ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! កក់លុយទិញដីមន្ទីរកសិកម្មខេត្តកំពង់ស្ពឺ ក្រោយលុប ស.ជ.ណ យំមិនចេញទឹកភ្នែក ខណៈក្រុមហ៊ុនចេញសែកស្អុយរាប់សែនដុល្លា សមត្ថកិច្ចមិនហ៊ានចាប់​  ||     ភ្ញាក់ផ្អើល! គយកោះរកា គយព្រៃវែង គយចល័តជើងទឹក គយចល័តតំបន់២ បើកដៃឱ្យវៀតណាម នាំពោតចូលមិនបង់ពន្ធ និងគ្មានវិធានការចត្តាឡីស័ក​  ||     ភ្ញាក់ផ្អើល! លោក អ៊ុក កុសល ស្នងការនគរបាល ខេត្តកំពង់ធំ បានយកអំណាចជាមេកើយ ប្រព្រឹត្តនូវអំពើអសីលធម៌ តាមរយៈទង្វើចាប់បង្ខំ ស្ទាបអង្អែលកេរ្តិ៍ខ្មាសដោយមិនញញើត ដល់មន្ត្រីនគរបាលនារី ជាកូនចៅរបស់ខ្លួន ជាច្រើននាក់​  ||     ភ្ញាក់ផ្អើល ! លោកឧត្ដមសេនីយ៍ទោ អ៊ុក កុសល ស្នងការខេត្តកំពង់ធំ កំពុងក្លាយជាត្រីឆ្ដោស៊ីកូនឯងមិនរើសមុខ ខណៈនារីនគរបាលស្នើរសុំទៅដល់សម្ដេច ក្រឡាហោម ស ខេង​ ឧបនាយករដ្ឋមន្ត្រី​ រដ្ឋមន្ត្រីក្រសួងមហាផ្ទៃ អោយជួយរកយុត្តិធម៌? (ត្រីឆ្ដោស៊ីកូនឯងមិនរើសមុខ)​  ||     ភ្ញាក់ផ្អើល! អាជីវករលក់សាច់ជ្រូកនិងសាច់គោ រិះគន់ទីតាំងសត្តឃាតខុសស្តង់ដា និងផ្ទុះការតវ៉ារឿងម្ចាស់ទីតាំងយកអជ្ញាប័ណ្ណគាបសង្កត់ពួកគាត់ទាំងបំពានច្បាប់​  ||   

» Breaking News, ព័ត៌មានជាតិ, ព័ត៌មានអន្តរជាតិ » ឈ្មួញ​ដឹកជញ្ជូន​ឈើ​ចេញទៅ​ស្រុក​យួន ​លាតត្រដាង​អំពើពុករលួយ​របស់​ស​ម​ត្ថ​កិច្ច​ ​ច្រក​ទ្វេភាគី​ឡា​ប៉ា​ខេ

ឈ្មួញ​ដឹកជញ្ជូន​ឈើ​ចេញទៅ​ស្រុក​យួន ​លាតត្រដាង​អំពើពុករលួយ​របស់​ស​ម​ត្ថ​កិច្ច​ ​ច្រក​ទ្វេភាគី​ឡា​ប៉ា​ខេ

មណ្ឌលគិរី ៖ ប្រភពពី​ក្រុម​ឈ្មួញ​ដឹកជញ្ជូន​ឈើ​ចេញទៅ​ស្រុក​យួន​តាម​ច្រក​ទ្វេភាគី​ឡា​ប៉ា​ខេ ស្រុក​កែវ​សីមា ខេត្តមណ្ឌលគិរី បាន​ឲ្យ​ដឹងថា ការដែល​ពួកគេ​អាច​ដឹកឈើ​ចេញទៅ​ស្រុក​យួន​តាម​ច្រក​នេះ​យ៉ាង​រលូន គឺ​ដោយសារ​ពួកគេ​បង់លុយ​តាម​ការកំណត់​របស់​ស​ម​ត្ថ​កិច្ច​ពុករលួយ​។ ប្រភព​បាន​ឲ្យ​ដឹង​ទៀតថា ទាំង​ឈ្មួញ​ដឹកជញ្ជូន​ឈើ​តាម​រថយន្ត​សាំ​យ៉ុង រថយន្ត​កែច្នៃ និង​ដឹកឈើ​តាម​ម៉ូតូ​សុទ្ធតែ​បង់លុយ​តាម​ការកំណត់​របស់លោក សា ផល្លា មេ​ប៉ុស្ដិ៍​ការពារ​ព្រំដែន​ឡា​ប៉ា​ខេ និង​មន្ត្រី​ពាក់ព័ន្ធ​ប្រចាំ​ច្រក​នេះ ហើយក៏​មានការ​បង់លុយ​ឲ្យ​មន្ត្រី​គយ​ចល័ត​ផងដែរ​។ ក្នុងនោះ​លោក សា ផល្លា មេ​ប៉ុស្ដិ៍​ការពារ​ព្រំដែន​ឡា​ប៉ា​ខេ ដែលមាន​ទំនាក់ទំនង​ជិតស្និទ្ធ​ជាមួយ​លោក​ឧ​ត្ត​ម​សេនីយ៍​ទោ ឡោ សុខា ស្នងការ​នគរបាល​ខេត្តមណ្ឌលគិរី កំពុង​សប្បាយ​ប្រមូល​លុយ​ពី​ឈ្មួញ​ដឹកជញ្ជូន​ឈើ​ចេញទៅ​ស្រុក​យួន​ដោយ​ប្រើប្រាស់​ឈ្មោះ​លោក ឡោ សុខា ដើម្បី​ការពារ​ទង្វើ​របស់ខ្លួន​ទៀតផង​។

តាម​ការ​បង្ហើប​ពី​ក្រុម​ឈ្មួញ​ដែល​ប្រើប្រាស់​រថយន្ត​សាំ​យ៉ុង​ដឹកជញ្ជូន​ឈើ​ចេញទៅ​ស្រុក​យួន​តាម​ច្រក​ឡា​ប៉ា​ខេ បាន​ឲ្យ​ដឹងថា កន្លងមក​សម្រាប់​រថ​យន្ត​១​គ្រឿង​ត្រូវ​បង់លុយ​ឲ្យ​លោក សា ផល្លា ដល់​ទៅ​៣០០០​ដុល្លារ​ក្នុង​មួយខែ​មិនអាច​តវ៉ា​បានទេ​។ ក្រុម​ឈ្មួញ​បានបញ្ជាក់​ទៀតថា ឥឡូវនេះ​ពួកគេ​ត្រូវ​បង់លុយ​ឲ្យ​លោក សា ផល្លា ត្រឹម​១៥០០​ដុល្លារ​ក្នុង​១​ខែ​សម្រាប់​រថយន្ត​សាំ​យ៉ុង​១​គ្រឿង ហើយ​អ្នកដឹកឈើ​តាម​រថយន្ត​កែច្នៃ​ឬ​តាម​ម៉ូតូ​សុទ្ធតែ​បង់លុយ​តាម​ការកំណត់​ដូចគ្នា​។ ច្រករបៀង​ជាច្រើន​កន្លែង​ដូចជា ច្រក​ង៉ាំ​យូ​លិ​ត ច្រក​ង៉ាំ​បា​ឡាង ច្រក​ង៉ាំ​បា​វ៉េ និង​ច្រក​ង៉ាំ​ដី ជាដើម​គឺជា​ច្រក​ដែល​ឈ្មួញ​សម្រុក​ដឹកជញ្ជូន​ឈើ​ចេញទៅ​ស្រុក​យួន​យ៉ាង​ពេញបន្ទុក ព្រោះ​លោក សា ផល្លា ជា​អ្នកគ្រប់គ្រង​ច្រករបៀង​ទាំងនេះ​ដោយផ្ទាល់​តែម្តង​។

ប្រភពព័ត៌មានបាន​ឲ្យ​ដឹងថា ក្រុម​ឈ្មួញ​ដឹកជញ្ជូន​ឈើ​ទៅ​ស្រុក​យួន​តាម​ច្រក​ឡា​ប៉ា​ខេ និង​ច្រករបៀង​ជាច្រើន​កន្លែង​ក្បែរៗ​នោះ​សុទ្ធតែ​ត្រូវ​បង់លុយ​តាម​ការកំណត់​របស់លោក សា ផល្លា មិនអាច​រំលង​បានជា​ដាច់ខាត​។ ក្នុង​មួយថ្ងៃៗ​មាន​រថយន្ត​សាំ​យ៉ុង​និង​រថយន្ត​កែច្នៃ​ពី​៣០​គ្រឿង​ទៅ​៦០​គ្រឿង​ដឹកឈើ​ចេញទៅ​ស្រុក​យួន​និង​មាន​ម៉ូតូ​ដឹកឈើ​ទៅ​ស្រុក​យួន​ប្រមាណ​១០០​គ្រឿង​ទៅ​២០០​គ្រឿង ដូច្នេះ​លោក សា ផល្លា មេ​ប៉ុស្ដិ៍​ការពារ​ព្រំដែន​ឡា​ប៉ា​ខេ អាច​ប្រមូល​លុយ​បាន​យ៉ាងច្រើន​សន្ធឹកសន្ធាប់​។ បើតាម​ប្រភពពី​មន្ត្រីនគរបាល​នៅក្នុង​ស្នងការដ្ឋាន​នគរបាល​ខេត្តមណ្ឌលគិរី មួយចំនួន​បាន​បង្ហើប​ឲ្យ​ដឹងថា​លោក សា ផល្លា ជា​មិត្តភក្ដិ​ជិតស្និទ្ធ​របស់លោក ឡោ សុខា ស្នងការ​នគរបាល​ខេត្តមណ្ឌលគិរី ទើប​ហ៊ាន​ធ្វើ​អ្វីៗ​តាម​អំពើ​ចិត្ត​។ ហេតុនេះហើយ​ទើប​មាន​សេចក្ដីអំពាវនាវ​ឲ្យ​នាយ​ឧ​ត្ត​ម​សេនីយ៍ នេ​ត សាវឿន អគ្គស្នងការ​នគរបាល​ជាតិ ពិនិត្យឡើងវិញ​ជាបន្ទាន់​ចំពោះ​ភាព​អសកម្ម​និង​អំពើពុករលួយ​របស់លោក ឡោ សុខា ស្នងការ​នគរបាល​ខេត្តមណ្ឌលគិរី ជាបន្ទាន់​ព្រោះ​មួយរយៈ​ចុងក្រោយ​នេះ​លោក ឡោ សុខា បណ្ដោយ​ឲ្យ​មន្ត្រីក្រោមឱវាទ​របស់ខ្លួន​ធ្វើ​អ្វីៗ​ស្រេច​តែ​អំពើ​ចិត្ត​៕

 

Copyright © 2010-2020 · អរិយធម៌ · All Rights Reserved.
Develop by Sek Sathya