ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ទិត្យ អឿន កំពុងតែយកអាជ្ញាប័ណ្ណ ជាអ្នកសារព័ត៌មានទៅកាងបទល្មើស ការកាប់ឆ្ការ ទន្រ្ទានយកដីព្រៃលិចទឹករបស់រដ្ឋ ចែកគ្នាលក់?​  ||     ភ្ញាក់ផ្អើល! ស្រូវពលរដ្ឋកំពុងតែរកច្រកចេញមិនបានផង បែរអាងខ្លួនជាប៉ូលិស មកចាំជំរិតគេទៅវិញ មន្រ្តីថោកអី គ្មានគិតដល់ទុក្ខលំបាកពលរដ្ឋ បែរជាយកតួនាទីមករកស៊ីគាបជំរិតស្រស់ៗ ?​  ||     លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||   

» ព័ត៌មានជាតិ » ប្រជាពលរដ្ឋ​ជាង ១០០​គ្រួសារ នៅ​ក្រុង​ប៉ោយប៉ែត កើត​ទុក​មិន​សុខចិត្ត នាំគ្នា​តវ៉ា នៅមុខ​តុលាការ ខេត្តបន្ទាយមានជ័យ​

ប្រជាពលរដ្ឋ​ជាង ១០០​គ្រួសារ នៅ​ក្រុង​ប៉ោយប៉ែត កើត​ទុក​មិន​សុខចិត្ត នាំគ្នា​តវ៉ា នៅមុខ​តុលាការ ខេត្តបន្ទាយមានជ័យ​

បន្ទាយមានជ័យ​៖ ប្រជាពលរដ្ឋ​ជាង ១០០​គ្រួសារ នៅ​ព្រឹក​ថ្ងៃទី​១៧ ខែមករា ឆ្នាំ​២០១៤​នេះ បាននាំគ្នា​មក​តវ៉ា នៅមុខ​សាលាដំបូង​ខេត្តបន្ទាយមានជ័យ បន្ទាប់ពី​ឃើញ​ជនដៃដល់ កំណាច​មួយរូប ត្រូវ​តុលាការ ដោះលែង​ឲ្យ​មាន​សេរីភាព កាលពី​ល្ងាច​ថ្ងៃទី​១៦ ខែមករា បន្ទាប់ពី​ជន កំណាច​រូបនោះ បង្ក​ការរាំងស្ទះ ដល់​ការអភិវឌ្ឍន៍ ក្នុងភូមិ មិន​ឲ្យ​គ្រឿងចក្រ​ឈូសឆាយ​ផ្លូវ ហើយ វាយ​អ្នកបើក​គ្រឿងចក្រ​ធ្វើ​ផ្លូវ​បណ្តាល ឲ្យ​រងរបួស ធ្លាក់​ពីលើ គ្រឿងចក្រ ខណៈដែល ឈូស​ផ្លូវ​ប៉ះ​ត្រូវ​ទុយោ ទឹក​របស់​ជនដៃដល់​កាលពី​ល្ងាច​ថ្ងៃទី​១២ មករា ។​
ក្រោយពី​បង្កហេតុ ជន​កំណាច​ដៃដល់ ត្រូវ​ប៉ូលិស​ឃាត់ខ្លួន បញ្ជូន​ទៅកាន់ តុលាការ​បាន មួយ​ដង្ហើមចង្រិត ស្រាប់តែ ឃើញ​ជន​ដៃ ត្រឡប់មកផ្ទះ​វិញ យ៉ាង​រំភើយ ហើយ​វាយ​ឬ​ក​ខែងរ៉ែង ដាក់​ប្រជាពលរដ្ឋ ថែមទៀត នៅ​គ្រា​ដែល​ជនរងគ្រោះ មិនទាន់​ទទួលបាន​នូវ​សំណង​ផង ត្រូវ​តុលាការ​បានសម្រេច​ដោះលែង​ជនបង្ក ឲ្យ​មាន​សេរីភាព ធ្វើ​ឲ្យ​ប្រជាពលរដ្ឋ ភ័យ​ញាក់សាច់ ពីព្រោះ​ជនដៃដល់​ម្នាក់នេះ ធ្លាប់ ប្រ​ព្រិ​ត្ត​ករណី​វ៉ៃតប់ បង្ក​របួសស្នាម​លើ ប្រជាពលរដ្ឋ​ស្លូតត្រង់ ជាច្រើន​នាក់​មកហើយ មាន​ខ្លះ​របួស ខ្លះ​សន្លប់ ខ្លះ​ស្ទើរ​ស្លាប់ គ្មាន​ច្បាប់​ណា​ហ៊ាន​ប៉ះពាល់​រូបគេ​ឡើយ​។​
​អំពើ​និ​ទណ្ឌ​ភាព គ្មាន​ទោស​ពៃ​នេះ ដែលជា​ហេតុ ជួយ​លើក ទឹកចិត្ត ឲ្យ​ជននេះ រឹតតែ​បានចិត្ត ប្រ​ព្រិ​ត្ត​បទល្មើស យ៉ាង​គឃ្លើន យក​ច្បាប់ មក​ជាន់ឈ្លី​ជា​ល្បែង កំសាន្ត ហើយ​ករណី​ចុង​ក្រោយនេះ  ជនបង្ក បាន​វាយ តែ​កុង គ្រឿងចក្រ​អភិវឌ្ឃន៍ ផ្លូវ របស់លោក គាត ហ៊ុល  សង្កាត់​ផ្សារ កណ្តាល បែកក្បាល ហូរឈាម​ស្រោច​ខ្លួន ព្រោះតែ​អភិវឌ្ឃន៍​ផ្លូវ​ជូន ប្រជាពលរដ្ឋ ប៉ះ​ទុយោ​ទឹក​របស់ ជនដៃដល់ កាលពី​ថ្ងៃទី​១២ ខែមករា​កន្លងទៅ នៅ​ចំណុច​សង្កាត់​ផ្សារកណ្ដាល ក្រុង​ប៉ោយប៉ែត​។​
​ជនបង្ក​មាន​គ្នា​ពីរ​នាក់ ទី​១​មានឈ្មោះ ជួន សារី ហៅ​ពៅ អាយុ ៣៩​ឆ្នាំ ជាជាង​ភ្លើង និង​ត​ទឹក រកស៊ី​ក្នុងភូមិ ទី​២​ឈ្មោះ រួម សារិន អាយុ ២០​ឆ្នាំ ចំណែក​ជនរងគ្រោះ​ឈ្មោះ ទុំ ចាន់ថន អាយុ ៣៣​ឆ្នាំ​។ សូម​ជំរាប​ផងដែរ​ថា នៅ​ថ្ងៃទី​១៧​នេះ គឺជា​ការតវ៉ា​លើក​ទី​២​ហើយ ដែល​កាលពី​ថ្ងៃទី​១៦ ប្រជាពលរដ្ឋ ក៏បាន​លើកគ្នា ទៅ​តវ៉ា នៅមុខ​អធិការ​ក្រុង​ប៉ោយប៉ែត  រហូត​មានការ​សម្របសម្រួល ពី​សមត្ថកិច្ច​ក្រុង​ប៉ោយប៉ែត សូម​ឲ្យ​បងប្អូន​ប្រជាពលរដ្ឋ បាន​ត្រឡប់ទៅផ្ទះ​រៀងៗ​ខ្លួន​វិញ  ព្រោះ​សមត្ថកិច្ច ប៉ូលិស​បាន​កសាង សំណុំរឿង បញ្ចូនទៅ​តុលាការ​ហើយ បានន័យថា​ផុត​ដែន​សមត្ថភាព របស់​ប៉ូលិស​។​
​ដោយ​មិន​អស់ចិត្ត និង​ភ័យខ្លាច​អំពី​សុ​វត្តិភាព​ផ្ទាល់ខ្លួន ខ្លាចក្រែង ថ្ងៃក្រោយ​បន្តទៀត​មិនដឹងថា អ្នកណា​បន្ទាប់ ជា​អ្នករងគ្រោះ ព្រោះ​ជន​កំណាច​រូបនេះ តែងតែ​ធ្វើបាប វាយដំ គេឯង​ពេញ​ភូមិ ហើយ​ច្បាប់ មិន​ហ៊ាន​ចាត់ការ​ដូច្នោះ លុះ​មកដល់​ព្រឹក​ថ្ងៃ​សុក្រ​នេះ ប្រជាពលរដ្ឋ នាំគ្នា​ឡើងទៅ​តវ៉ា​សាជាថ្មី នៅមុខ សាលា ដំបូង​ខេត្តបន្ទាយមានជ័យ​តែម្តង​។​
​សូម​រំលឹកថា​ជនរងគ្រោះ ជា​អ្នកបើកបរ​គ្រឿងចក្រ  ហើយក៏​ជា​ប្រជា​ការពារ ភូមិ​ផងដែរ​។ មុន​កើតហេតុ​ជនរងគ្រោះ បាន​បើក​គ្រឿងចក្រ​ឈូសឆាយ​ផ្លូវ ជួសជុល​ផ្លូវលំ ក្នុងភូមិ​ផ្សារកណ្តាល ដើម្បី​សម្រួល​ដល់​ការធ្វើដំណើរ​ក្នុងភូមិ​-​សង្កាត់ ទាំងមូល ក្រោយពី​ទឹកជំនន់​ជន់​លិច ធ្វើ​ឲ្យ​ខូច ខណៈ​កំពុង​បំពេញការងារ​នោះ ស្រាប់តែ​គ្រឿងចក្រ​បាន​ឈូស​បែក​ទុយោ​ទឹក របស់​ឈ្មោះ ជួន សារី ហៅ ពៅ ធ្វើ​ឲ្យ​ឈ្មោះ​នេះ មិន​សប្បាយចិត្ត និង​ខឹងសម្បា​យ៉ាងខ្លាំង​។​
ទោះបីជា ជនរងគ្រោះ​សុំទោស និង​ចេញ​លុយ​សង​ការខូចខាត​ទាំងស្រុង​ឲ្យ​ក៏ដោយ ក៏​ជនបង្ក មិន​ស្តាប់​ដែរ ថែមទាំង ប្រើពាក្យ​សម្តី​អសុរ​ស បង្ក​ឲ្យ​ភាគី​ទាំងពីរ ប៉ះ​សម្តី​គ្នា​មួយ​ប្រាវ រហូតដល់​តឹងសរសៃក ក៏​បង្កើតជា​ជម្លោះ ហើយ​ជនបង្ក​បាន នាំគ្នា​ពីរ​នាក់ ឡើងទៅ​វាយ អ្នកបើក​គ្រឿងចក្រ រហូត​របួស​បែក​មុខ​ជាច្រើន​ថ្នេរ​ហូរឈាម​ជោក​ខ្លួន  ។​
​ជុំវិញ​បញ្ហា​ខាងលើនេះ លោក​ផាន់ វណ្ណរ័ត្ន ព្រះរាជអាជ្ញា​អម​សាលាដំបូង​ខេត្ត បាន​ប្រាប់ អ្នកសារព័ត៌មាន​ថា រឿងនេះ​គឺ​ព្រះរាជអាជ្ញារង របស់លោក​ជា​អ្នកចាត់ការ ព្រះ​រា​ជ្ញា​ឈ្មោះ​យ៉ិ​ន សុគន្ធា​រី ហើយ​បាន​បើក​ការ​ចោទ ប្រកាន់​មនុស្ស​២​នាក់ ដោយសារ​មានការ​វាយតប់​ទៅវិញ ទៅមក ហើយ​អ្នកបង្ក​បាន​ទៅ​វាយ​គេ​ដល់ផ្ទះ​។
​ចំណែក​ជនរងគ្រោះ ដែល​យកមក​ប្តឹង​ដល់​តុលាការ មាន​របួសស្រាល ដូច្នេះ​ការបើក​ការចោទប្រកាន់​ដោយ​ចៅក្រម​សំអាងថា ជាការ​វាយ​ទៅវិញទៅមក ម្យ៉ាង​បានដាក់​ប្រាក់​តម្កល់​៤​លាន​រៀល​ផង​តាម​ដែល​លោក​បាន​សួរនាំ​នោះ ទើប​លោក​ចៅក្រម​សម្រេច​ដាក់ឱ្យ​នៅក្រោម​ការត្រួតពិនិត្យ​តាមផ្លូវ តុលាការ មិនមាន​ការឃុំ​ឃាំង​អី​ទេ ព្រោះ​លោក​ចៅក្រម​យល់ថា ជា​បទល្មើស​តូចតាច​។​
​អង្គការ​សង្គម​ស៊ីវិល និង​ប្រជាពលរដ្ឋ បាន​សំដែង នៅ​ក្តី​ខកចិត្ត​យ៉ាងខ្លាំង នៅ​គ្រា​ដែល មន្ត្រី​តុលាការ ដោះលែង​ជនដៃដល់ ដោយ​បង្វែ​រឿង​ថា ជា​បទល្មើស​តូចតាច ធ្វើ​ឲ្យ​ពួកគាត់ បាក់​ទឹកចិត្ត គ្មាន​ជំនឿ លើ​ប្រ​ព័​ន្ឋ​តុលាការ ទាល់តែសោះ ដោយ​ម្នាក់ៗ​ពោល​ពាក្យស្លោក ដែល​គេ​ពេញនិយម​ហៅថា (​តុលាការ ជាទីគោរព បើ​លុយ​មិន​គ្រប់ យើង​កាត់​ឲ្យ​ចាញ់ តុលាការ​ជាទី​ស្រលាញ់ យើង​កាត់​ឲ្យ​ចាញ់ ពីព្រោះ​ពួក​ឯង​គ្មាន​លុយ​)​។​ព័ត៌មាន​ដូច​បាន​ជំរាបជូន​ខាងលើនេះ ល្មម​ដល់ពេល​អង្គភាព​ប្រឆាំង អំពើពុករលួយ របស់​ឯកឧត្តម ឱម យិនទៀង ជួយ​ពិនិត្យមើល ទង្វើ​របស់​តុលាការ ខេត្តបន្ទាយមានជ័យ​ផង ដើម្បី​ឲ្យ្រ​ជា​ពលរដ្ឋ​ស្ងប់ចិត្ត​៕ ដោយ ខៀវ បូរី​

Copyright © 2010-2021 · អរិយធម៌ · All Rights Reserved.
Develop by Sek Sathya