ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីព្រៃស្រោងនិងព្រៃសហគមន៍រាប់រយរាប់ពាន់ហិកតា ត្រូវបានគ្រឿងចក្រត្រាកទរ័D60ជាច្រើនគ្រឿង របស់អ្នកមានអំណាចប្រចាំខេត្តរតនគិរី និងអាជ្ញាធរស្រុកតាវែង ឃុបឃិតគ្នាជាប្រព័ន្ធ ធ្វើការឈូសឆាយយកធ្វើជាកម្មសិទ្ធ​  ||     ខ្លាំងបាត់ ! ស្ងាត់ៗ ដីសមូហភាព៤ហិកតា ក្នុងវត្តចំបក់បីដើម ត្រូវបានក្រុមជន លោភលន់ ៣គ្រួសារ បំពានយកជាកម្មសិទ្ធិផ្ទាល់ខ្លួនអស់ហើយ​  ||     ពិតជាកក្រើកណាស់ នៅលើទឹកដីស្រុកកំពង់លែង ដែលអ្នកមានលុយមានអំណាច នៅតែបន្តឆ្លៀតឱកាសរំលោភយកដីរដ្ឋ ស្រួលជាងប្លន់ដីរាស្ត្រ​  ||     លាក់ព័ត៌មានមិនជិតទេ ! ភ្ញាក់ផ្អើល ករណីបាញ់បុរសម្នាក់ធ្លាយដៃ ត្រូវបានដាក់ពាក្យបណ្តឹង នៅប៉េអឹមរកយុត្តិធម៌ ដោយខាងប៉ូលីស មិនទទួលយកពាក្យបណ្តឹង លោក ឧត្តមសេនីយ៍ទោ ជួន ណារិន ដែលលោកតែងតែគោរពនិងស្រឡាញ់ ប្រជាពលរដ្ឋ និងមានវិធានការយ៉ាងណា ចំពោះកូនចៅក្រោមឱវាទ​  ||     ប្រជាពលរដ្ឋ ក៏ដូចជាមន្ត្រីរាជការ និងអ្នកសារព័ត៌មាន ក្នុងប្រទេសកម្ពុជា ទាំងមូល សូមសំណូមពរដល់ ឯកឧត្តម ឱម យិនទៀង ប្រធាន​អង្គភាពប្រឆាំងអំពើពុករលួយ​ សូមមេត្តាស្រាវជ្រាវដាក់ការស៊ើបអង្កេតរឿងនេះផង​  ||   

» Breaking News, ព័ត៌មានជាតិ, ព័ត៌មានអន្តរជាតិ » មេ​ឈ្មួញ ហូ​វ ជី​វ៉ៃ បន្តសកម្មភាព​ដឹកជញ្ជូន​ឈើ​ ទៅ​ស្រុក​យួន​យ៉ាង​គឃ្លើន​

មេ​ឈ្មួញ ហូ​វ ជី​វ៉ៃ បន្តសកម្មភាព​ដឹកជញ្ជូន​ឈើ​ ទៅ​ស្រុក​យួន​យ៉ាង​គឃ្លើន​

រតនគិរី  ៖ ប្រភពពី​មន្ត្រី​អាវុធហត្ថ​នៅក្នុង​ខេត្តរតនគិរី មួយចំនួន​បាន​ឲ្យ​ដឹងថា រហូតមកដល់​ពេលនេះ​មេ​ឈ្មួញ ហូ​វ ជី​វ៉ៃ ហៅ​អា​វ៉ៃ ដែលជា​មន្ត្រី​អាវុធហត្ថ​ខេត្តរតនគិរី នៅតែ​អាចធ្វើ​សកម្មភាព​ប្រមូល​ទិញ​ឈើ​និង​ដឹកជញ្ជូន​ឈើ​ចេញពី​ខេត្តរតនគិរី យ៉ាង​គឃ្លើន​ព្រោះ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ហ៊ាន​ប៉ះពាល់​ឈ្មួញ​រូបនេះ​ទេ​។ ប្រភព​បាន​ឲ្យ​ដឹង​ទៀតថា​មេ​ឈ្មួញ ហូ​វ ជី​វ៉ៃ អាង​មាន​លោក​ឧ​ត្ត​ម​សេនីយ៍​ត្រី ថាវ យ៉េន មេបញ្ជាការ​កងរាជអាវុធហត្ថ​ខេត្តរតនគិរី ជា​បង្អែក​រឹងមាំ​ទើប​ហ៊ាន​បន្តធ្វើ​សកម្មភាព​កាប់​ឈើ ប្រមូល​ទិញ​ឈើ និង​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក​។

​ប្រភព​ដែល​ស្និទ្ធ​នឹង​មេ​ឈ្មួញ ហូ​វ ជី​វ៉ៃ បាន​បង្ហើប​ឲ្យ​ដឹងថា ឈ្មួញ​ជាម​ន្ត្រី​កងរាជអាវុធហត្ថ​ខេត្តរតនគិរី ម្នាក់នេះ​មាន​ទំនាក់ទំនង​ជិតស្និទ្ធ​ជាមួយ​លោក សយ សូ​ណា ប្រធាន​មន្ទីរ​កសិកម្ម​ខេត្តរតនគិរី និង​លោក កែប កត់ នាយ​ខណ្ឌ​រដ្ឋបាល​ព្រៃឈើ​ខេត្តរតនគិរី ផងដែរ​ទើប​អ្វីៗ​អាច​ប្រព្រឹត្តទៅ​យ៉ាង​សុខ​ស្រួល​។ ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក សយ សូ​ណា និង​លោក កែប កត់ ទេនោះ​គឺ​មេ​ឈ្មួញ ហូ​វ ជី​វ៉ៃ មិនអាច​ដឹកជញ្ជូន​ឈើ​ពី​ស្រុក​វ៉ើ​ន​សៃ ស្រុក​កូន​មុំ ស្រុក​លំផាត់ ស្រុក​បរ​កែវ និង​ស្រុក​មួយចំនួនទៀត​ចេញទៅ​ស្រុក​យួន​តាម​ច្រកទ្វារ​អន្តរជាតិ​អូរ​យ៉ា​ដាវ យ៉ាង​ពេញបន្ទុក​នោះទេ​។ លើស​នេះ​ទៅទៀត​សមត្ថកិច្ច​និង​មន្ត្រី​ជំនាញ​តាម​ប៉ុស្ដិ៍​ត្រួតពិនិត្យ​លើផ្លូវ​ជាតិ​លេខ​៧៨ ពី​ក្រុង​បាន​លុន ទៅ​ច្រកទ្វារ​អូ​រយ៉ា​ដាវ ចាំ​ទទួលផល​ប្រយោជន៍​ពី​មេ​ឈ្មួញ ហូ​វ ជី​វ៉ៃ យ៉ាង​ពេញចិត្ត​ដូច្នេះហើយ​ទើប​ពួកគេ​មិន​ចាត់វិធានការ​បង្ក្រាប​មេ​ឈ្មួញ​រូបនេះ​។

សមត្ថកិច្ច​ពាក់ព័ន្ធ​ក្នុង​ខេត្តរតនគិរី បាន​លើកឡើងថា កាល​ជំនាន់​លោក គឹម រស្មី នៅ​ធ្វើជា​មេបញ្ជាការ​កងរាជអាវុធហត្ថ​ខេត្តរតនគិរី គឺ​មេ​ឈ្មួញ ហូ​វ ជី​វ៉ៃ អាច​ដឹកជញ្ជូន​ឈើ​ទៅ​ស្រុក​យួន​យ៉ាង​រលូន ហើយ​បច្ចុប្បន្ន​ក្នុងពេលដែល​លោក ថាវ យ៉េន ធ្វើជា​មេបញ្ជាការ​កងរាជអាវុធហត្ថ​ខេត្តរតនគិរី ក៏​មេ​ឈ្មួញ ហូ​វ ជី​វ៉ៃ អាច​ដឹកជញ្ជូន​ឈើ​ចេញទៅ​ស្រុក​យួន​យ៉ាង​រលូន​ដដែល​។ មន្ត្រី​ជំនាញ​និង​សមត្ថកិច្ច​ពាក់ព័ន្ធ​ក្នុង​ខេត្តរតនគិរី សុទ្ធតែ​ដឹងថា​លោក ថាវ យ៉េន ជា​បង្អែក​រឹងមាំ​របស់​មេ​ឈ្មួញ ហូ​វ ជី​វ៉ៃ ទើប​ពួកគេ​មិន​ហ៊ាន​ប៉ះពាល់​មេ​ឈ្មួញ​រូបនេះ ព្រោះ​ខ្លាច​ឥទ្ធិពល​របស់លោក ថាវ យ៉េន ចាំ​ការពារ​។ ជាក់ស្ដែង​កន្លងមក​លោក ថាវ យ៉េន មេបញ្ជាការ​កងរាជអាវុធហត្ថ​ខេត្តរតនគិរី ចាត់វិធានការ​បង្ក្រាប​ក្រុម​ឈ្មួញ​ដឹកជញ្ជូន​ឈើ​ខុសច្បាប់​ជាច្រើន​ករណី ប៉ុន្តែ​មេ​ឈ្មួញ ហូ​វ ជី​វ៉ៃ គេច​ផុតពី​ការបង្ក្រាប​ជា​រៀងរហូត​។

មន្ត្រី​អង្គការក្រៅរដ្ឋាភិបាល​និង​សកម្មជន​ព្រៃឈើ​ក្នុង​ខេត្តរតនគិរី បាន​កត់សម្គាល់ថា សូម្បីតែ​មន្ត្រី​គណៈកម្មការ​បង្ក្រាប​និង​ទប់ស្កាត់​បទល្មើស​ព្រៃឈើ​ដែល​ចុះទៅ​បំពេញបេសកកម្ម​ក្នុង​ខេត្តរតនគិរី ក៏​មិន​ហ៊ាន​ប៉ះពាល់​មេ​ឈ្មួញ ហូ​វ ជី​វ៉ៃ នោះដែរ​ប្រហែល​ម​ការយោគយល់​ចំពោះ​លោក ថាវ យ៉េន មេបញ្ជាការ​កងរាជអាវុធហត្ថ​ខេត្តរតនគិរី​។ ហេតុនេះហើយ​ទើប​មេ​ឈ្មួញ ហូ​វ ជី​វ៉ៃ អាច​បន្តសកម្មភាព​ប្រព្រឹត្ត​បទល្មើស​ព្រៃឈើ​និង​ដឹកជញ្ជូន​ឈើ​ចេញទៅ​ស្រុក​យួន​តាម​ច្រកទ្វារ​អន្តរជាតិ​អូរ​យ៉ា​ដាវ យ៉ាង​រលូន​ដដែល​។ ចំណែក​លោក កែប កត់ មេ​រដ្ឋបាល​ព្រៃឈើ​ខេត្តរតនគិរី និង​លោក សយ សូ​ណា ប្រធាន​មន្ទីរ​កសិកម្ម​ខេត្តរតនគិរី កំពុង​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់​៕

 

Copyright © 2010-2019 · អរិយធម៌ · All Rights Reserved.
Develop by Sek Sathya