ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីគម្របព្រៃឈើដែលជាតំបន់ប្រើ ប្រាស់ច្រើនយ៉ាងនៅក្នុងស្រុកកំពង់លែង កំពុងទទួលរងនូវការបាត់បង់ ជាបន្តបន្ទាប់ ពីសំណាក់អ្នកមាន លុយមានអំណាច កាប់ឆ្ការ ឈូស ឆាយទន្រ្ទានយកចែកគ្នាលក់ជារៀង រាល់ថ្ងៃ ដោយពុំមានការបង្ក្រាប​  ||     ល្បីមេឈ្មួញឈើ ម្នាក់ឈ្មោះ ហាក់ កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     លេចឮព័ត៌មាន! មន្ត្រី​យោធា​ និង​ជា​ថៅកែ​ភាស៊ី​ នៅ​រង្វង់​មូល​បឹង​ត្រកួនថា ជំរិត​ទារលុយ​គោយន្ត​ឆ្លងកាត់?​  ||     មេឈ្មួញជើងខ្លាំង ឈ្មោះចែស្រី កំពុងដឹកជញ្ជូនយ៉ាងរលូនក្នុងខេត្តក្រចេះ​  ||     រោងសិប្បកម្មធំៗ កន្លែងស្ថិតនៅភូមិមេម៉ងឃុំមេម៉ងស្រុកកែវសីមា សង្ស័យមន្ត្រីជំនាញមើលរំលង​  ||   

» Breaking News, ព័ត៌មានជាតិ » លោក ប៉ា សុជាតិ​វង្ស ៖ គណបក្សប្រឆាំង​មាន​ចេតនា​បំបែក​ប្រទេស​កម្ពុជា ជា​២ ​

លោក ប៉ា សុជាតិ​វង្ស ៖ គណបក្សប្រឆាំង​មាន​ចេតនា​បំបែក​ប្រទេស​កម្ពុជា ជា​២ ​

ភ្នំពេញ​: អភិបាល​សាលា​រាជធានី​ភ្នំពេញ បាន​និយាយថា “​គណបក្សប្រឆាំង មាន​ចេតនា បំបែក​ប្រទេស​កម្ពុជា ជា​២ ” បន្ទាប់ពី​លោក​បាន​ឆ្លុះបញ្ចាំង តាមរយៈ​ការ​ញុះញង់ របស់​គណបក្ស​សង្គ្រោះ​ជាតិ បង្ក​ឲ្យ​មាន​អំពើ​ហឹ​ង្សា​កើតឡើង នៅក្នុង​បាតុកម្ម នាពេល​កន្លងមកនេះ​។​

​នៅក្នុង​ពិធី​សម្ពោធ ក្រុមហ៊ុន ស៊ី​ញ ហាក់​ហ៊ួ​ត លក់​គ្រឿងសំណង់ ស្ថិតនៅតាម​បណ្តោយ​ផ្លូវ ៥៩៨ ក្នុង​សង្កាត់​ច្រាំង​ចំរេះ​២ ខណ្ឌឫស្សីកែវ កាលពី​ល្ងាច​ថ្ងៃទី​១០​ខែមករា​ឆ្នាំ​២០១៤ លោកប៉ា សុជាតិ​វង្ស អភិបាល​រាជធានី​ភ្នំពេញ បាន​មានប្រសាសន៍ថា គណបក្ស​សង្គ្រោះ​ជាតិ បាន​បង្ករ​បញ្ហា​អសន្តិសុខ​ជាច្រើន ដូចជា​ប៉ះពាល់​ដល់​អាជីវករ កម្មករ សិស្សានុសិស្ស អ្នកវិនិយោគ ពិសេស​មាន​ចេតនា​ហែក​កម្ពុជា​ជា​ពីរ នៅក្នុង​ដំណាក់កាល ចុងក្រោយ​នេះ​ខ្មែរ ទទួលបាន​សុខសន្តិភាព ឯកភាព​ជាតិ​ជា​ធ្លុង​មួយ​។​

​លោក ប៉ា សុជាតិ​វង្ស បាន​លើកឡើងថា គណបក្ស​ប្រជាជន​កម្ពុជា បាន​ដឹក​នោះ​ប្រទេស បានធ្វើ​ឲ្យ​មានការ​រីកចម្រើន​លើ​គ្រប់​វិស័យ​។ រាជរដ្ឋាភិបាល​ដែល​ដឹកនាំ ដោយ​គណបក្ស​ប្រជាជន​កម្ពុជា តែង​ខិតខំ​កសាង​សន្តិភាព និង​ទាក់ទាញ​អ្នកវិនិយោគ ចូលមក ក្នុងប្រទេស​កម្ពុជា ដើម្បី​ប្រយោជន៍​ដល់​ប្រជាជាតិ និង​ប្រជាជន​ដែល​ខុសពី​គណបក្ស​សង្គ្រោះ​ជាតិ ដែល​តែងតែ​បង្ក​នូវ​អសន្តិសុខ និង​អស្ថេរភាព​សង្គម​។​

សូមបញ្ជាក់ថា លោក​សម រង្ស៊ី និង​លោក​កឹម សុខា កំពុង​ផ្តើម​ដឹកនាំ​ធ្វើបាតុកម្ម​ជាថ្មី នៅ​ខេត្តសៀមរាប ,​បន្ទាយមានជ័យ និង​ខេត្តបាត់ដំបង ដែលជា​ចលនា​បំផុស ទាមទារ​ឲ្យ​មានការ​ទំលាក់​សម្តេច​តេ​ជោ ហ៊ុន សែន នាយករដ្ឋមន្ត្រី ចុះ​ចេញពី​តំណែង និង​ទាមទារ​ឲ្យ​មានការ​បោះឆ្នោត​ជាថ្មី ខណៈដែល​គណបក្ស​ប្រជាជន​កម្ពុជា ទទួលជោគជ័យ នៅក្នុង​ការបោះឆ្នោត កាលពី​ថ្ងៃទី​២៨ ខែកក្កដា ឆ្នាំ​២០១៣ ដោយមាន​សម្លេងឆ្នោត​ភាគច្រើន លើសលុប​គឺ ទទួលបាន ៦៨ អាសនៈ ក្នុងចំណោម ១២៣ អាសនៈ នៃ​សភាជាតិ នីតិកាល​ទី​៥​នេះ​៕

Copyright © 2010-2021 · អរិយធម៌ · All Rights Reserved.
Develop by Sek Sathya