ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     រោងសិប្បកម្មធំៗ កន្លែងស្ថិតនៅភូមិមេម៉ងឃុំមេម៉ងស្រុកកែវសីមា សង្ស័យមន្ត្រីជំនាញមើលរំលង​  ||   

» ព័ត៌មានជាតិ » លោក ឃួង ស្រេង ជាអភិបាលរាជធានីភ្នំពេញ ជំរុញការពន្លឿនដោះស្រាយ បញ្ហាលំនៅដ្ឋានជូនពលរដ្ឋនៅតាមបណ្តោយផ្លូវរថភ្លើង

លោក ឃួង ស្រេង ជាអភិបាលរាជធានីភ្នំពេញ ជំរុញការពន្លឿនដោះស្រាយ បញ្ហាលំនៅដ្ឋានជូនពលរដ្ឋនៅតាមបណ្តោយផ្លូវរថភ្លើង

ភ្នំពេញៈ   កាលពីរសៀលថ្ងៃទី ១៣ ខែមិថុនាឆ្នាំ២០១៩ ជំរុញ អាជ្ញាធរខណ្ឌនិងមន្ទីរពាក់ព័ន្ធ ពន្លឿនលើការដោះស្រាយបញ្ហាលំនៅដ្ឋានជូនប្រជាពលរដ្ឋនៅតាមបណ្តោយផ្លូវរថភ្លើង ក្នុងខណ្ឌឬស្សីកែវអោយបានលឿន ដើម្បីអោយការស្ថាបនាផ្លូវលើបណ្ដាញ ផ្លូវរថភ្លើងនេះបានលឿន ទៅតាមអ្វីដែលបានគ្រោងទុក។

លោកឃួងស្រេង បានមានប្រសាសន៍លើកឡើងថា បញ្ហាស្មុកស្មាញមួយចំនួនជាមួយនឹង ប្រជាពលរដ្ឋដែលរស់នៅតាមបណ្តោយរថភ្លើងចាប់ពីផ្លូវជាតិលេខ ៥(គីឡូម៉ែត្រលេខ៦ )រហូតមកដល់ផ្លូវលេខ៧០ (ទំនប់ទួលគោក)ឃើញថា បានដោះស្រាយ ល្អប្រសើរមួយចំនួនធំហើយ ហើយប្រជាពលរដ្ឋក៏បានយល់ពីបំណងរបស់ រដ្ឋបាលរាជធានីភ្នំពេញក្នុងការស្ថាបនាផ្លូវ នៅលើផ្លូវរថភ្លើង ជាមួយនឹងការ ដោះស្រាយ បញ្ហាដីធ្លី ចំពោះអ្នកដែលត្រូវចាកចេញពីលើបណ្ដោយ ផ្លូវរថភ្លើងនេះហើយដែរ ។  ការបង្កើតអោយមានកិច្ចប្រជុំនេះឡើងគឺដើម្បីរកចំណុចប្រឈមមួយចំនួនដើម្បីយើង យកបញ្ហាប្រឈមទាំងនោះមកដោះស្រាយជូនប្រជាពលរដ្ឋឲ្យបានលឿន។

លោកសាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបាន មានប្រសាសន៍លើកឡើងក្នុងអង្គប្រជុំនោះថា ប្រជាពលរដ្ឋដែលរស់នៅលើផ្លូវ រថភ្លើងដែលទទួលរងផលប៉ះពាល់លំនៅដ្ឋានទាំងស្រុង ឬនៅសល់មួយចំណែក តូចនោះគឺមានចំនួន៣២០គ្រួសារ ហើយប្រជាពលរដ្ឋទាំងនេះ ត្រូវផ្លាស់មករស់នៅតាម បណ្ដោយប្រឡាយអូរវែង ជាមួយនឹងការប្រទានកម្មសិទ្ធិដីធ្លីជូនពួកគាត់នៅដីទំហំ ៤ម៉ែត្រគុណ១៥ម៉ែត្រតាមបណ្តោយមាត់ប្រឡាយ។ ចំពោះដំណោះស្រាយខាងលើនេះ ត្រូវបានប្រជាពលរដ្ឋសាទរផងដែរ ហើយអ្វីដែលជាការងារចំពោះមុខរបស់យើងគឺការ ចាក់ស៊ីផាយដើម្បីស្ថាបនាជញ្ជាំងប្រឡាយនិងការចាក់ដី ពុះឡូតិ៍ចែកជូនប្រជាពលរដ្ឋទាំង៣២០គ្រួសារ៕

 

Copyright © 2010-2021 · អរិយធម៌ · All Rights Reserved.
Develop by Sek Sathya