ភ្នំពេញ៖ ប្រភពសិ្នទ្ធនឹង តុលាការរាជធានីភ្នំពេញ បានបង្ហើបថា បណ្ដឹងចំនួន២០ មកពីរោងចក្រនានា ដែលរង ការខូចខាត និងប៉ះពាល់ ផលប្រយោជន៍ ដោយសារអំពើចោទប្រកាន់ ញុះញង់ ធ្វើបាតុកម្មបង្កហិង្សា កន្លងមកនេះ ត្រូវបានគេដាក់ប្ដឹង ទៅតុលាការភ្នំពេញ។
រោងចក្រកាត់ដេរសម្លៀកបំពាក់ និងស្បែកជើងទូទាំងប្រទេស បានប្រកាសពីការខាតបង់ ប្រាក់រាប់លានដុល្លារ និងមានបំណង បិទទ្វារផងដែរ ដោយសារតែបាតុកម្មហិង្សា ដឹកនាំដោយមេដឹកនាំ សហជីព៥ និងមេដឹកនាំសមាគម មួយដែលគេជឿថា បានជាប់ពាក់ព័ន្ធនឹងរឿងនយោបាយ គាំទ្រគណបក្ស សង្គ្រោះជាតិ ។
ក្នុងពាក្យសម្ដីដែរគេថត និងរក្សាទុកជាភស្ដុតាង ជាប់ពាក់ព័ន្ធនឹងអំពើញុះញង់ កម្មករមិនឲ្យចូលធ្វើការ ក្រោមលេសទាមទារ តម្លើងប្រាក់ខែ និងរូបថតវីដេអូខ្លះទៀត នៃការវាយបំផ្លាញ និងដុតទ្រព្យសម្បត្តិរោងចក្រ ត្រូវគេឃើញថា ក៏មានការចូលរួមពីអ្នកដឹកនាំ គណបក្សសង្គ្រោះជាតិផងដែរ ។
មិនមានសេចក្ដីរាយការណ៍បញ្ជាក់ថា តើបណ្ដឹងខាងរោងចក្រ បានដាក់ពាក្យប្ដឹងអ្នកណាខ្លះនោះទេ ប៉ុន្តែការ ខាតបង់ប្រាក់សរុប របស់សមាគមរោងចក្រកាត់ដេរ មានតម្លៃដល់ទៅ ២៧០លានដុល្លារ នឹងត្រូវគេជំរុញបញ្ហានេះ ដើម្បីឲ្យច្បាប់ដាក់ទោស ចំពោះអ្នកបង្កហេតុ ៕
