ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 បែកធ្លាយរឿង លោកនាយការិយាល័យប្រឆាំងគ្រឿងញៀន ស្តីទី រត់ការដោះលែងក្រុមជនសង្ស័យ ពាក់ព័ន្ធគ្រឿងញៀន៦នាក់ ជាថ្នូរនិងលុយរាប់ពាន់ដុល្លា​  ||     ឈ្មួញរកស៊ីដឹកទំនិញខុសច្បាប់ ពីប្រទេសថៃ តាមច្រករបៀង នានា ក្នុងខេត្តបន្ទាយមានជ័យ នៅតែមានឥទ្ធិពល ចរាចរណ៍ដដែល​  ||     ឈ្មួញរកស៊ីដឹកទំនិញខុសច្បាប់ តាមច្រករបៀង នៅតែមានឥទ្ធិពល នាំ ជ្រូក ហោះកាត់ ប៉ុស្តិ៍ កុងត្រូល សមត្ថកិច្ច ជំនាញ តាមខ្សែបន្ទាត់ព្រំដែន កម្ពុជា ថៃ ក្នុងភូមិសាស្ត្រ ខេត្តបន្ទាយមានជ័យ បានដដែល​  ||     លោក សែម សាមឿន មេប៉ុស្តិ៍វីរៈ៨៩១ ហៅប៉ុស្តិ៍ក្បាលស្ពាន និង លោក លឹម យូវេង បានឃុបឃិតគ្នា លួចនាំឥវ៉ាន់ខុសច្បាប់ឆ្លងដែនទៅប្រទេសថៃ​  ||     ដីស្នាក់ការប៉ុស្តិ៍នគរបាលរដ្ឋបាលព្រែកលៀប ខណ្ឌជ្រោយចង្វា ត្រូវបានឈ្មួញឃុបឃិតគ្នាលក់បាត់ទៀតហើយ ក្រោមរូមភាពដោះដូរ«យកឆ្នាំងមាសដូរយកឆ្នាំងដី»​  ||   

» ព័ត៌មានជាតិ » ម៉ូតូសណ្ដោងរ៉ឺម៉កមួយគ្រឿង បើកមិនប្រកាន់ស្ដាំ ធ្វើឲ្យម៉ូតូមួយគ្រឿងទៀត ធ្វើដំណើរច្រាស់ទិសទិសគ្នា បុកពេញមួយទំហឹង បណ្ដាលឲ្យបុរសម្នាក់ ជាអ្នកបើកបរម៉ូតូស្កុបពីទទួលរងរបួសធ្ងន់ នៅកណ្តាល

ម៉ូតូសណ្ដោងរ៉ឺម៉កមួយគ្រឿង បើកមិនប្រកាន់ស្ដាំ ធ្វើឲ្យម៉ូតូមួយគ្រឿងទៀត ធ្វើដំណើរច្រាស់ទិសទិសគ្នា បុកពេញមួយទំហឹង បណ្ដាលឲ្យបុរសម្នាក់ ជាអ្នកបើកបរម៉ូតូស្កុបពីទទួលរងរបួសធ្ងន់ នៅកណ្តាល

ខេត្តកណ្ដាល៖ ហេតុការណ៍គ្រោះថ្នាក់ចរាចរណ៍នេះ បានកើតឡើង កាលពីថ្ងៃសៅរ៍ ទី៨ ខែមិថុនា ឆ្នាំ២០១៩ ស្ថិតក្នុងភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្តាល ។

ជនរងគ្រោះរងរបួសធ្ងន់ឈ្មោះ រស់ សារិទ្ធ ភេទប្រុស អាយុ៣៦ឆ្នាំ មានទីលំនៅភូមិជ្រែមួយរយ ឃុំសំបួរមាស ស្រុកមុខកំពូល ខេត្តកណ្ដាល បើកបរម៉ូតូម៉ាកហុងដា ស្កុបពី ពណ៌ក្រហម ពាក់ស្លាកលេខ កណ្ដាល1AA-2500 ។ ចំណែកភាគីម៉ូតូម្ខាងទៀតម៉ាកសាន់យ៉ាន់ សណ្ដោងរ៉ឺម៉ក ធុនសេ១៥០ ពណ៌ស គ្មានស្លាកលេខ បើកបរដោយឈ្មោះ សាល ធឿន ភេទប្រុស អាយុ៤៥ឆ្នាំ មានទីលំនៅភូមិបាគ្រង ឃុំរវៀង ស្រុកមុខជើងព្រៃ ខេត្តកំពង់ចាម ។

នៅមុនពេលកើតហេតុ សាក្សីបានឃើញម៉ូតូម៉ាកសាន់យ៉ាន សណ្ដោងរ៉ឺម៉កខាងលើ ធ្វើដំណើរក្នុងទិសដៅពីត្បូង ទៅជើង លុះមកដល់ចំណុចកើតហេតុ បានរេចង្កូតមកឆ្វេង ធ្វើឲ្យម៉ូតូម៉ាកហុងដាស្កុបពី មួយគ្រឿង បើកបរដោយល្បឿនលឿន ក្នុងទិសដៅច្រាស់គ្នា ក៏បានបុកពេញមួយទំហឹង បណ្ដាលឲ្យជនរងគ្រោះជាអ្នកបើកបរម៉ូតូ ស្កុបពីរងរបួសធ្ងន់ ។

កម្លាំងនគរបាលជំនាញទទួលបានព័ត៌ខាងលើ ភ្លាមនោះក៏ចុះទៅដល់កន្លែងកើតហេតុរួច ហៅរថយន្ដសាមុយដឹកជនរងគ្រោះទៅសង្រ្គោះនៅមន្ទីរពេទ្យកាលម៉ែត្រ រាជធានីភ្នំពេញ ។ ដោយឡែកមធ្យោបាយពាក់ព័ន្ធ ត្រូវបានកម្លាំងជំនាញ វាស់វែង រួចយកទៅរក្សាទុកនៅអធិការដ្ឋាននគរបាលស្រុក ដើម្បីចាត់ការតាមច្បាប់ ។

សមត្ថកិច្ចបានឲ្យដឹងថា ករណីនេះ គឺបណ្ដាលមកពីអ្នកបើកបរម៉ូតូសណ្ដោងរ៉ឺម៉ក បើកបរមិនប្រកាន់ស្ដាំ រីឯអ្នកបើកបរម៉ូតូស្កុបពីបើកបរល្បឿនលឿន ទើបបានជាកើតមានគ្រោះថ្នាក់ដូច្នេះ ៕

 

Copyright © 2010-2020 · អរិយធម៌ · All Rights Reserved.
Develop by Sek Sathya