ខ្លួន​មាន​កាំភ្លើងខ្លី​និង មានអំណាច​នោះ​ក៏បាន​ស្រែក​គំរាម​រក បាញ់​មេការ​រួមទាំង​បោះពាក្យ​សម្ដី​មិន សមរម្យ​ថែមទៀត ។​
ដោយសារ មេការ​នៅតែ​បន្ដ​សុំ​គិតលុយ​នោះ​ធ្វើឱ្យ ឈ្មោះ​ស្រ៊ុ​ង ណាំ​គា ផ្ទុះ​ហិង្សា​កាន់តែខ្លាំង ទ្រាំលែងបាន​ក៏​ទាញ​កាំភ្លើងខ្លី​ពី​ចង្កេះ​បាញ់​សំដៅទៅ​មេការ​ចំនួន​មួយ គ្រាប់​បណ្ដាលឱ្យ​ត្រូវចំ​ត្រង់​គូទ​ខាងឆ្វេង​សន្លប់​ស្ដូកស្ដឹង​ក្នុង ថ្លុកឈាម​រួចហើយ​នគរបាល​រូបនោះ​បាន​ប្រញាប់ប្រញាល់​រត់​ចេញពី​ក្នុង​ហាង បំណង​គេចខ្លួន​ប៉ុន្ដែ​ត្រូវ​ក្រុម​សន្ដិសុខ​និង​អង្គរក្ស​ដែល​យាមកាម​នៅ ភោជនីយ បុ​បា្ជ​ចំការមន​ទាញ​កាំភ្លើងខ្លី​បាញ់​តបត​ជាមួយ​ជនដៃដល់​ចំនួន​៣​គ្រាប់ ដើម្បី គំរាម​ឱ្យ​ជនដៃដល់​កុំឱ្យ​រត់គេចខ្លួន​និង សម្លុត​ឱ្យ​ជនដៃដល់​ទម្លាក់​កាំភ្លើង​ចុះ ។ ក្រោយពី​ពី​មានការ​ផ្ទុះអាវុធ​លាន់​ដូច​រន្ទះ មក​កម្លាំង​កងរាជអាវុធហត្ថ​ខណ្ឌចំការមន​ដែល​កំពុង​ជិះ​ម៉ូតូ​ល្បាត​ក្នុង មូលដ្ឋាន​ឮ​ស​ស្នូរ​កាំភ្លើង​ក៏បាន​ទៅធ្វើ​អន្ដរាគមន៍​ដល់​កន្លែងកើតហេតុ ភ្លាមៗ​ទើប​ដឹងថា​មាន​ជនដៃដល់​ម្នាក់​ជា​នគរបាល​នាយកដ្ឋាន​អន្ដរាគមន៍ ក្រសួងមហាផ្ទៃ​បាញ់បោះ​សេរី​និង​បង្កឱ្យមាន​របួសស្នាម​ដោយ ចេតនា​ទៅលើ​បុរស​ជា​មេការ​ក្នុង​ហាង ដូច្នេះ​កម្លាំង​កងរាជអាវុធហត្ថ​ក៏​សម្រេច​ចាប់​ជនដៃដល់​វាយខ្នោះ​ញាត់ ចូល​រថយន្ដ​កាមរី​ហាយ​ប្រ៊ី​ដ ពណ៌​ស ពាក់​ស្លាក លេខ​ភ្នំពេញ​2X-1267 របស់​ជនបង្ក​យក ទៅកាន់​ទីបញ្ជាការ​កង​រាជ​អាវុធហត្ថ ខណ្ឌចំការមន​ដើម្បី​ធ្វើការ​សាកសួរ​ទាក់ទិន​នឹង​ការផ្ទុះអាវុធ​ខាងលើ ៕

Copyright © 2010-2021 · អរិយធម៌ · All Rights Reserved.
Develop by Sek Sathya