ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||     ល្បី! លោក យី ថុល  ប្រធានការិយាល័យ គយ ច្រកទ្វារអន្តរជាតិព្រែកចាក  នៅតែប្រមូលលុយ តាមរបៀបពុករលួយ?​  ||     ល្បីដល់លើហើយ!  អំពើពុករលួយ និងការអនុវត្តខុសពីតួនាទីភារកិច្ច របស់លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ​  ||   

» Breaking News, ព័ត៌មានជាតិ » បុគ្គលិក​អង្គការ ប្រព័ន្ធ​ទិន្នន័យ នៅ​កម្ពុជា ធ្វើ​កូដកម្ម​ទាមទារប្រាក់​ខែ​គោល ១៦០​ដុល្លារ ​

បុគ្គលិក​អង្គការ ប្រព័ន្ធ​ទិន្នន័យ នៅ​កម្ពុជា ធ្វើ​កូដកម្ម​ទាមទារប្រាក់​ខែ​គោល ១៦០​ដុល្លារ ​

ភ្នំពេញ ៖ បុគ្គលិក​អង្គការ ប្រព័ន្ធ​ទិន្នន័យ នៅ​កម្ពុជា (Digital Device Data) ហៅ​កាត់​ថា DDD ប្រមាណ​ជា​១០០​នាក់ កាលពី​ព្រឹក​ថ្ងៃ​អង្គារ​ទី​១៤ ខែមករា ឆ្នាំ​២០១៤​នេះ បាននាំគ្នា ចេញ​តវ៉ា នៅមុខ​ស្នាក់ការ​អង្គការ ស្ថិត​តាម​បណ្តោយ​ផ្លូវ លេខ​២៧១ ក្នុង​សង្កាត់​ទួល​ទំពូង​ទី​២ ខណ្ឌចំការមន ដើម្បី​ទាមទារ​ឲ្យ​អង្គការ ដំឡើង​ប្រាក់ខែ​គោល ពី​៨៨​ដុល្លារ ឡើងដល់ ១៦០​ដុល្លារ ។​
​តំណាង​សហព័ន្ធ សហជីព​កម្មករ និ​យោ​ជិ​ក វិស័យ​ទេសចរណ៍ និង​សេវាកម្ម​កម្ពុជា បាន​ឲ្យ​ដឹងថា បុគ្គលិក​អង្គការ​ប្រព័ន្ធ​ទិន្នន័យ​នៅ​កម្ពុជា (Digital Device Data) ហៅ​កាត់​ថា DDD បានធ្វើ​កូដកម្ម​រយៈពេល​ពីរ​ថ្ងៃ​មកហើយ ដោយ​ធ្វើ​ទាមទារ ឲ្យ​ប្រធាន​អង្គការ ផ្តល់នូវ​លក្ខខណ្ឌ ការងារ​មួយចំនួន និង​ដំឡើង​ប្រាក់ខែ​គោល​ដល់ ១៦០​ដុល្លារ ។​
​ដោយមាន​ការ សម្របសម្រួល ពី​អាជ្ញាធរ​នៅ​ម៉ោង ៩​ព្រឹក​នេះ តំណាង​បុគ្គលិក​អង្គការ ប្រព័ន្ធ​ទិន្នន័យ​នៅ​កម្ពុជា  និង​តំណាង​សហជីព ១៥​នាក់ បាន​ចូល​ចរចា ជាមួយ​ប្រធាន​អង្គការ​នេះ ឈ្មោះ ជេ​រ៉ា​មី ជនជាតិ​ហ្វីលីពីន នៅ​សាលា សង្កាត់​ទួល​ទំពូង​ទី​២ ប៉ុន្តែ​ដំណោះស្រាយ យ៉ាងណា​នៅ​មិនទាន់​ដឹង​នៅឡើយ​ទេ​។ ដោយ​ក្នុងនោះ បុគ្គលិក កម្មករ បានទាមទារ លក្ខខណ្ឌ​ជាច្រើន​ចំណុច ប៉ុន្តែ​ចំណុច​សំខាន់ៗ មាន​ដូច ជា​ទាមទារ​ឲ្យ​អង្គ​ការយក បុគ្គលិក ឈ្មោះ ផូង តុលា មក​ចូលធ្វើការ​វិញ ហើយ​ទាមទារ​ឲ្យ​ខាង​អង្គការ ដក​អ្នក​ប្រធាន ផ្នែក​ធនធាន មនុស្ស (HR) ឈ្មោះ Penny Gonnay ដែល ជា​ជាតិ​ហ្វី​លី​ពិន​ចេញ ដោយ​ខាង​បុគ្គលិក បាន​អះអាងថា ចាប់តាំងពី ឈ្មោះ Penny Gonnay មក​គ្រប់គ្រង គឺ​បុគ្គល​ម្នាក់ នេះ តែងតែ​ធ្វើ​ព្យុះ​ធ្វើ​ភ្លៀង​នៅក្នុង​អង្គការ កើតមាន​បញ្ហា​ជា​រហូត ៕

Copyright © 2010-2021 · អរិយធម៌ · All Rights Reserved.
Develop by Sek Sathya