ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឈ្មោះ ឯក សារិន ហៅវុធ មេប៉ុស្ទិឃុំទន្លេបិទ មានអំណាចកាងបនល្បែងជល់មាន់នៅព្រៃខ្មោច សូមអគ្គស្នងការមេត្តាពិនិត្យបុគ្គលខិលខូចរូបនោះផង​  ||     ដីគម្របព្រៃឈើនៅតាមជួរភ្នំក្នុងឃុំ ត្រងិល ដែលគ្រប់គ្រងដោយសហគមន៍ព្រៃឈើ កំពុងទទួលរងនូវការ បាត់បង់អស់ទាំងស្រុងនៅលើទឹកដី ស្រុកកំពង់លែង​  ||     លោក​ គង់ ណារិន្ទ មេប៉ុស្តិ៍ច្រកបុសមន ហ៊ានធ្វើអ្វីៗតាមអំពើចិត្ត គឺដោយសារមានលោក កឹង ឃន ស្នងការនគរបាលខេត្តស្វាយរៀង ជាបង្អែកដ៏រឹងមាំ?​  ||     ភ្ញាក់ផ្អើល! ឈ្មួញធ្វើអាជីវកម្មជីករណ្តៅដីក្នុងឃុំអូរតាគី ស្រុកថ្មគោល មានការឃុបឃិតជាប្រព័ន្ធ​  ||     ល្បីឈ្មោះ ណុប ឌី មេខ្លោងប្រមូលទិញឈើ ដឹកឈើ ផ្តាច់មុខ នៅស្រុកឱរ៉ាល់​  ||   

» Breaking News, ព័ត៌មានជាតិ » ល្បែងស៊ីសង​កើត​ច្រើន​សមត្ថកិច្ច​ សប្បាយ​ប្រមូល​លុយ​ពលរដ្ឋ​ភ័យព្រួយ​ ​

ល្បែងស៊ីសង​កើត​ច្រើន​សមត្ថកិច្ច​ សប្បាយ​ប្រមូល​លុយ​ពលរដ្ឋ​ភ័យព្រួយ​ ​

សៀមរាប​៖ បច្ចុប្បន្ន ក្នុង​ក្រុង​សៀមរាប ខេត្ត​សៀ​រាម​ត្រូវបាន​ប្រជាពលរដ្ឋ​រាយការណ៍​អោយដឹងថា  បានក្លាយ​ទៅជា​តំបន់ ទេសចរណ៍​ដែល​ពោរពេញ​ទៅដោយ​ល្បែងស៊ីសង​គ្រប់​ប្រភេទ​រីកដុះដាល​តាម​ផ្ទះ​ប្រជាពលរដ្ឋ និង​ទីតាំង​ធំៗ​យ៉ាង​ព្រោងព្រាត ពុំដែល​មានការ រំខាន​ពី ក្រុម​សមត្ថកិច្ច​និង​អាជ្ញាធរ​ឡើយ បែរជា​សមត្ថកិច្ច​គ្រប់​ប្រភេទ និង​អាជ្ញាធរ​សប្បាយ​ដើរ​ប្រមូល​លុយ​ដោយ​គ្មាន​ការបង្ក្រាប​ធ្វើឱ្យ​ប្រជាពលរដ្ឋ​ភ័យព្រួយ​ពី​សន្តិសុខ​សុវត្ថិ ភាព​កើតមាន​អំពើ​ប្លន់ លួច ឆក់ ដែល​ផ្ទុយ​ពី​គោលការណ៍​ភូមិ ឃុំ មាន​សុវត្ថិភាព​របស់​រាជរ​ដ្ឋា​ភិ​បាល​។​
​ជាក់ស្តែង ផ្ទះ​បើក​ល្បែងស៊ីសង​ដ៏​ធំ​មួយកន្លែង ស្ថិតនៅ​ក្នុងភូមិ​ចុង​កៅស៊ូ​សង្កាត់​ស្លក្រាម ក្រុង​សៀមរាប ដែលមាន ឈ្មោះ ភា​ត្រូវបាន​ប្រជាពលរដ្ឋ​រាយការណ៍​មក​ថា រាល់ថ្ងៃ បាននិងកំពុង​បើ​កលេ​ង​បៀ អាប៉ោង​ស៊ីសង​យ៉ាង​គគ្រឹកគគ្រេង ដោយមាន ក្រុម​អ្នកញៀន​ល្បែង​ចេញចូល​យ៉ាង​ពពាក់ពពូន ហើយ​មិនមែន​តែ​ទីតាំង មួយ​នេះ​ទេ គឺមាន​ច្រើន​កន្លែង​ទៀត​បើក​លេង​ដូចគ្នា​ផងដែរ​។​
​ប្រភព​បន្តថា ក្នុង​មួយថ្ងៃៗ មាន​អ្នក​ចាញ់ឈ្នះ​រាប់សិប​លាន​រៀល រហូត​ថ្ងៃ​ខ្លះ​មាន​អ្នក​អស់​ម៉ូតូ​ក៏មានដែរ ។ ក្រុម​អ្នក លេង​បាន អោយដឹងទៀតថា​ពួកគេ​ហ៊ាន​មកលេង​ល្បែងស៊ីសង​នៅផ្ទះ​របស់លោក ភា ព្រោះ​លោក ភា ប្រាប់ថា​មាន​សុវត្ថិភាព ពុំមាន អ្នកណា​ហ៊ាន​ចាប់​បង្ក្រាប​ទេ  ព្រោះ​គេ​បាន​បង់លុយ ខែ​អោយ​សមត្ថកិច្ច​ពាក់ព័ន្ធ​អស់ហើយ ។​
​ប្រជាពលរដ្ឋ​បាន​បញ្ជាក់ថា បើ​សង្ឃឹមលើ​លោក​មេ​ប៉ុស្តិ៍​ស្លក្រាម ឈ្មោះ ញឹក​សុផល និង​លោក ទិ​ត្យ ណា​រ៉ុង ដែលជា​អធិការ នគរបាល​ក្រុង​សៀមរាប​វិញ គឺ​ស្រេច​តែម្តង​ពួកគាត់​សម្ងំ​ឈឹង ងាប់​ត្រចៀក​ស្តូក ពុំដែល​ឃើញ​មានការ​ចុះ បង្ក្រាប​បន ល្បែងស៊ីសង​នេះ​ម្តងណា​ឡើយ​បែរជា​ឃើញ​កូនចៅ​គាត់​ចុះមក​ប្រមូល​លុយ​ពី​ម្ចាស់​ទីតាំង​ល្បែងស៊ីសង​ទៅវិញ ។ ក្រៅពី​ទីតាំង​ខាងលើ គឺមាន​ផ្ទះ​បើក​បន​ល្បែង​កន្ទុយលេខ​រាប់សិប​ផ្ទះ ហើយ​អ្នក​កត់​កន្ទុយលេខ រាប់សិប​នាក់ ក៏​ដំណើរការ​យ៉ាង​ផុលផុស​រាល់ថ្ងៃ​ផងដែរ ។​
​ប្រជាពលរដ្ឋ​នៅ​ខេត្តសៀមរាប ពិសេស​អ្នក​នៅ​សង្កាត់​ស្ល​ក្រោម បាន​សំណូមពរ​ដល់ លោក ឃឹម ប៊ុន​សុង អភិបាលខេត្ត​សៀមរាប​និង​លោក សត ណា​ឌី ស្នងការ​នគរ បាល​ខេត្តសៀមរាប​មេត្តា​ចាត់វិធានការ​ទប់ស្កាត់​បង្ក្រាប ដើម្បី​អនុវត្ត​នូវ​គោលនយោបាយ​ភូមិ​-​ឃុំ មាន​សុវត្ថិភាព អោយ​ទទួលបាន​ជោគជ័យ ព្រោះ​សព្វ ថ្ងៃនេះ គោលការណ៍​ភូមិ​ឃុំ​មាន​សុវត្ថិភាព​មិនទាន់​អនុវត្តន៍​នៅឡើយ​ទេ ដោយសារ​តែមាន​ល្បែងស៊ីសង​ច្រើន ចោរលួច ចោរប្លន់​ច្រើន និង​ការប្រើប្រាស់ និង​ជួញដូរ​ថ្នាំញៀន​ក៏​ច្រើន​ដែរ​៕

Copyright © 2010-2021 · អរិយធម៌ · All Rights Reserved.
Develop by Sek Sathya