ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ » មន្ត្រី​យោធា​ត្រែទ័ព​ស្រវឹងស្រា យក​ស្បែក​ខ្លា​រករឿង​ប្រជាពលរដ្ឋ​និង​នគរបាល ចរាចរ​ខណ្ឌ​សែន​សុខ​

មន្ត្រី​យោធា​ត្រែទ័ព​ស្រវឹងស្រា យក​ស្បែក​ខ្លា​រករឿង​ប្រជាពលរដ្ឋ​និង​នគរបាល ចរាចរ​ខណ្ឌ​សែន​សុខ​

​ភ្នំពេញ ៖  មន្ត្រីនគរបាល ខណ្ឌ​សែន​សុខ និង​មន្ត្រី​យោធា​ត្រែទ័ព​ម្នាក់ ទាស់​ពាក្យសម្តី​គ្នា​ខ្លាំងក្លា​រៀងៗ​ខ្លួន​យក​ស្បែក​អួត​ដាក់គ្នា អាង​ស័​កិ្ត​អំនាច ធ្វើអោយមាន​ភាព​ភ្ញាក់ផ្អើល​ដល់​ប្រជាពលរដ្ឋ​ជាច្រើន​នាក់​នៅ​ភូមិ​គោក​ឃ្លាក សង្កាត់​ភ្នំពេញ​ថ្មី ខណ្ឌ​សែន​សុខ បាននាំគ្នា​ចោមរោម​មើល នៅ​ម៉ោង​៩​យប់ ថ្ងៃទី​៨ ខែមករា ឆ្នាំ​២០១៤ ប៉ុន្តែ​ស្ថាន​ការ​មួយ​នេះ ត្រូវបាន​បញ្ចប់​ទៅវិញ ដោយ​ការសម្របសម្រួលនិង​អន្តរាគមន៍ ពី​កម្លាំងប្រដាប់អាវុធ នគរបាល​ខណ្ឌ ។​
​ប្រជាពលរដ្ឋ​បាន​ប្រាប់ថា បើ​គ្មាន​ការសម្របសម្រួល ដោយ​កម្លាំង​សមត្ថកិច្ច​ទេនោះ ការប៉ះទង្គិច​កាន់តែខ្លាំង និង​ផ្ទុះ​កើតឡើង ជាក់​ជាពុំខាន ។ តែ​យ៉ាងណាក៏ដោយ រឿងនេះ​មិនមាន​ការប្រើ អំពើហិង្សា ឬ​ប្រឈម​ដាក់គ្នា​នោះឡើយ ទោះបីជា​ពលរដ្ឋ​នៅក្បែរនោះ មាន​អារម្មណ៍​ភិតភ័យ​ក៏ដោយ ។
​ប្រភព​ខ្សឹបខ្សៀវ​ពី​អ្នក​បានឃើញ​ហេតុការណ៍​និយាយថា ដើមហេតុ​ដំបូង គឺ​មកពី​មន្ត្រី​យោធា​ត្រែទ័ព បើក​ម៉ូតូ​ក្នុង​ល្បឿន​លឿន គ្រានោះ​ស្រាប់តែ ប្រជាពលរដ្ឋ និង​មន្ត្រីនគរបាល​ចរាចរ ខណ្ឌ​សែន​សុខ​ស្រែកថា​ឲ្យ​កុំ​បើក​លឿន​នាំ​មាន​គ្រោះថ្នាក់ ។ បន្ទាប់មក​មន្ត្រី​យោធា​ត្រែទ័ព​នោះ បាន​បើក​ម៉ូតូ​ត្រឡប់មកវិញ រួច​ក៏​រករឿង ខណៈដែល​មន្ត្រី​យោធា​នោះ​ស្រវឹងស្រា នេះ​បើតាម​ការអះអាង​ពី​សមត្ថកិច្ច ។​
​ប្រជាពលរដ្ឋ បាន​លោក​ឡើង​នៅក្នុង​ហេតុ​ការភ្ញាក់ផ្អើល​នោះ គេ​បានឃើញ​មន្ត្រី​យោធា បាន​ស្រែក​គំរាម​ដោយ​ការប្រើ​កាំភ្លើង ប៉ុន្តែ​ពេល​សមត្ថកិច្ច មកដល់​គឺ​មិនបាន​ឃើញ​ដូច​ការ​ចោទ​ឡើយ ។​
​ប្រជាពលរដ្ឋ​នៅ​ភូមិ​គោក​ឃ្លាង ម្តុំ​វត្ត​សំរោង​អណ្តែត បាន​ទទូច​ដល់​សមត្ថកិច្ច សុំ​ឲ្យ​ពង្រឹង​សន្តិសុខ​ឲ្យ​ល្អប្រសើរ​ផង​ខណៈដែល​លំនៅដ្ឋាន​ពលរដ្ឋ​ខ្លះ​ត្រូវ​ជនល្មើស ចូល​លួច​ម៉ូតូ​ដោយ​គ្មាន​ខ្លាច​សមត្ថកិច្ច​ជាពិសេស​បញ្ហា​ក្មេង​ទំនើង​គឺ​សម្បូ​បំផុត​៕

Copyright © 2010-2021 · អរិយធម៌ · All Rights Reserved.
Develop by Sek Sathya