ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អាជីវកម្ម​ខ្សាច់​របស់​ក្រុមហ៊ុន​៣ ដឹកជញ្ជូន​ខ្សាច់​មិនអនុវត្តន៍​តាម​បទដ្ឋាន​បច្ចេកទេស បង្កការក្ដៅក្រហាយពីពលរដ្ឋ សង្ស័យជា​ប្រភព​ចំណូល ​​របស់ប្រធានមន្ទីរ​រ៉ែ​​​និង​ថាមពល ផេង វុ​ធ និងបក្ឋពួក ទើបមិនទប់ស្កាត់ នៅតាកែវ​  ||     ភ្ញាក់ផ្អើល ប្រធាន​មន្ទីរ​កសិកម្ម​ខេត្តកំពង់ស្ពឺ ឈាង តុលា អាងខ្នង​បង្អែក​រឹងមាំ​នៅតែ​បន្តពុករលួយ ទោះបី​គម្រោង​លក់​ដី​រដ្ឋ​​របស់​ម​ន្ទីរ​កសិកម្ម​ខេត្តកំពង់ស្ពឺ ជាច្រើន​កន្លែង ត្រូវសម្ដេចតេជោ បានបញ្ជារអោយបញ្ឈប់​  ||     សង្វៀន​បញ្ជល់មាន់ ​ឈ្មោះ សូ ឆ​ង ជា​ប្រភព​ចំណូល​សម្រាប់​មន្ត្រី​អាជ្ញាធរ និង​សមត្ថកិច្ច​ នៅ កំពង​ស្ពឺ​  ||     លោក​ ហាន បើកសង្វៀនជល់មាន់និងអាប៉ោងចល័ត ចំនួន​៤កន្លែង តែមិនរំខានដល់អាជ្ញាធរខេត្តត្បូឃ្មុំ​  ||     លោក សុ​ត វ​ឌ្ឍ​នា កំពុង​សប្បាយ​ប្រមូល​លុយ​ពី​អាជីវកម្ម​កាយ​ថ្ម កាយ​ដី​លក់ យ៉ាង​សុខ​ស្រួល?​  ||   

» ព័ត៌មានជាតិ » ជនសង្ស័យម្នាក់ក្នុងចំណោមបក្ខពួក៣នាក់ ជាប់ពាក់ព័ន្ធលួច នៅកណ្តាល

ជនសង្ស័យម្នាក់ក្នុងចំណោមបក្ខពួក៣នាក់ ជាប់ពាក់ព័ន្ធលួច នៅកណ្តាល

កណ្តាល:   ជនសង្ស័យម្នាក់ក្នុងចំណោមបក្ខពួក៣នាក់ដែលជាប់ពាក់ព័ន្ធលួច មានស្ថានទម្ងន់ទោសត្រូវប៉ូលិសឃាត់ខ្លួនបានខណ:ពីរនាក់ទៀតកំពុងគេចខ្លួន។

ហេតុការណ៍ប្រព្រឹត្តបទល្មើសកាលពីថ្ងៃទី ១៣ ខែឧសភា ឆ្នាំ២០១៩ វេលាម៉ោង ២២និង០០នាទី ចំណុចភូមិកំពង់ចម្លង ឃុំកំពង់ចម្លង ស្រុកខ្សាច់កណ្តាល ខេត្តកណ្តាល។
ជនរងគ្រោះឈ្មោះ ម៉ឺន សារឿន ភេទ ប្រុស អាយុ ៣៧ ឆ្នាំ ជនជាតិ ខ្មែរ មុខរបរ កសិករ មានទីលំនៅភូមិព្រៃចាស់ ឃុំវិហារសួគ៌ ស្រុកខ្សាច់កណ្តាល ខេត្តកណ្តាល (មានរបួសស្នាម កែងដៃឆ្វេង ០១កន្លែង និងបាតដៃទាំងសងខាង)។
ជនសង្ស័យ ០៣នាក់ ៖
ទី១.ឈ្មោះ ផល ពិសិដ្ឋ ភេទ ប្រុស អាយុ ២០ ឆ្នាំ ជនជាតិខ្មែរ មុខរបរ ជាងផ្សារដែក មានទីលំនៅភូមិបឹងកំពិល ឃុំទួលសូភី ស្រុកអូរាំងឪ ខេត្តត្បូងឃ្មុំ បច្ចប្បន្នស្នាក់នៅផ្ទះជួលផ្លូវបេតុង ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (ឃាត់ខ្លួន)។
ទី២.ឈ្មោះ ឃាត វិចិត្រ ភេទ ប្រុស អាយុ ១៧ ឆ្នាំ ជនជាតិខ្មែរ មុខរបរ ជាងផ្សារដែក មានទីលំនៅភូមិចង្វា ឃុំគងជ័យ ស្រុកអូរាំងឪ ខេត្តត្បូងឃ្មុំ (គេចខ្លួន)។
ទី៣.ឈ្មោះ វុទ្ធី សំអូន ហៅ ប៊ុម ភេទ ប្រុស អាយុ ២០ ឆ្នាំ ជនជាតិខ្មែរ មានទីលំនៅភូមិថ្នល់  កែង ឃុំគងជ័យ ស្រុកអូរាំងឪ ខេត្តត្បូងឃ្មុំ(គេចខ្លួន)។
សម្ភារ បាត់បង់៖ ម៉ូតូ ០១គ្រឿង ម៉ាក ហុងដាC125 ពណ៌ខ្មៅ ស៊េរីឆ្នាំ ២០១៦ ផ្លាកលេខ ភ្នំពេញ 1FU-4085 លេខម៉ាស៊ីននិងលេខតួ ៩៥៥៧៤១៥។វត្ថុតាងចាប់យក៖ គ្មាន

ជនរងគ្រោះជិះម៉ូតូម្នាក់ឯងចេញពីបុណ្យនៅឃុំរាប ស្រុកពារាំង ខេត្តព្រៃវែង ត្រឡប់មកផ្ទះវិញ។ ដល់វេលាម៉ោង ២២និង០០នាទី ថ្ងៃដដែល ពេលជនរងគ្រោះជិះម៉ូតូមកដល់ភូមិកំពង់ចម្លង ឃុំកំពង់ចម្លង ស្រុកខ្សាច់កណ្តាល ស្រាប់តែជនសង្ស័យទាំង ០៣ នាក់ ជិះម៉ូតូម៉ាក សង់ប៊ិច ពណ៌ខ្មៅ បើកភ្លើងឡាហ្សែ ជិះវ៉ាពីក្រោយជនរងគ្រោះ ពេលជិះទន្ទឹមគ្នា ជនសង្ស័យឈ្មោះ វុទ្ធី សំអូន បានធាក់ម៉ូតូជនរងគ្រោះផ្តួលទៅលើដី ហើយឈ្មោះ ឃាត វិចិត្រ បានចុះពីលើម៉ូតូកាប់ជនរងគ្រោះបណ្តាលឲ្យរងរបួសស្នាម រួចលើកម៉ូតូជិះគេចទៅខេត្តព្រៃវែង។
លុះដល់ថ្ងៃទី ១៧ ខែឧសភា ឆ្នាំ២០១៩ កម្លាំងអធិការដ្ឋាននគរបាលស្រុកខ្សាច់កណ្តាល សហការណ៍ជាមួយកម្លាំងស្នងការរាជធានីភ្នំពេញ បានឃាត់ជនសង្ស័យឈ្មោះ ផល ពិសិដ្ឋ នៅរាជធានីភ្នំពេញ។
ដល់ថ្ងៃទី ១៨ ខែឧសភា ឆ្នាំ២០១៩ ការិយាល័យព្រហ្មកម្រិតស្រាលរាជធានីភ្នំពេញ បានប្រគល់ជនសង្ស័យឈ្មោះ ផល ពិសិដ្ឋ ឲ្យអធិការដ្ឋាននគរបាលស្រុកខ្សាច់កណ្តាល ចាត់ការបន្តតាមនីតិវិធី៕

Copyright © 2010-2019 · អរិយធម៌ · All Rights Reserved.
Develop by Sek Sathya