ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ភ្ញាក់ផ្អើល! កក់លុយទិញដីមន្ទីរកសិកម្មខេត្តកំពង់ស្ពឺ ក្រោយលុប ស.ជ.ណ យំមិនចេញទឹកភ្នែក ខណៈក្រុមហ៊ុនចេញសែកស្អុយរាប់សែនដុល្លា សមត្ថកិច្ចមិនហ៊ានចាប់​  ||     ភ្ញាក់ផ្អើល! គយកោះរកា គយព្រៃវែង គយចល័តជើងទឹក គយចល័តតំបន់២ បើកដៃឱ្យវៀតណាម នាំពោតចូលមិនបង់ពន្ធ និងគ្មានវិធានការចត្តាឡីស័ក​  ||     ភ្ញាក់ផ្អើល! លោក អ៊ុក កុសល ស្នងការនគរបាល ខេត្តកំពង់ធំ បានយកអំណាចជាមេកើយ ប្រព្រឹត្តនូវអំពើអសីលធម៌ តាមរយៈទង្វើចាប់បង្ខំ ស្ទាបអង្អែលកេរ្តិ៍ខ្មាសដោយមិនញញើត ដល់មន្ត្រីនគរបាលនារី ជាកូនចៅរបស់ខ្លួន ជាច្រើននាក់​  ||     ភ្ញាក់ផ្អើល ! លោកឧត្ដមសេនីយ៍ទោ អ៊ុក កុសល ស្នងការខេត្តកំពង់ធំ កំពុងក្លាយជាត្រីឆ្ដោស៊ីកូនឯងមិនរើសមុខ ខណៈនារីនគរបាលស្នើរសុំទៅដល់សម្ដេច ក្រឡាហោម ស ខេង​ ឧបនាយករដ្ឋមន្ត្រី​ រដ្ឋមន្ត្រីក្រសួងមហាផ្ទៃ អោយជួយរកយុត្តិធម៌? (ត្រីឆ្ដោស៊ីកូនឯងមិនរើសមុខ)​  ||     ភ្ញាក់ផ្អើល! អាជីវករលក់សាច់ជ្រូកនិងសាច់គោ រិះគន់ទីតាំងសត្តឃាតខុសស្តង់ដា និងផ្ទុះការតវ៉ារឿងម្ចាស់ទីតាំងយកអជ្ញាប័ណ្ណគាបសង្កត់ពួកគាត់ទាំងបំពានច្បាប់​  ||   

» ព័ត៌មានជាតិ » សិស្សសាលា២នាក់ ឆក់កាបូបជនបរទស នៅភ្នំពេញ

សិស្សសាលា២នាក់ ឆក់កាបូបជនបរទស នៅភ្នំពេញ

ភ្នំពេញ ៖ ហេតុការណ៍នេះ បានកើតមានឡើងនៅ ថ្ងៃសុក្រ ទី១៧ ខែឧសភា ឆ្នាំ២០១៩ នៅតាមបណ្ដោយផ្លូវលេខ១០២ កែងផ្លូវលេ១៩ ស្ថិតក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

សិស្សសាលា២នាក់ បើកម៉ូតូ Nex ឌុបគ្នា ធ្វើសកម្មភាពឆក់កាបូបពីជនបរទេស កំពុងតែ ដើរតាមផ្លូវ តែមិនបានសម្រេច ហើយនាំគ្នាជិះរត់គេចខ្លួន ទាំងភ័យស្លន់ស្លោ ដួលម៉ូតូ ត្រូវបានប្រជាពលរដ្ឋ និងសមត្ថកិច្ចសហការគ្នាឃាត់ខ្លួនបានទាំង២នាក់ភ្លាមៗ ក្នុងនោះមានម្នាក់ ពាក់ឯកសណ្ឋានសិស្សសាលានៅឡើយ ។

នៅមុនពេលកើតហេតុ គេបានឃើញជនបរទេសមួយក្រុម មានប្រុសមានស្រី កំពុងតែដើរតាមផ្លូវ និងមានអ្នកកាន់កាបូប និងស្ពាយកាបូបនៅជាប់ដៃ ដោយមិនបាន ប្រុងប្រយ័ត្ន ទើបជនសង្ស័យ២នាក់ កំពុងបើកម៉ូតូ១គ្រឿង ម៉ាក Suzuki Nex ពណ៌ស ពាក់ស្លាកលេខកណ្ដាល 1W-0685 ឌុបគ្នាមកអែបពីក្រោយ រួចធ្វើសកម្មភាពឆក់យក កាបូបរបស់ជនបរទេស តែមិនបានសម្រេច ហើយក៏ជិះរត់គេចខ្លួន ទាំងភ័យស្លន់ស្លោ ក៏រអិលកង់ម៉ូតូដួល រួចនាំគ្នារត់ចោលម៉ូតូ មិនបាន១០០ម៉ែត្រផង បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ច សហការគ្នាឃាត់ខ្លួនបានទាំង២នាក់ភ្លាមៗ ក្នុងនោះមានម្នាក់ពាក់ឯកសណ្ឋានសិស្សសាលាផងដែរ ហើយត្រូវបានសមត្ថកិច្ចវាយខ្នោះបញ្ជូនទៅសាកសួរនៅស្នាក់ការប៉ុស្តិ៍វត្តភ្នំ ។

ជនសង្ស័យទាំង២នាក់ នៅមិនទាន់ស្គាល់អត្តសញ្ញាណនៅឡើយនោះទេ ហើយសមត្ថកិច្ចកំពុងតែសួរនាំនៅប៉ុស្តិ៍ ៕

 

Copyright © 2010-2020 · អរិយធម៌ · All Rights Reserved.
Develop by Sek Sathya