ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» ព័ត៌មានជាតិ » ទាញ​កូនសោ​វាយ​ក្បាល​តៃកុង​គ្រឿងចក្រ​ បែក​ហូរឈាម​ស្រោច​ខ្លួន ​

ទាញ​កូនសោ​វាយ​ក្បាល​តៃកុង​គ្រឿងចក្រ​ បែក​ហូរឈាម​ស្រោច​ខ្លួន ​

ប៉ោយប៉ែត​៖​តៃកុង​គ្រឿងចក្រ ឈូសឆាយ​ផ្លូវ​ម្នាក់ ត្រូវ​ជន​កំណាច ដៃដល់​វាយ ត្រូវ​មួយ​កូនសោ ចំ​ផ្ទៃមុខ បណ្តាល​ឲ្យ  ហូរឈាម​ស្រោច​ខ្លួន កាលពី​វេលា ម៉ោង​៥​និង​២០​នាទី ល្ងាច​ថ្ងៃទី ១២ ខែ មករា ឆ្នាំ​២០១៤ នៅ​ចំណុច​ផ្លូវលំ ក្នុងភូមិ​ផ្សារកណ្តាល សង្កាត់​ផ្សារ កណ្តាល ក្រុង​ប៉ោយប៉ែត ខេត្ត បន្ទាយមានជ័យ ។​
​ជនសង្ស័យ​ដៃដល់ មានឈ្មោះ​ជិន សា​វី ហៅ​ពៅ ភេទ​ប្រុស  អាយុ​ជាង​៣០​ឆ្នាំ មានមុខ​របរ ជាជាង​ភ្លើង និង​ជា​អ្នក រកស៊ី ត បណ្តាញទឹក រស់នៅ ក្នុងភូមិ​កើតហេតុ ខាងលើ​។​ចំណែក​ជនរងគ្រោះ មាន ឈ្មោះ ចាន់ ភេទ ប្រុស អាយុ ជាង​៣០​ឆ្នាំ រស់ នៅក្នុង​ភូមិ ទួល​ពង្រ សង្កាត់ ប៉ោយប៉ែត ក្រុង​ប៉ោយប៉ែត  ។​
​មុនពេល​កើតហេតុ ជនរងគ្រោះ​បានធ្វើការ​ឈូសឆាយ ផ្លូវ​នៅ​ចំណុច ក្នុងភូមិ​ខាងលើ ដែលជា​គំរោង​អភិវឌ្ឍន៍​របស់​ធនាគា​រ អភិវឌ្ឍន៍អាស៊ី និង​មានការ​សហការគ្នា ជាមួយ​អាជ្ញាធរ ភូមិ ឃុំ សង្កាត់ ត្រឹមត្រូវ​ស្របច្បាប់ ដើម្បី​សម្រួល​ក្នុងការ​ធ្វើដំណើរ របស់​ប្រជាពលរដ្ឋ ក្នុងភូមិ​ឲ្យ​កាន់តែ​ប្រសើរ ។​
​ខណៈ​កំពុង​ឈូសឆាយ ផ្លូវ​ជូន​ប្រជាពលរដ្ឋ បណ្តាល​ឲ្យ​ប៉ះ​ទុយោ ទឹក​របស់ ជន​កំណាច ខាងលើ ដែល កប់​ទទឹងផ្លូវ ធ្វើ​ឲ្យ​ជន​កំណាច​រូបនោះ ខឹង​ហើយ​ប្រើ​កម្មករ របស់ខ្លួន ឲ្យ​ទៅយក​ដែកគោល ដំ​ទំលាយ កង់ គ្រឿងចក្រ បន្ទាប់មក​ជនសង្ស័យ បាន​ទាញ​កូនសោ ម៉ា​លេ​ត​ឡាន ឡើងទៅ​វាយ តៃកុង​គ្រឿងចក្រ បណ្តាល​ឲ្យ​បែកក្បាល ហូរឈាម ធ្លាក់​ពី​គ្រឿងចក្រ ព្រមទាំង​ទាយ​កាំបិត មក​បំរុង កាប់សម្លាប់​បន្ថែមទៀត ។​
​ឃើញ​ទិដ្ឋភាព​ដ៏​សាហាវយង់ឃ្នង​បែបនេះ ប្រជាពលរដ្ឋ ផ្អើល​ពេញ​មួយ​ភូមិ មកជួយ​ការពារ ជន​រង គ្រោះ ព្រមទាំង​ដឹក​ទៅ សង្គ្រោះបន្ទាន់​នៅ​មន្ទីរពេទ្យ​ឯកជន ចំណែក​ជនសង្ស័យ ត្រូវ កម្លាំង​ប៉ូលិស ប៉ុ​សិ៍ រដ្ឋបាល សង្កាត់​ផ្សារកណ្តាល​នាំទៅ​សួរ​នាំនៅ​ប៉ុស្តិ៍ ហើយ​ធ្វើការ​ឃុំខ្លួន បណ្តោះអាសន្ន រងចាំ​ការដោះស្រាយ តាមផ្លូវ​ច្បាប់​នៅពេល​ក្រោយ​។​
​សូមបញ្ជាក់​ផងដែរ​ថា ជនសង្ស័យ​ខាងលើ ត្រូវ​ប្រជាពលរដ្ឋ​គ្រប់ៗ​គ្នា ក្នុងភូមិ​ប្រាប់ថា ជាម​នុស្ស ទំនើង សាហាវ​ណាស់ កន្លងមក ធ្លាប់​វាយ​កាប់​ចាក់ អ្នកជិតខាង គឺ​គេ​មិនដែល​ខ្លាច​ក្រែងរអែង​ច្បាប់​ទំលាប់ បន្តិច​សោះឡើយ ពីព្រោះ រូបគេ​អាង​មាន​លុយ ច្រើន​ចាយ​មិន​អស់​៕ ដោយ ខៀវ បូរី​

Copyright © 2010-2021 · អរិយធម៌ · All Rights Reserved.
Develop by Sek Sathya