ភ្នំពេញ ៖ នារសៀលថ្ងៃទី០៣ ខែ មករា ឆ្នាំ២០១៤ ហើយជនបង្កទាំង ១១ នាក់ ត្រូវបាននាំខ្លួនទៅកាន់ទីបញ្ជាការដ្ឋាន អាវុធហត្ថ រាជធានីភ្នំពេញ ដើម្បីសួរនាំបន្ដ ទៀត ។
ស្ថានភាពទូទៅ នៅតាមផ្លូវវ៉េងស្រេង គិតត្រឹមវេលាម៉ោង ៣ និង២០នាទីរសៀល ថ្ងៃដដែលនេះ មានសភាពធូរស្រាលបន្ដិច ដោយសារតែក្រុមសមត្ថកិច្ច បានបំបែក ក្រុមដើរអុកឡុក ឱ្យចាកចេញពីផ្លូវវ៉េង ស្រេង ដែលធ្វើឱ្យចរាចរឆ្លងកាត់ទីនោះ អាចដំណើរការឡើងវិញ ។ យ៉ាងណាក៏ ដោយ ក្រុមដើរអុកឡុកទាំងនេះមិនទាន់ ត្រឡប់ទៅវិញទាំងស្រុងនោះទេ ពោលពួក គេខ្លះនៅតែប្រមូលម្ដុំដោយកន្លែង ដើម្បី ចង់បន្ដប្រឈមជាមួយសមត្ថកិច្ចបន្ដទៀត។
ពួកគេដែលក្នុងដៃមាន ដែកបំពង់ទីប ដំបងឈើ ដាវសាំម៉ូរ៉ៃ ជំពាម កៅស៊ូ និងពូថៅជាដើម បាននាំគ្នាបន្ដទិញ សាំងដើម្បីត្រៀមទប់ទល់ជាមួយកងកម្លាំង សមត្ថកិច្ច ទៀតផង ។
ដោយឡែកខាងមន្ទីរសម្រាកព្យាបាល ឯករាជ្យ ដែលមានទីតាំងស្ថិតនៅតាម បណ្ដោយផ្លូវវ៉េងស្រេង ខាតបង់ថវិកាជាង១០ម៉ឺនដុល្លារ ក្រោយពីជនបង្កទាំងអស់ នេះ បាននាំគ្នាវាយបំផ្លាញទាំងខាងក្រៅ និងសម្ភារៈ ឧបករណ៍ពេទ្យខាងក្នុងខ្ទេចគ្មាន សល់ ដោយសារទេពួកគេខឹងសម្បារ មិន ទទួលយកបក្ខពួករបស់ខ្លួន ទៅព្យាបាល។
នៅក្នុងប្រតិបត្ដិការ បំបែកក្រុមអនា ធិបតេយ្យទាំងនេះ កម្លាំងសមត្ថកិច្ចបានជួយសង្គ្រោះបុគ្គលិកមន្ទីរ ពេទ្យ ជាង ១០ នាក់ ដែលជាប់នៅក្នុងនោះពេលក្រុមបង្ក វាយបំផ្លាញទ្រព្យសម្បត្ដិរបស់គ្លីនិកនោះ ៕
