ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » ករណី​ផ្ទុះ​កង់​គោយន្ដ បុរស​២​នាក់​រងរបួស​បាក់ដៃ បែកក្បាល​ ​

ករណី​ផ្ទុះ​កង់​គោយន្ដ បុរស​២​នាក់​រងរបួស​បាក់ដៃ បែកក្បាល​ ​

ប៉ោយប៉ែត ៖ កាលពី​ព្រឹក​ថ្ងៃទី​១៣ ខែមករា ឆ្នាំ​២០១៤ នៅ​ចំណុច​ចិញ្ចើម ផ្លូវជាតិ​លេខ​៥ ស្ថិត​ក្នុងភូមិ​គីឡូម៉ែត្រ​លេខ​៤ សង្កាត់​ផ្សារកណ្ដាល ក្រុង​ប៉ោយ ប៉ែត ខេត្ដ​បន្ទាយមានជ័យ​។​
​នគរបាល ក្រុង​ប៉ោយប៉ែត​បានឱ្យដឹងថា បុរស​ដែល​រងរបួស​ស្រាល​ឈ្មោះ​តុង អាយុ​៥០​ឆ្នាំ មុខរបរ​ជាជាង​ប៉ះ​កង់ និង បុរស​រងរបួស​ស្រាល​មានឈ្មោះ មុត នឿន អាយុ​៥៩​ឆ្នាំ អ្នក​ទាំង​២​រស់នៅ​ភូមិ​-​សង្កាត់​កើតហេតុ​ខាងលើ ។​
​ប្រភពពី មន្ដ្រី​ដដែល​បានដឹង​ទៀតថា មុនពេល​កើតហេតុ​ផ្ទុះ​កង់​គោយន្ដ​ជន រងគ្រោះ​ឈ្មោះ មុត នឿន បាន​ដឹក​កង់ គោយន្ដ​តាម​ម៉ូតូ​យកទៅឱ្យ​ជនរងគ្រោះ ឈ្មោះ​តុង ជាជាង​ប៉ះ​កង់​ដើម្បី​សប់ ។ ពេលនោះ​ជនរងគ្រោះ​ជាជាង​ប៉ះ​កង់​បាន សប់​កង់​គោយន្ដ​តាម​ដែល​ជនរងគ្រោះ ជា​ម្ចាស់​កង់​ឱ្យ​សប់​ខ្យល់​ទម្ងន់​៣​គីឡូ ក្រាម ស្រាប់តែ​ផ្ទុះឡើង​លាន់​ដូច​គ្រាប់ បែក បណ្ដាលឱ្យ​ម្ចាស់​កង់​គោយន្ដ​សន្លប់ ខណៈ​ត្រូវ​នឹង​កម្លាំង​ខ្យល់ ។ រីឯ​ជន​រង គ្រោះជា​អ្នក​ប៉ះ​កង់​បាន​រងរបួស​បាក់ដៃ និង​បែកក្បាល គ្រា​ដែល​ផ្ទុះ​បំណែក​ដែក យ៉ាន់​កង់​គោយន្ដ​ខ្ទាត​ត្រូវ ។​
​នគរបាល បាន​សន្និដ្ឋានថា មូលហេតុ នាំឱ្យ​កង់​គោយន្ដ​ងាយ​ផ្ទុះ​ដូចនេះ​ព្រោះ តែ​យ៉ាន់​កង់​គោយន្ដ​ពុកផុយ ហើយ​ពេល ដែល​ជនរងគ្រោះ​ជាជាង​ប៉ះ​កង់​សប់​ខ្យល់ ចូល​ក៏​បណ្ដាល​ផ្ទុះ​បែបនេះ ។​
​ជន​រង គ្រោះ​ក្រោយ​កើតហេតុ​ត្រូវ បាន​គេ​ដឹក​ទៅ​សង្គ្រោះ​ភ្លាមៗ​នៅ​គ្លីនិក​ឯកជន​ក្នុង​ក្រុង​ប៉ោយប៉ែត ហើយ​សម្ភារ ជួសជុល​កង់ និង​កង់​គោយន្ដ​សមត្ថកិច្ច មូល​យកទៅ​រក្សាទុក​នៅ​អធិការដ្ឋាន​នគរ បាល​ក្រុង​ប៉ោយប៉ែត​ផងដែរ ៕

Copyright © 2010-2021 · អរិយធម៌ · All Rights Reserved.
Develop by Sek Sathya