ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » ស្ត្រី​ខ្មែរ ដែល​ថៅកែ​ថៃ វាយ​ធ្វើបាប សម្រាត​ខោអាវ បានដាក់ ព​ក្យ​បណ្តឹង​ឲ្យ​តុលាការ ជួយ​រក​យុ​ត្តិ​ធ​ម៍ និង​ទាមទា​ជម្ងឺ​ចិត្ត​១០​លាន​បាត

ស្ត្រី​ខ្មែរ ដែល​ថៅកែ​ថៃ វាយ​ធ្វើបាប សម្រាត​ខោអាវ បានដាក់ ព​ក្យ​បណ្តឹង​ឲ្យ​តុលាការ ជួយ​រក​យុ​ត្តិ​ធ​ម៍ និង​ទាមទា​ជម្ងឺ​ចិត្ត​១០​លាន​បាត

​បន្ទាយ​មាន​ជ័​យៈ ស្ត្រី​ខ្មែរ​ម្នាក់​ក្នុងចំណោម​ពីរ​នាក់ ដែល​ត្រូវ​មេបន​ល្បែង​ថៃ បាប​វាយ​ធ្វើបាប​បង្ខាំង សម្រាត​ខោអាវ នៅ​ក្រុង បាងកក ប្រទេស​ថៃ  ហើយ​ត្រូវបាន​អាជ្ញាធរ​កម្ពុជា ជួយសង្គ្រោះ​នៅ​ពាក់កណ្តាល​ខែធ្នូ ឆ្នាំ​២០១៣​នេះ បានមក​ដាក់​ពាក្យ​ប្តឹង​នៅ​តុលាការខេត្ត​បន្ទាយមានជ័យ កាលពី​ថ្ងៃ ទី​២៦ ខែ ធ្នូ ដោយបាន​ទារ​ជម្ងឺ​ចិត្ត​ចំនួន ១០ លាន​បាត និង​ប្តឹង​មេបន​ល្បែង​ជា​ជនជាតិ​ថៃ ចំនួន​៣​នាក់ ១​ឈ្មោះ​ភី ​ទី​. ២​ឈ្មោះ​ភី​ អាង និង​ទី​៣​ឈ្មោះ​ភី ​អួន ។​​លោក ស៊ុំ ចន្ទ​គា ប្រធាន សមាគម​ការពារ សិទ្ធិមនុស្ស អាដហុក ខេត្ត បន្ទាយមានជ័យ មានប្រសាសន៍ថា លោក​បាន​ទទួល​ពាក្យបណ្តឹង​ពី​ស្ត្រី​រងគ្រោះ និង​បាន​បញ្ជូន​បន្តទៅ​សាលាដំបូង ខេត្ត បន្ទាយមានជ័យ កាលពី​ថ្ងៃ ទី​២៦ ធ្នូ ដោយ​ប្តឹង​មេបន​ល្បែង​ថៃ ៣​នាក់ ពីបទ ហិង្សា និង​ប​ង្ឃាំ​ង​មនុស្ស ដោយ​ខុសច្បាប់ សម្រាត​ខោអាវ ដែល​នាំ​ឲ្យ​ជន​រងគ្រោះ​បាត់បង់​សេចក្តី ថ្លៃថ្នូរ​។​

​លោក​បន្ត​ឲ្យ​ដឹង​ទៀតថា ពាក្យបណ្តឹង​នេះ ខាង​តុលាការខេត្ត​បន្ទាយមានជ័យ នឹងធ្វើ​ការស៊ើបអង្កេត​តាមផ្លូវ​ច្បាប់ ដោយ​​សហការ​ជាមួយ​តុលាការ ប្រទេស ថៃ តាម​នីតិវិធី​ដែល​អាចធ្វើ​ទៅបាន​។ ជាមួយគ្នា​ដែរ​ស្ត្រី​រងគ្រោះ​ក៏បាន​ដា​​ក់​ពាក្យ​ប្តឹង​តាមរយៈ​ក្រសួង ការបរទេស​កម្ពុជា​ហើយ​និង​ស្ថានទូត​ខ្មែរ នៅ​ទីក្រុង​បាងកក ប្រទេស​ថៃ  ដើម្បី​ជំរុញ​ឲ្យ​រដ្ឋាភិបាល​ថៃ អនុវត្តតាម​សំណើរ​របស់​ជនរងគ្រោះ​។​

​លោក ស៊ុំ ចន្ទ​គា បានបញ្ជាក់​ឲ្យ​ដឹង​ទៀតថា ខាង​តុលាការខេត្ត ដែលជា​ខេត្ត​ជាប់​ព្រំដែន កម្ពុជា ថៃ កន្លងមក ធ្លាប់ធ្វើ​ការដោះដូរ អ្នកទោស​គ្នា ព្រោះ​គេ​មាន​បត្យាប័ន ទៅវិញទៅមក​ជា​មិត្តភាព នៃ​ប្រទេស​ទាំងពីរ ។​ ​ដោយឡែក​​ចំពោះ​​មេ​បន​​ល្បែង​ជា​ជនជាតិ​ថៃ ៣​នាក់ ដែល​ស្ត្រី​រងគ្រោះ​ប្តឹង​មានឈ្មោះ​ភី​អួន​. ភី​ទី​. និង​ឈ្មោះ​ភី​អាង​។​ក្នុង​ពាក្យបណ្តឹង​ស្ត្រី​រងគ្រោះ​ទារ​សំណង​ជំងឺ​ចិត្ត​ចំនួន​១០​លាន​បាត​។​

លោក​បញ្ជាក់ថា បណ្តឹង​នេះ​ចោទប្រកាន់​ពីបទ រំលោភបំពាន​លើ​សេចក្តីថ្លៃថ្នូរ បុគ្គល​និង​សេចក្តីថ្លែងការណ៍​ស្តីពី សិទ្ធិ​កែទម្រង់​នារី​ភេទ​ជាស​កល ខណៈដែល​ប្រទេស​ថៃ ក៏​ជា​ហត្ថលេខី​លើ​សេចក្តីថ្លែងការណ៍ ជា​សកល​នេះដែរ​។​
​អ្នកស្រី គា សុផល មេធាវី អាដហុក ដែល​ការពារ​ក្តី​ឲ្យ​ស្ត្រី​រងគ្រោះ​បញ្ជាក់ថា កូនក្តី​បានមក​ពឹងពាក់​គាត់​ឲ្យ​ការពារ​ក្តី​នេះ ប៉ុន្តែ​តុលាការខេត្ត បន្ទាយមានជ័យ នៅ​មិនទាន់​ដំណើរការ​ស៊ើបសួរ​ទេ​។ អ្នកស្រី​ប្រាប់ថា យើង​ធ្លាប់​ការពារ​ក្តី​ឲ្យ​កម្មការិនី ដែល​គេ​ធ្វើបាប​នៅ ម៉ាឡេស៊ី ឈ្នះ​ម្តង​ហើយ ប៉ុន្តែ​ករណីនេះ​ចាំមើល​ដំណើរការ​សិន​។​

​នៅក្នុង​ពាក្យ​ប្តឹង​ស្ត្រី​រងគ្រោះ ចាប ធីតា អាយុ ៣២​ឆ្នាំ រៀបរាប់ថា គាត់​បាន​ទៅធ្វើ​ការ​ជា​អ្នក ចែក​បៀ ក្នុង​បន​ល្បែង​មួយ​នៅ​ច្រក​ផ្លូវ ៦៦ ក្នុងភូមិ រួយ​រុងរឿង ក្រុង បាងកក ប្រទេស ថៃ ហើយ​ត្រូវ​មេបន ឲ្យ​ក្រុមអ្នកលេង​ចាប់​នាំ​ចេញពី​បន្ទប់​ស្នាក់នៅ ទៅ​ឃុំ​ក្នុង​បន​ល្បែង ដោយ​ចោទថា គាត់​ឃុបឃិត​ជាមួយ​ភ្ញៀវ​មកលេង​ល្បែង ធ្វើ​ឲ្យ​មេបន​ខាតបង់​ប្រាក់​កាក់​ច្រើន ហើយ​បាន​ចាប់​សម្រាត​ខោអាវ​គាត់ រួច​យក​ក​ន្រៃ្ត​កាត់​ខោ​លី​អូ ទះកំផ្លៀង​យក​ដប​ទឹក​សុទ្ធ​វាយ​ក្បាល​តាមតែ​អំពើ​ចិត្ត និង​យក​ទូរស័ព្ទ​ថតរូប​អាក្រាត​គាត់ ចែកចាយ​ថែមទៀត​ផង​។​

​តាម​ការបំភ្លឺ​ពី​ស្ត្រី​រងគ្រោះ​បាន​បន្តថា មេបន​ល្បែង​ជា​ជនជាតិ​ថៃ ទាំង ៣​នាក់ បាន​ជំរិត​គាត់​យកប្រាក់ ១៤៦ ម៉ឺន​បាត ហើយ​គំរាមថា បើ​មិន​ព្រម​ឲ្យ​គេ​ទេ ពួកគេ​នឹង​កាត់ដៃជើង​សម្លាប់ចោល ហើយ​ពួកគេ​បាន​វាយ​បង្ខាំង​ធ្វើ​ទារុណកម្ម ហើយ​ដកយក​លុយ​ដែល​ខំ​សន្សំ​ផ្ញើ ក្នុង​កុង​ធនាគារ​ទាំងអស់​។​ស្ត្រី​រងគ្រោះ ចាប ធីតា ត្រូវគេ​ចាប់​បង្ខាំង​ពីថ្ងៃ ទី​២៨ ខែ វិច្ឆិកា ដល់​ថ្ងៃ ទី​៨ ខែ ធ្នូ ទើបត្រូវ​បាន ខាង​អាជ្ញាធរ​មន្ត្រី​ទូត​កម្ពុជា សហការ​ជាមួយនឹង​សមត្ថកិច្ច​ប៉ូលិស​ថៃ ជួយ​រំដោះ​និង​បញ្ជូន មកវិញ​តាម​ច្រក​ប៉ោយប៉ែត​៕ ដោយ ខៀវ បូរី​

Copyright © 2010-2021 · អរិយធម៌ · All Rights Reserved.
Develop by Sek Sathya