ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » ឃាត់ខ្លួន​ជនសង្ស័យ ២​នាក់​ពីបទ​ចរាចរណ៍​ប្រាក់​ដុល្លា​ក្លែងក្លាយ ​

ឃាត់ខ្លួន​ជនសង្ស័យ ២​នាក់​ពីបទ​ចរាចរណ៍​ប្រាក់​ដុល្លា​ក្លែងក្លាយ ​

ប៉ោយប៉ែត​៖ ជនសង្ស័យ​២​នាក់ ត្រូវបាន​សមត្ថកិច្ច ប៉ូលិស​ក្រុង​ប៉ោយប៉ែត ឃាត់ខ្លួន​កាលពី​ល្ងាច ថ្ងៃទី​១៥ ខែមករា ឆ្នាំ​២០១៤​នៅ​ក្នុងភូមិ​ក្បាលស្ពាន​២ សង្កាត់​ប៉ោយប៉ែត ក្រុង​ប៉ោយប៉ែ ខេត្តបន្ទាយមានជ័យ ចោទ​ពីបទ​ចរាចរណ៍ ប្រាក់​ដុល្លា​ក្លែងក្លាយ ។
​លោក​វរសេនីយ៍ត្រី​អ៊ុំ សុផល អធិការ​ក្រុង​ប៉ោយប៉ែត បាន​ឲ្យ​ដឹងថា យោងតាម​បទបញ្ជា ពី​លោក​ឧ​ត្ត​ម​សេនីយ៍ ត្រី​ខេង ស៊ុម ស្នងការ​ខេត្ត បន្ទាយមានជ័យ បានដាក់​បទ បញ្ជា​យ៉ាង ម៉ឹងម៉ាត់ ដល់​សមត្ថកិច្ច ក្រោម​ឱវាទ ដែល​ឈរជើង នៅ​តំបន់​របស់ខ្លួន ឲ្យ​ជួយ​ខិតខំ ប្រឹងប្រែង ជួយ​យកចិត្ត ទុកដាក់ ទប់ស្កាត់​នូវ​រាល់ បទល្មើស​ដែល​កើតមាន ។​
​លោក​អធិការ​បន្តថា បន្ទាប់មក ទើប​សមត្ថកិច្ច ជំនាញ​របស់ លោក​ស្រាវជ្រាវ រកមុខ​សញ្ញា ក្រុម​ជនខិលខូច​លួច ចរាចរ​លុយ ដុល្លា​ក្លែងក្លាយ និង​ឈានទៅដល់​ការ ឃាត់ខ្លួន ជនសង្ស័យ បាន​ចំនួន ២​នាក់​តែម្តង ខ​ណះ​ពេលដែល ពួកគេ​កំពុង ធ្វើ​សកម្មភាព ចរាចរ​លុយ ដុល្លា​ក្លែងក្លាយ នៅ​ចំណុច​ភូមិ សាស្ត្រ​ខាងលើ ។​
បន្ទាប់មក សមត្ថកិច្ច​បាន ដកហូត​បាន​វត្ថុតាង មាន​លុយ​ដុល្លា​ក្លែងក្លាយ សរុប​ចំនួន​២០៣០០​ដុល្លា ក្រដាស់ប្រាក់​១​ដុល្លា ចំនួន​៦៦៤​សន្លឹក នៅសល់​ប៉ុន្មាន​ជា​ក្រដាស់ប្រាក់​១០០​ដុល្លា​ក្លែងក្លាយ តែម្តង ។​លោក​អ៊ុំ សុផល អធិការ​ក្រុង​ប៉ោយប៉ែត បានបញ្ជាក់​ឲ្យ​ដឹង​ទៀតថា ជនសង្ស័យ ទាំង​២​នាក់​ដែល​ឃាត់ខ្លួន ១​ឈ្មោះ​តាំង ធា​រិ​ទ្ឋ ភេទ​ប្រុស​អាយុ​៣៨​ឆ្នាំ និង​ទី​២​ឈ្មោះ​ងួន ងៅ ភេទ​ប្រុស​អាយុ​៥៣​ឆ្នាំ ទាំង​២​នាក់​រស់នៅ​ភូមិ​ភ្នំ​លាប ឃុំ​ភ្នំ​លាប ស្រុក​ព្រះនេត្រព្រះ ខេត្តបន្ទាយមានជ័យ ។​
​ក្រោយពី​សមត្ថកិច្ច​ជំនាញ​បាន​សួ​នាំ ពួកគេ​បាន​ឆ្លើយ​សារភាព ចំពោះមុខ​សមត្ថកិច្ច​ថា ខ្លួន​ពិតជា​បាន​ប្រព្រឹត្តល្មើស ច្បាប់​ពិតមែន ដោយ​ក្រដាស់ប្រាក់ ដុល្លា​ក្លែងក្លាយ​ទាំងអស់នេះ គឺ​ពួកគេ​បាន​ទិញ​បន្ត​ពី​ជន​ទី​១​ម្នាក់ទៀត នៅក្នុង​ខេត្តបន្ទាយមានជ័យ ជាប់​ព្រំដែន​កម្ពុជា ថៃ នេះ​តែម្តង ដោយ​ក្នុង​ក្រដាស់ប្រាក់​១០០​ដុល្លា​ក្លែងក្លាយ គឺ​គេ​យកតែ​ចំនួន​៣០​ដុល្លា​លុយ​សុ​ទ្ឋ​តែប៉ុណ្ណោះ ។​
តែ​ទោះជា​បែបណា​ក្តី​ក៏​ក្រុម​ជនសង្ស័យ ទាំង​ទាំង​២​នាក់ មិនបាន​ប្រាប់​ពី​ឈ្មោះ​ពិតប្រាកដ មេ​ឈ្មួញ​ខិលខូច ជា​ជន​ទី​១ នោះឡើយ ។ លោក​អធិការ​បាន​បញ្ជាក់ថា យោងតាម​ចម្លើយសារភាព ពី​ក្រុម​ជនសង្ស័យ ទាំង​២​នាក់​រួមទាំង វត្ថុតាង សមត្ថកិច្ច​បាន​កសាង​សំណុំរឿង បញ្ជូន​បន្តទៅ​ស្នងការ​ខេត្តបន្ទាយមានជ័យ ដើម្បី​ចាត់ការ​តាម​នីតិវិធី តែម្តង ៕​ដោយ ខៀវ បូរី​

Copyright © 2010-2021 · អរិយធម៌ · All Rights Reserved.
Develop by Sek Sathya