ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » សាលាខេត្ត​កំពង់ធំ​កោះហៅ​អ្នក​សារពត៌មាន មក​ប្រជុំ​ស្តីពី​ការយក​ពត៌មាន

សាលាខេត្ត​កំពង់ធំ​កោះហៅ​អ្នក​សារពត៌មាន មក​ប្រជុំ​ស្តីពី​ការយក​ពត៌មាន

កំពង់ធំ ៖ សាលាខេត្ត​កំពង់ធំ កោះហៅ​មន្ត្រី​ពត៌មាន និង​មន្ទីរ​អង្គភាព​ពាក់​ព័​ន្ឋ នៅក្នុង​ខេត្តកំពង់ធំ ដើម្បី​បើក​កិច្ច​ពិ​ភាគ​ក្សា ប្រមូលផ្តុំ​ពត៌មាន​នៅក្នុង​ខេត្តកំពង់ធំ ក្នុងការ​ផ្សព្វ​ផ្សា​ពត៌មាន​ទៅជា​សាធារណៈ ក្រោម​អធិបតីភាព ឯកឧត្តម អ៊ុត សំអន អភិបាល នៃ​គណៈ​អភិបាលខេត្ត​កំពង់ធំ និង​ឯកឧត្តម គង់ វិមាន អភិបាលរង​ខេត្ត កំពង់ធំ លោក ម៉ាន់ សារ៉ាន់ ប្រធាន​មន្ទីរ​ពត៌មាន​ខេត្ត និង​លោក ប៉ែន សា​រ៉ា​ត ព្រះរាជអាជ្ញា​សាលាដំបូង ខេត្តកំពង់ធំ ព្រមទាំង​ប្រធាន អនុប្រធាន​ជុំវិញ​ខេត្ត​ចូលរួម​ជាច្រើន នាក់ ។​
​កិច្ចប្រជុំ​ក្រុម​អ្នក​សារពត៌មាន ក្នុង​គោលបំណង ឲ្យ​មន្ត្រី​ទទួលបន្ទុក​ពត៌មាន របស់​សាលាខេត្ត​កំពង់ធំ គឺជា អ្នកនាំពាក្យ​របស់​រដ្ឋ​បាល​ខេត្តកំពង់ធំ ក្នុង​ធានា​ឲ្យ​មានការ​ផ្ស​ព្ប​ផ្សាយ និង​កែ​តំ​ម្រូ​វ​ពត៌មាន​ជា​សាលា​រណៈ កាន់តែ​ទូលំទូលាយ មាន​តម្លាភាព​និង​ប្រសិទ្ធភាព ដោយ​ការផ្តល់​សេចក្តី​សង្ខេប​របស់​ពត៌មាន ដោយផ្ទាល់ មាត់ ឬ​រាយការណ៍​តាម​ទូរស័ព្ទ និង​ជា​លាយ​លក្ខ​អក្សរ  ជូន​ប្រ​ព័​ន្ឋ​ផ្សព្វផ្សាយ​ពត៌មាន​នានា  និង​រៀបចំ​ឲ្យ​មាន​ក្តាព​ត៌មាន​ជា​សាធារណៈ​នៅ​សាលាខេត្ត  និង​រៀបចំ​ឲ្យ​មាន​មធ្យោបាយ​ផ្សព្វផ្សាយ​ពត៌មាន​ផ្សេងៗ​តាំ គេហទំព័រ កាសែត វិទ្យុ និង​ទូរទស្សន៍ និង​បាន​ឲ្យ​មន្ត្រី​ទទួលបន្ទុក​ពត៌មាន​សាលាខេត្ត អនុវត្ត​ច្បាប់​ស្តីពី របប​សារពត៌មាន ដើម្បី​ងាយស្រួល​ពត៌មាន​ដែល​បាន ចេញផ្សាយ​មាន​ភាពត្រឹមត្រូវ សុ​ក្រឹត្យ ងាយស្រួល ពី​អ្នក​ពាក់​ព័​ន្ឋ ករណី​អ្នកទទួលបន្ទុក​ពត៌មាន មានការ​យឺតយ៉ាវ ក្នុង​ការផ្តល់​របាយការណ៍ ពត៌មាន​ដល់ ប្រព​ន្ឋ​ផ្សព្វផ្សាយ និង​ត្រូវបាន​ពិចារណា ក្នុង​ការងារ ។​
​លោក ម៉ាន់ សារ៉ាន់ ប្រធាន​មន្ទីរ​ពត៌មាន ខេត្តកំពង់ធំ បាន​ឡើង​អាន​របាយការណ៍ ស្តីពី​ប្រ​ព័​ន្ឋ​ផ្សព្វផ្សាយ ដែលមាន​នៅក្នុង​ខេត្តកំពង់ធំ និង​បាន​មានប្រសាសន៍ថា ចំនួន​អ្នក​សារពត៌មាន នៅក្នុង​ខេត្តកំពង់ធំ មិនទាន់ ដឹង​ពិតប្រាកដ​នោះទេ និង​សំណូមពរ ដល់​អ្នក​សារពត៌មាន ទាំងអស់ គោរព​តាម វិជ្ជាជីវៈ​របស់​អ្នក​សារ​ព​ត៌ មាន កុំ​ចុះផ្សាយ​តាម​កំហឹង​របស់ខ្លួន ។​
​អ្នក​សារពត៌មាន បាន​សំណូមពរ ដល់​រដ្ឋបាលខេត្ត កុំ​ឲ្យ​មានការ​រើសរ​អើ​ង ចាត់ចែង​តាម​បក្សពួកនិយម របស់​អ្នក​សារពត៌មាន និង​ក្នុងនាម​ជា​អ្នកចាត់ចែង​ទទួលបន្ទុក​ផ្តល់​ពត៌មាន ដល់​អ្នក​សារពត៌មាន សូមកុំ​ឲ្យ​មានការ​ត្រចៀកស្រាល ជឿ​លើ​ការ​ញ៉ុះ​ញ៉​ង ពី​សំណាក់​អ្នក​សារពត៌មាន មួយចំនួន ដែល​តែងតែ​ឆ្លៀត​ឳ​កាស ប្រើប្រាស់​ឈ្មោះ​របស់​ស្ថាប័ន អង្គភាព​អ្នក​ដ៏​ទៃ ដើម្បី​ផលប្រយោជន៍ ធ្វើ​អជីវ​កម្ម​របស់ខ្លួន ។​
​ឯកឧត្តម គង់ វិមាន អភិបាលរង​ខេត្តកំពង់ធំ បាន​មានប្រសាសន៍​ថ្លែងអំណរគុណ ចំពោះ​អ្នក​សារពត៌មាន ដែល​បាន​ខិតខំ​ប្រឹងប្រែង​យក​ពត៌មាន ផ្សព្វផ្សាយ​ជូន​សាលាខេត្ត​កំពង់ធំ ក្នុងនោះដែរ​ក៏​សូម​ឲ្យ​អ្នក​សា​រព​ត៌ មាន​អនុវត្តន៍ ឲ្យ​បាន​នូវ​ភាព​ទទួលខុសត្រូវ ក្នុងការ​ចុះផ្សាយ​របស់​ខ្លួន និង​ពត៌មាន​ទាន់ពេលវេលា  និង​ត្រង់ ទៅ​ត្រង់​មក នូវ​អត្ត​ន័យ​ខ្លឹមសារ​នៃ​សាច់រឿង ចំណែក​អ្នក​សារពត៌មាន​មួយចំនួន​តូច មិនទាន់​ដឹង​ពិតប្រាកដ នូវ​អត្តសញ្ញាណ​នៅឡើយ​ទេ និង​បានធ្វើ​សកម្មភាព​អុកឡុក ដែលជា​បញ្ហារ​ប្រឈម​និង​សមត្ថកិច្ច  ដូច្នេះ សាលាខេត្ត​កំពង់ធំ បាន​ចាត់​ឲ្យ​មាន មន្ត្រី​ទទួលបន្ទុក​ពត៌មាន​ប្រចាំខេត្ត ដែលមាន  ឯកឧត្តម គង់ វិមាន ជា​អភិបាលរង​ខេត្ត ជា​ប្រធាន លោក ម៉ាន់ សារ៉ាន់ ប្រធាន​មន្ទីរ​ពត៌មាន ជា​សា​មា​ជិ​ក លោក ច​ន រ៉ែ​ន ប្រធានការិយាល័យ​សរុប ពត៌មាន ជា​សមាជិក​។ ក្នុងនោះដែរ ឯកឧត្តម បាន​សំណូមពរ​ឲ្យ​មានការ​ផ្សារ ភ្ជាប់​រវាង​រដ្ឋបាលខេត្ត និង​មន្ទីរ​ស្ថាប័ន​ផ្សេងៗ ជាមួយនឹង​អ្នក​សារពត៌មាន  ដោយសារតែ​ជិះទូក​ជាមួយគ្នា ហើយ ត្រូវ​ជួយ​គ្នា​ជ្រោមជ្រែង ធ្វើ​ឲ្យ​ខេត្តកំពង់ធំ ទទួលបាន​ការរីកចម្រើន ខាង​ពត៌មាន ។​
​ឯកឧត្តម អ៊ុត សំអន អភិបាលខេត្ត​កំពង់ធំ បាន​មានប្រសាសន៍ ផ្តាំ​ឲ្យ​អ្នក​សារពត៌មាន ទាំងអស់​មានការ អធ្យាស្រ័យ យល់យោគ ក្នុងការ​ទទួលយក​ព​ត៌មាន តាម​ប្រព​ន្ឋ​ទូរស័ព្ទ ឬ​ដោយ​ការ​ផ្ទាល់មាត់ ដោយនៅ​ពេលខ្លះ​មន្ត្រី​អ្នកផ្តល់​ពត៌មាន អាចមាន​ភារៈកិច្ច​រវល់​ចាំបាច់​ពិត​ប្រក​ដ  និង​សូម​ឲ្យ​យក​ពត៌មាន មាន​ប្រភព ច្បាស់លាស់ ពី​ភាគី​ទាំងសងខាង ជៀសវាង​ការ​លាប​ពណ៌​ដាក់គ្នា តែបើ​កាលពី​អ្នកយក​ពត៌មាន មិនបាន ប្រភព​ច្បាស់លាស​ទេ វា​ប្រៀបបាន​និង​ការ​ញ៉ុះ​ញ៉​ង​ឲ្យ​បែកបាក់​សាមគ្គី​គ្នា ៕​
​ដោយ​អ៊ុង​សំអាត

Copyright © 2010-2021 · អរិយធម៌ · All Rights Reserved.
Develop by Sek Sathya