ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បែកធ្លាយរឿង លោកនាយការិយាល័យប្រឆាំងគ្រឿងញៀន ស្តីទី រត់ការដោះលែងក្រុមជនសង្ស័យ ពាក់ព័ន្ធគ្រឿងញៀន៦នាក់ ជាថ្នូរនិងលុយរាប់ពាន់ដុល្លា​  ||     ឈ្មួញរកស៊ីដឹកទំនិញខុសច្បាប់ ពីប្រទេសថៃ តាមច្រករបៀង នានា ក្នុងខេត្តបន្ទាយមានជ័យ នៅតែមានឥទ្ធិពល ចរាចរណ៍ដដែល​  ||     ឈ្មួញរកស៊ីដឹកទំនិញខុសច្បាប់ តាមច្រករបៀង នៅតែមានឥទ្ធិពល នាំ ជ្រូក ហោះកាត់ ប៉ុស្តិ៍ កុងត្រូល សមត្ថកិច្ច ជំនាញ តាមខ្សែបន្ទាត់ព្រំដែន កម្ពុជា ថៃ ក្នុងភូមិសាស្ត្រ ខេត្តបន្ទាយមានជ័យ បានដដែល​  ||     លោក សែម សាមឿន មេប៉ុស្តិ៍វីរៈ៨៩១ ហៅប៉ុស្តិ៍ក្បាលស្ពាន និង លោក លឹម យូវេង បានឃុបឃិតគ្នា លួចនាំឥវ៉ាន់ខុសច្បាប់ឆ្លងដែនទៅប្រទេសថៃ​  ||     ដីស្នាក់ការប៉ុស្តិ៍នគរបាលរដ្ឋបាលព្រែកលៀប ខណ្ឌជ្រោយចង្វា ត្រូវបានឈ្មួញឃុបឃិតគ្នាលក់បាត់ទៀតហើយ ក្រោមរូមភាពដោះដូរ«យកឆ្នាំងមាសដូរយកឆ្នាំងដី»​  ||   

» ព័ត៌មានជាតិ » យុវសិស្សម្នាក់ ក្នុងចំណោមមិត្តរួមថ្នាក់ ៦នាក់រៀន នៅសាលាអនុវិទ្យាល័យឬស្សីកែវ បានលង់ទឹកស្រះស្លាប់យ៉ាងអាណោចអាធ័ម នៅភ្នំពេញ

យុវសិស្សម្នាក់ ក្នុងចំណោមមិត្តរួមថ្នាក់ ៦នាក់រៀន នៅសាលាអនុវិទ្យាល័យឬស្សីកែវ បានលង់ទឹកស្រះស្លាប់យ៉ាងអាណោចអាធ័ម នៅភ្នំពេញ

ភ្នំពេញ:  កាលពី រសៀល ថ្ងៃទី១២ ខែមិថុនា ឆ្នាំ២០១៩ យុវសិស្សម្នាក់ ក្នុងចំណោមមិត្តរួមថ្នាក់ ៦នាក់រៀន នៅសាលាអនុវិទ្យាល័យឬស្សីកែវ បានលង់ទឹកស្រះស្លាប់យ៉ាងអាណោចអាធ័ម នៅក្នុងវត្តឧត្តរាវត្តី ស្ថិតក្នុងភូមិមិត្តភាព សង្កាត់ឬស្សីកែវ ខណ្ឌឬស្សីកែវ ។

យុវសិស្សរងគ្រោះឈ្មោះ អៀត សំរិទ្ធបញ្ញា អាយុ១៤ឆ្នាំ ជាសិស្សរៀនថ្នាក់ទី៧ ED នៃអនុវិទ្យាល័យឬស្សីកែវ មានទីលំនៅភូមិសាមគ្គី សង្កាត់ឬស្សីកែវ ខណ្ឌឬស្សីកែវ ។

មុនកើតហេតុយុវសិស្សរងគ្រោះ និងមិត្តរួមថ្នាក់ សរុបមានគ្នា៦នាក់ ឆ្លៀតម៉ោងទំនេរ ព្រោះសាលាក៏នៅជាប់ទីរបងវត្ត ក៏បាននាំគ្នា ទិញផ្លែឈើ គ្រឿងម្ជូរ ទៅអង្គុយហូបនៅមាត់ ស្រះក្នុងបរិវេណវត្ត កន្លែងកើតហេតុ ហូបបណ្តើរជជែកគ្នាលេងបណ្តើរ មិនទាន់ទាំងអស់ផង ជនរងគ្រោះ ដោះអាវ ស្រាតខោជើងវែង លោតចុះងូតទឹកស្រះ តែម្នាក់ឯងស្រាប់ តែលង់លិចបាត់ផ្លឹបតែម្តង រកតែជួយមិនទាន់ផង ទើបបង្កឲ្យផ្អើលឆោឡោ ប្រជាពលរដ្ឋ សមត្ថកិច្ច ក្រុមគ្រួសារ នាំគ្នាចុះរាវ ស្រង់ឡើងគោកវិញ ដើម្បីសង្គ្រោះ លើករលាក់ យ៉ាងណាក្តី ក៏មិនអាចដឹងខ្លួនឡើងវិញបានដែរ ហើយក្រុមគ្រួសារ បានត្រឹមបង្ហូរទឹកភ្នែក ទាំងក្តីអាណិត ។

ស្រះទឹកមុខព្រះវិហារខាងលើ មានជម្រៅរហូតដល់ទៅ៣ម៉ែត្រ ។  ត្រូវបានស្រង់សង្គ្រោះបឋមរួចបានបញ្ជូនទៅមន្ទីរពេទ្យ តែត្រូវគ្រូពេទ្យប្រាប់ថា ស្លាប់បាត់ទៅហើយ រួចសមត្ថកិច្ចមកពិនិត្យ ធ្វើកោសល្យវិច័យជាក់ស្តែង ឃើញថា ស្លាប់ដោយសារលង់ទឹកប្រាកដមែន រួចប្រគល់ជូនក្រុមគ្រួសារ ចាត់ចែងដឹកយកទៅធ្វើបុណ្យតាមប្រពៃណី ៕

 

Copyright © 2010-2020 · អរិយធម៌ · All Rights Reserved.
Develop by Sek Sathya