ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ​គម្រោង​​ដេញ​ថ្លៃ​ធ្វើ​ផ្លូវ​៤​កន្លែង​ ​ស្រុកកំពង់សៀម​​ ថវិកា​ជាតិ​ជិត​៥០០លាន​ លោក ​ឡី មិច ​នាយករង​រដ្ឋ​បាល​ខេត្ត​កំពង់ចាម ​ដេញ​អ្នក​សារ​ព័ត៌មាន​ មិន​ឲ្យ​ថតរូប បង្កការភ្ញាក់ផ្អើ់លនៅកំពង់ចាម​  ||     មេឈ្មួញម្ចាស់ដេប៉ូឈើចាស់វស្សា មានជំនាញចាយលុយស្រុកត្បែងមានជ័យ អាងខ្នងបង្អែករឹងមាំ ហ៊ានធ្វើអ្វីៗស្រេចតែចិត្ត ដោយអាងអំណាចទឹកលុយ?​  ||     ល្បីលោក នូ និច មេប៉ុស្តិ៍នគរបាលការពារ ព្រំដែនច្រកដូនរ័ត្ន កំពុងឃុបឃិតគ្នា ជាមួយឈ្មួញឈ្មោះ ថៃ គា ឱ្យមានការដឹកជញ្ជូនផលអនុផលព្រៃឈើ ឆ្លងដែនទៅប្រទេសវៀតណាម​  ||     ល្បីឈ្មោះចែឡែន នៅតែប្រើរថយន្ត៣គ្រឿងដឹកជញ្ជូនឈើ យកទៅលក់នៅខេត្តកំពង់ធំ តែសមត្ថកិច្ច នៅតែធ្វើដេកលក់​  ||     រឿងអាស្រូវពុករលួយជាប្រព័ន្ធរបស់មេៗ នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តសៀមរាប ត្រូវបានបណ្តាញព័ត៌មាននានាចុះផ្សាយជាបន្តបន្ទាប់​  ||   

» ព័ត៌មានជាតិ » ត្រី​ក្រពត​ប្រល័យ​ជីវិត​មនុស្ស​ម្នាក់​ទៀតហើយ

ត្រី​ក្រពត​ប្រល័យ​ជីវិត​មនុស្ស​ម្នាក់​ទៀតហើយ

កំពង់ចាម​៖ សេចក្តីរាយការណ៍​ពី​បណ្តាញ​ព័ត៌មាន​អរិយធម៌​បាន​ឲ្យ​ដឹងថា បុរស​ម្នាក់ បាន​ពុល​ត្រី​ក្រពត​ស្លាប់ ក្រោយពេល ដែល​បុរសរងគ្រោះ បាន​បរិភោគ ត្រី​ក្រពត និង​គ្រឿង​ក្នុង​​ច្រើន កាលពី ល្ងាច ថ្ងៃទី​៣ ខែកក្កដា ឆ្នាំ​២០១៣ នៅ​ភូមិ​បឹង​បាសាក់ សង្កាត់​សំបួរ​មាស ក្រុង​កំពង់ចាម។សេចក្តីរាយការណ៍​បាន​បញ្ជាក់ថា បុរស ដែល​ស្លាប់​ដោយ​ពុល​ត្រី​ក្រពត​នេះ មានឈ្មោះ មួង ម៉ុ​ន អាយុ​៤៨​ឆ្នាំ មាន​ទីលំនៅ​ក្នុងភូមិ​កើតហេតុ។ ​នាយប៉ុស្តិ៍​នគរបាល សង្កាត់​សំបួរមាស លោក សឹង ចាន់​អូន បាន​ឲ្យ​ដឹងថា នៅ​ល្ងាច​ថ្ងៃកើតហេតុ បុរស​រង គ្រោះ និង​ប្រពន្ធបាននាំគ្នា បរិភោគ ត្រី​ក្រពត ដោយពេល​នោះ ស្ត្រី​ជា​ប្រពន្ធ បាន​បរិភោគ​តែ​សាច់​ត្រី​ក្រពត​ទេ បាយ​រួច​ក៏ ឈប់​បរិភោគ​ទៅ។ ចំណែក​ប្តី​បាន​បន្ត​បរិភោគ​គ្រឿង ក្នុង​ត្រី​ក្រពត ក្លែមស្រាអស់​ច្រើន ទើប​បន្ទាប់មកនាំគ្នា​លង់លក់ក្នុង​ដំណេក​ទៅ​។

លុះដល់​វេលា​ម៉ោង ១​រំលងអធ្រាត្រ ចូល​ថ្ងៃទី​៤ ខែកក្កដា ស្រាប់តែ​ជនរងគ្រោះ មាន អាកា​រៈ​រឹង ដៃ រឹង​ជើង ធ្វើ​ឲ្យ​មានការ​ឆោឡោភ្ញាក់ផ្អើល​ញាតិ​ជិតខាង មកជួយ​មើល ហើយ​ជាមួយគ្នា​នោះ ក្រុមគ្រួសារ​ក៏បាន​ទៅ​ហៅ​គ្រូពេទ្យ ក្នុងភូមិ​មកពិនិត្យមើល ប៉ុន្តែ ដោយ​សារ​​អាកា​រៈ​ជនរងគ្រោះ មាន​សភាព មិន​ស្រួ​ស​ខ្លាំង គ្រូពេទ្យ​ក្នុងភូមិ បាន​ណែនាំ​ឲ្យ​យក​ទៅ​សង្គ្រោះ​នៅ​មន្ទីរពេទ្យ ខេត្តកំពង់ចាម ។ បន្ទាប់មក ក្រុម គ្រួសារ​និង​ញាតិ​ជិតខាង បាន​​ជួយ​ដឹក​ជន រងគ្រោះ​ទៅ​មន្ទីរពេទ្យ​ខេត្ត ប៉ុន្តែ គ្រាន់តែ​លើក ជនរងគ្រោះ ដាក់​លើ​រទេះរុញនៃ​មន្ទីរពេទ្យត្រូវ​គ្រូពេទ្យ​ប្រាប់ថា ជនរងគ្រោះ​បាន​ដាច់ខ្យល់​ស្លាប់បាត់​ទៅ​ហើយ។

​លោក នាយប៉ុស្តិ៍ ដដែល​បាន​ឲ្យ​ដឹង​ទៀតថា ឆ្លងតាម​ការ​ពិ​ន្យិ សមត្ថកិច្ច​បាន​សន្ម​ត់​ថា  ជនរងគ្រោះ ពិតជា​ស្លាប់​ដោយសារ បរិភោគ​គ្រឿងក្នុង​ត្រី​ក្រពត ច្រើន។ កន្លងទៅ​រដ្ឋ​បាល​​ជល​ផល បានចេញ​សេចក្តីប្រកាស​ដោយ​បង្ហាញថា ត្រី​ក្រពត​ក្នុង​ទឹក សាប​៣​ប្រភេទ ក្នុងចំណោម១០​ប្រភេទ​នៅ​កម្ពុជា រួមមាន​៖ Tetraodon cochinchinensis, Mon otrete leiurus និង Tetraodon fluviatilis ដែលមាន​ភិនភាគ​ដូច​ក្នុង​រូបភាព ជា​ប្រភេទ​ត្រី​ក្រពត​ដែលមាន​ជាតិពុល​ខ្លាំង​។​

​នៅក្នុង​សេចក្តីប្រកាស​នោះ ក៏បាន​ឲ្យ​ដឹងផង​ដែរ​ថា ត្រី​ក្រពត​មាន​សារធាតុពុល​ទាំង​៣​ប្រភេទ មាន​ជាតិពុល​ខ្ពស់ បំផុត​នៅ​រដូវ​ពង​កូន​បន្ត​ពូជ ដែលជា​ធម្មតា កើតឡើង​នៅក្នុង​ខែកុម្ភៈ និង​មីនា និង​ចន្លោះ​ខែកក្កដា ទៅ​ខែកញ្ញា​។ ចំពោះ​ជាតិពុល​នៅក្នុង​ខ្លួន​ត្រី ក៏មាន​កម្រិត​ខុសគ្នា​ដែរ គឺ​ពង និង​ស្ពែ​ម​មាន​ជាតិពុល​ខ្ពស់​ជាងគេ បន្ទាប់មក​គឺ​ថ្លើម ពោះវៀន ស្បែក និង​សាច់​៕​ដោយ​៖ នាយ​ក្អែកខ្មៅ​

Copyright © 2010-2021 · អរិយធម៌ · All Rights Reserved.
Develop by Sek Sathya