ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» Breaking News, ព័ត៌មានជាតិ » ខឹង​ប្រពន្ធ​ និយាយ​លែងលះ​ចាក់​សាំង​ដុត​ខ្លួនឯង

ខឹង​ប្រពន្ធ​ និយាយ​លែងលះ​ចាក់​សាំង​ដុត​ខ្លួនឯង

ភ្នំពេញ​៖  អ្នករត់​រ៉ឺម៉ក​កង់​បី​ម្នាក់ បាន​ចាក់​សាំង​ស្រោច​ខ្លួន ហើយ​ដុត​ខ្លួនឯង​ធ្វើអត្តឃាត នៅក្នុង​សាលាបឋមសិក្សា​ជម្ពូ​វ័​ន្ត ស្ថិតក្នុង​សង្កាត់​ជម្ពូ​វ័​ន្ត ខណ្ឌ​ពោធិ៍​សែន​ជ័យ កាលពី​វេលា​ម៉ោង​១២ និង​២០​នាទី​យប់ ថ្ងៃទី​១២ ខែមករា​ឈានចូល​ថ្ងៃទី​១៣ ឆ្នាំ​២០១៤ បណ្តាល​ឲ្យ​ឆេះ​យ៉ាង​សន្ធោសន្ធៅ ប៉ុន្តែ​ត្រូវបាន​គេ​ជួយ​ពន្លត់ ទាន់ពេលវេលា​។ រួច​ពី​សេចក្តីស្លាប់​តែ​រងគ្រោះថ្នាក់​ធ្ងន់ធ្ងរ ជនរងគ្រោះ​ក៏ត្រូវ​បាន​ប្រពន្ធ​នាំយកទៅ​សង្គ្រោះ​នៅ​មន្ទីរពេទ្យ​ព្រះកុសុមៈ ។​

​បុរស​ខាងលើនេះ​ត្រូវបាន​គេ​ស្គាល់ឈ្មោះ យ៉ុង ម៉ា​ឡែ​ន អាយុ​២៩​ឆ្នាំ ស្នាក់នៅ​បណ្តោះអាសន្ន ក្នុង​សាលាបឋមសិក្សា​ជម្ពូ​វ័​ន្ត​តែម្តង​ហើយ​ទាន មុខរបរ​អ្នករត់​រ៉ឺម៉ក​កង់​បី ចំណែកឯ​ស្ត្រី​ជា​ប្រពន្ធ​ឈ្មោះ គឿន ជាតា អាយុ​១៩​ឆ្នាំ មានមុខរ​បរជា​អ្នកលក់​សាំង​ដប​តាម​ចិញ្ចើមផ្លូវ​។

​តាម​ប្រភពព័ត៌មាន​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ គឺ​ពួកគេ​បាន​ទាស់ទែង​ពាក្យសម្តី​គ្នា​តិចតួច ហើយ​ប្រពន្ធ​បាន​និយាយ​លេង ចំអកឡកឡឺយ ថា បើ​រស់នៅ​មិន​ចុះសម្រុង​គ្នា ជួប​ការលំបាក​ជា​បន្តបន្ទាប់​ដូច្នេះ គឺ​លែង​គ្នា​តែម្តងទៅ ។ ផ្តើមចេញពី​ពាក្យសម្តី​បែបនេះហើយ ទើប​បុរស​រូបនោះ​គិត​ខ្លី​រហូត​ដាច់ចិត្ត​យក​សាំង​នៅក្នុង​ដប​១​លីត្រ​ចាក់​ស្រោច​លើ​ខ្លួន​ដុត​ខ្លួនឯង ឆាបឆេះ​យ៉ាង​សន្ធោសន្ធៅ ហើយ​ត្រូវបាន​ប្រពន្ធ ជួយ​ពន្លត់​ភ្លើងទាន់ ប៉ុន្តែ​បាន​បណ្តាល​ឲ្យ​រលាក​រលួយ រងរបួស​ធ្ងន់ ។

ក្រោយពេល​កើតហេតុ​ភ្លាមៗ គឺ​ប្រពន្ធ​បាន​រូតរះ​ដឹក​ប្តី យកទៅ​សង្គ្រោះ​នៅ​មន្ទីរពេទ្យ​ព្រះកុសុមៈ​ដែរ ប៉ុន្តែ​មិនទាន់​ដឹងថា​យ៉ាងណា​នៅឡើយ​ទេ ព្រោះ​ស្ថានភាព​ឆាបឆេះ រោលរាល​ពេញ​ខ្លួន​ធ្ងន់ធ្ងរ​ខ្លាំងណាស់ ។ បុរស ប៉ង​ធ្វើអត្តឃាត​ដោយ​ចាក់​សាំង​ដុត​ខ្លួនឯង​នេះ ពេលនេះ​ក្រុមគ្រូពេទ្យ​កំពុង​យកចិត្តទុកដាក់​ធ្វើការ​ព្យាបាល របួស​៕ ដោយ​៖ នាយ​ស្មាន​ឡេះ​

Copyright © 2010-2021 · អរិយធម៌ · All Rights Reserved.
Develop by Sek Sathya