ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក អ៊ុក រស់ ប្រធាន​មន្ទីរ​រ៉ែ​និង​ថាមពល ល្បីល្បាញ​ខាង​ប្រមូល​លុយ​តាមរបៀប​ពុករលួយ​ នៅ​កំពង់ឆ្នាំង ​​  ||     នាយប៉ុស្ដិ៍នគរបាលឃុំមេទឹក ស្រុកបាកាន ឈ្មោះ គុយ ប៉ូរ៉ា បិទភ្នែក មិនខ្វល់ខ្វាយពីបទល្មើស នៅពោធិ៍សាត់​  ||     រឿងអាស្រូវ​របស់លោក ទី ប៊ុន​ឡង់ ប្រធានការិយាល័យ​គយ​ច្រកទ្វារ​អន្តរជាតិ​ព្រំ ប្រើ​អំណាច​ប្រព្រឹត្ត​អំពើពុករលួយ​តាមច្រើន​រូបភាព?​  ||     ល្បែងស៊ីសង​រាលដាល​យ៉ាង​ពេញបន្ទុក​ក្នុង​សង្កាត់​ស្ទឹងមានជ័យ​៣ ប៉ះពាល់​សន្តិសុខ​សង្គម​​  ||     បែកធ្លាយព័ត៌មាន ! បក្សពួកលោកផ្កាយ២ ភឺន ផល្លា ៥នាក់ ត្រូវបានសមត្ថកិច្ចកងរាជអាវុធហត្ថរាជធានីភ្នំពេញ ដោះលែង នៅភ្នំពេញ​  ||   

» ព័ត៌មានជាតិ » ឃាត់ខ្លួនជនជាតិចិន ២៨នាក់ ដែលចូលមកស្នាក់នៅ និងធ្វើការដោយខុសច្បាប់

ឃាត់ខ្លួនជនជាតិចិន ២៨នាក់ ដែលចូលមកស្នាក់នៅ និងធ្វើការដោយខុសច្បាប់

(ភ្នំពេញ)៖  នៅថ្ងៃទី១២ ខែមិថុនា ឆ្នាំ២០១៩នេះ ចាប់ខ្លួនជនជាតិចិន២៨នាក់ ដែលលួច ឆ្លងដែនចូលមកស្នាក់នៅ គ្មានលិខិតឆ្លងដែន និងធ្វើការដោយខុសច្បាប់នៅកម្ពុជា។

ប្រតិបត្តិការនៅថ្ងៃនេះ កម្លាំងជំនាញរបស់លោក សហការជាមួយស្នងការដ្ឋាន នគរបាលរាជធានីភ្នំពេញ ក្រោមការសម្របសម្រួលពី លោក ខាំ សុផារី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ចុះត្រួតពិនិត្យការដ្ឋានសំណង់ នៅតាមបណ្តោយស៊ីសុវត្ថិ កែងផ្លូវលេខ១០០ ស្ថិតក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

កម្លាំងជំនាញបានត្រួតពិនិត្យឃើញកម្មករ ចំនួន៤០នាក់ ស្រី៥នាក់ ក្នុងនោះមានជនបរទេស ជាជនជាតិចិនចំនួន២៨នាក់ សង្ស័យលួចឆ្លងដែនចូលមកស្នាក់នៅ គ្មានលិខិតឆ្លងដែន និងធ្វើការដោយខុសច្បាប់។ ជាលទ្ធផល នៃការសាកសួរ ជនជាតិចិនទាំង២៨នាក់ មានចំនួន១៩នាក់ មានលិខិតឆ្លងដែន (គ្មានប័ណ្ណការងារ) និងជនជាតិចិនចំនួន០៩នាក់ មិនមានលិខិតឆ្លងដែន។

ជនជាតិចិនចំនួន០៩នាក់ (គ្មានលិខិតឆ្លងដែន) ត្រូវបានយកមកអគ្គនាយកដ្ឋានអន្តោប្រវេសន៍ ដើម្បីអនុវត្តតាមនីតិវិធីបន្ត និងដកហូតលិខិតឆ្លងដែន ចំនួន១៩ក្បាល គ្មានប័ណ្ណការងារ យកមកអគ្គនាយកដ្ឋានអន្តោប្រវេសន៍ ដើម្បីចាត់ការបន្ដតាមច្បាប់៕

 

Copyright © 2010-2019 · អរិយធម៌ · All Rights Reserved.
Develop by Sek Sathya