ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||     ប្រជាពលរដ្ឋជាង៣០គ្រួសារ មានការព្រួយបារម្ភ ខណៈដែលមន្ត្រីបរិស្ថានដែនជម្រកសត្វព្រៃភ្នំឱរ៉ាល់ ប្រុងលើកគ្នាទៅដកបង្គោលរបងដីស្រែចំការរបស់ពួកគាត់ទាំងបំពាន​  ||   

» ព័ត៌មានជាតិ » យុវជន ២​នាក់​ជិះ​ម៉ូតូ​បុក​បង្គោល​ភ្លើង​ស្លាប់​ម្នាក់​របួសធ្ងន់​ម្នាក់​ ​

យុវជន ២​នាក់​ជិះ​ម៉ូតូ​បុក​បង្គោល​ភ្លើង​ស្លាប់​ម្នាក់​របួសធ្ងន់​ម្នាក់​ ​

ភ្នំពេញ ៖​យុវជន​ម្នាក់​បោក​ក្បាល​នឹង​បង្គោល​ដងគោម​បណ្តាលឱ្យ​ស្លាប់​យ៉ាង​អាណោចអាធ័ម​នៅក្នុង​ថ្លុកឈាម និង​ម្នាក់ទៀត រងរបួស​ធ្ងន់ធ្ងរ​ដឹក​បញ្ជូនទៅ​សង្គ្រោះ​នៅ​មន្ទីរពេទ្យ​ភ្លាមៗ​ដោយសារ​ពួកគេ​ជិះ​ម៉ូតូ​វីវ៉ា​មួយ គ្រឿង​ឌុប​គ្នា​ក្នុង​ល្បឿន​លឿន​ជ្រុល​ឡើង​ចិញ្ចើមផ្លូវ​បុក​ចំ​បង្គោល​ដងគោម មុខ​ស្ថានទូត​បារាំង​តាម​បណ្តោយ ផ្លូវ​ព្រះមុនីវង្ស សង្កាត់​ស្រះចក ខណ្ឌដូនពេញ កាលពី​វេលា​ម៉ោង ២​និង ៣០ នាទី​យប់​ឈានចូល​ថ្ងៃទី ៣០ ខែធ្នូ ឆ្នាំ ២០១៣​។​

​យោងតាម​ប្រភពព័ត៌មាន​ពី​សាក្សី​ដែល​បានឃើញ​ហេតុការណ៍​ខាងលើនេះ​បាន​ឲ្យ​ដឹងថា មុនពេល កើតហេតុ​គេ​សង្កេតឃើញ​យុវជន ២​នាក់​ខាងលើ ជិះ​ម៉ូតូ​វីវ៉ា​ពណ៌​ខ្មៅ មួយគ្រឿង​ឌុប​គ្នា​ធ្វើដំណើរ​តាម​បណ្តោយ ផ្លូវ​លេខ​៧០​ទិសដៅ​ពី​លិចទៅ​កើត ក្នុង​ល្បឿន​យ៉ាង​លឿន​លុះដល់​ចំណុច​រង្វង់​មូល​ជ្រោយចង្វា ក៏បាន​ទាញ ចង្កូត​បត់​ខាងស្តាំ​ដៃ​គ្មាន​ការប្រុងប្រយ័ត្ន​នឹងមិន​បន្ថយល្បឿន​ក៏​បណ្តាល​ឲ្យ​ជ្រុល​រេ​ចង្កូត​ឡើង​ចិញ្ចើមផ្លូវ​ទៅបុក​នឹង​បង្គោល​ដងគោម​ពេញទំហឹង​តែម្តង​បណ្តាល​ឲ្យ​យុវជន​ម្នាក់​ត្រូវជា​អ្នក​ឌុប​ត្រូវ​បោក​ក្បាល​នឹង​បង្គោល​ដងគោម​ស្លាប់​យ៉ាង​អាណោចអាធ័ម​នៅនឹងកន្លែង​កើតហេតុ​នឹង​ម្នាក់ទៀត​បោក​ខ្លួន​ទៅនឹង​ថ្នល់​រងរបួស​ធ្ងន់ធ្ងរ​សន្លប់​ស្តូកស្តឹង​បាន​រថយន្ត​សាមុយ​មក​ដឹក​យកទៅ​សង្គ្រោះ​នៅ​មន្ទីរពេទ្យ​ភ្លាមៗ​។​
​ជនរងគ្រោះ​ទាំង​២​នាក់​ខាងលើនេះ​សមត្ថកិច្ច​នៅ​មិនទាន់​អាច​បញ្ជាក់​ពី​អត្តសញ្ញាណ​បាន​នៅឡើយ​ទេ​ហើយ​សាកសព​ត្រូវ​សមត្ថកិច្ច​ប្រគល់​ឲ្យ​ក្រុមគ្រួសារ​មក​ទទួលយក​ទៅធ្វើ​បុណ្យ​តាម​ប្រពៃណី​។ ចំណែក​ម៉ូតូ​របស់​ជនរងគ្រោះ​ត្រូវបាន​សមត្ថកិច្ច​អូស​យកទៅ​រក្សាទុក​នៅ​អធិការដ្ឋាន​នគរបាល​ខណ្ឌដូនពេញ​រង់ចាំ​សាច់ញាតិ​ទៅ ទទួលយក​៕ ដោយ​៖ ព្រហ្ម ពៅ​

Copyright © 2010-2021 · អរិយធម៌ · All Rights Reserved.
Develop by Sek Sathya