ព្រះសីហនុៈ សមត្ថកិច្ចបានឲ្យថា ជនរងគ្រោះមានឈ្មោះ HEB RALF ALFRED អាយុ៧១ឆ្នាំ សញ្ជាតិអាល្លឺម៉ង់ កាន់ លិខិតឆ្លងដែន លេខ C3JRF7MYJ ចុះថ្ងៃទី១៩ ខែឧសភា ឆ្នាំ២០១០ ផុតកំនត់ថ្ងៃទី ១៨ ខែឧសភា ឆ្នាំ២០២០ ទិដ្ឋការលេខ EI 00579848 ចុះថ្ងៃទី០១ ខែកញ្ញា ឆ្នាំ២០១៣ ផុតកំណត់ថ្ងៃទី ០៥ កញ្ញា ឆ្នាំ២០១៤ ចូលតាមច្រកអាកាសយានដ្ឋាន អន្តរជាតិភ្នំពេញ នៅថ្ងៃទី០២ ខែកញ្ញា ឆ្នាំ២០១៣ ហើយបាន ចូលមកស្នាក់នៅផ្ទះជួល របស់ឈ្មោះ ដា សុខុន ភេទប្រុស អាយុ៤១ឆ្នាំ មុខរបរលក់ដូរ នៅថ្ងៃទី០១ ខែមករា ឆ្នាំ២០១១ រហូតដល់ថ្ងៃស្លាប់ ។
បុរសចំណាស់ម្នាក់ ចូលមកប្រទេស កម្ពុជា ក្នុងនាមជាអ្នក ទេសចររយៈ ពេលវែងបាន ដេក ស្លាប់ក្នុងផ្ទះជួល របស់ខ្លួនដោយ ជំងឺជរាពាធ វេលាម៉ោង១រំលង អធ្រាត្រឈាន ចូលថ្ងៃទី៣១ ខែធ្នូ ឆ្នាំ២០១៣ នៅចំណុចផ្ទះជួល ក្នុងក្រុម៤២ ភូមិ១ សង្កាត់លេខ៤ ក្រុងខេត្តព្រះសីហនុ ។
តាមសំដីរបស់ស្ត្រីឈ្មោះ ប្រាជ្ញ ចាន់នី អាយុ៣៦ឆ្នាំ ដែលបាន ជួយ មើលថែបុរសរងគ្រោះខាងលើ បានប្រាប់ថា កន្លងខ្លួនត្រូវបានជនរងគ្រោះខាងលើ ហៅឲ្យមកជួយ មើលថែជំងឺគាត់នៅពេលដែលធ្វើទុក្ខម្តងៗ ហើយជាពិសេស កាលពីយប់ម៉ិញនេះ គាត់ក៏បានហៅឱ្យ មកមើលគាត់ដែរ ហើយបានហៅវេជ្ជបណ្ឌិត មកចាក់ថ្នាំឲ្យគាត់ផងដែរ តែដោយស្ថានភាពជំងឺ របស់គាត់ កាន់តែធ្ងន់ធ្ងរនោះ បន្ទាប់ពីបានចាក់ថ្នាំហើយប៉ុន្មានម៉ោង ក្រោយមកគាត់ក៏ដាច់ខ្យល់ស្លាប់ទៅ ។ ចំណែកមិត្តភក្កិ របស់បុរសរងគ្រោះខាងលើឈ្មោះ Frank ដែលស្នាក់នៅបន្ទប់ក្បែរគ្នា បានប្រាប់ថា បុរសរងគ្រោះខាងលើនេះ មានកូនប្រុស១ ស្រី១ នៅស្រុកកំណើត តែទោះបីជាគាត់ បានធ្វើការ ទំនាក់ ទំនងជាមួយកូន របស់ជនរងគ្រោះទាំងពីរនាក់នោះ ដើម្បីប្រាប់ពីស្ថានភាពជំងឺ របស់ជនរងគ្រោះជា ច្រើនដង តែមិនអាចទាក់ទងបានទេ រហូតដល់ពេលនេះ ។ ជាងនេះទៅទៀត គាត់បានប្រាប់ឲ្យ ជនរង គ្រោះ ទៅមន្ទីរពេទ្យដែរ តែគាត់មិនព្រមទៅទាល់តែសោះ ។ ចំណែកម្ចាស់ផ្ទះក៏បានប្រាប់ដែរថា គាត់បាន ប្រាប់ជនរងគ្រោះឲ្យទៅមន្ទីរពេទ្យជាញយដងដែរ តែត្រូវជនរងគ្រោះសំពះអង្វរថា គាត់មិនព្រមទៅទេ ដោយគាត់សុខចិត្តហៅពេទ្យមកមើលវិញ នៅពេលជំងឺធ្វើទុក្ខ ៕
