ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||     ទីតាំងសង្វៀនជល់មាន់ មួយកន្លែង កំពុងបើកលេងយ៉ាងរំភើយ ដោយម្ចាស់សង្វៀនមាន់ ឈ្មោះ ថុន នឹង ប្រុស  នៅត្បូងឃ្មុំ​  ||     ក្រុមជនខិលខូចកាប់ព្រៃរុករាន ទន្ទ្រានយកដីព្រៃរបស់រដ្ឋ ការពារដោយព្រះរាជក្រឹត្យ ម្តុំបឹងខ្លុង អូរត្រាវចែកលុយគ្នាយ៉ាងរំភើយ  នៅកំពង់ស្ពឺ​  ||   

» Breaking News, ព័ត៌មានជាតិ » ក្រសួង​អប់រំ​គ្រោង អនុវត្ត​ការ​បន្ស៊ាំ​ទៅនឹង​ការប្រែប្រួល​អាកាសធាតុ ក្នុង​វិស័យ​អប់រំ​

ក្រសួង​អប់រំ​គ្រោង អនុវត្ត​ការ​បន្ស៊ាំ​ទៅនឹង​ការប្រែប្រួល​អាកាសធាតុ ក្នុង​វិស័យ​អប់រំ​

​ភ្នំពេញ​៖ ក្រសួង​អប់រំ យុវជន និង​កីឡា គ្រោង​ចាប់​អនុវត្តន៍​ការ​បន្ស៊ាំ​ទៅនឹង​ការប្រែប្រួល​អាកាសធាតុ​នៅក្នុង​វិស័យ​អប់រំ​ដើម្បី​ប​ញ្ជ្រៀ​ស​ផុតពី​ការរង​គ្រោះ ដោយ​គ្រោះថ្នាក់​ធម្ម​ជាតិ​ទៅ​អនាគត​។ ថ្នាក់ដឹកនាំ​ក្រសួង​អប់រំ បានប្រកាស​ធ្វើការ​កែលំអរ​សាលារៀន ដោយ​បង្ការ​ចំពោះ​គ្រោះថ្នាក់​ធម្មជាតិ ពិសេស​ទឹកជំនន់​ដែល​ធ្វើ​ឲ្យ​សិស្ស​និស្សិត មិនអាច​បន្ត​ការសិក្សា​បាន និង​ធ្វើ​ឲ្យ​បាត់បង់ ឯកសារ​សាលា នៅពេល​មាន ហា​និ​ភ​យ័ គ្រោះ ធម្មជាតិ ។​​រដ្ឋលេខាធិការ​ក្រសួង​អប់រំ លោក អ៊ឹម កុ​ច បាន​ថ្លែង​ឱ្យដឹង​កាលពី​ថ្ងៃទី ២៧ ធ្នូ ថា ក្រសួង​អប់រំ​បានប្រកាស​ធ្វើការ​កែទម្រង់​ប្រព័ន្ធ​អប់រំ​នៅក្នុង​កម្ពុជា ដែល​នៅ​ក្នុងនោះ​ក៏បាន​គ្រោង​ធ្វើការ​កែទម្រង់​តទល់​នឺង​ការប្រែប្រួល​អាកាសធាតុ​ផងដែរ ខណៈពេល​ទឹកជំនន់ ឆ្នាំ​២០១៣ ដែល​បាន​បំផ្លាញ​សាលា​ជាង ១២០០​ខ្នង ។​

​លោក​បាន​បញ្ជាក់ថា គម្រោង​នោះ​រួមមាន​ការសាងសង់​អាគា​រ​សិក្សា​ឲ្យ​មាន​កំពស់​ខ្ពស់ ជាង​ទឹកជំនន់​ដែល​តែងតែ​លិច​នៅ​តំបន់​នោះ ដើម្បី​ងាយស្រួល​ដល់​សិស្ស អាច​ចូលរៀន​បាន និង​អាច​តម្កល់​រាល់ សំណៅ​ឯកសារ ផ្សេងៗ​បាន ។​

​យោងតាម​លទ្ធផល​ផ្សព្វផ្សាយ ដែល​ប្រកាស​នៅ​ព្រឹក​នេះ បាន​ឲ្យ​ដឹងថា ទឹកជំនន់ ឆ្នាំ ២០១៣ បានធ្វើ​ឲ្យ​សាលា​ខូ​ត​ខាត​មិនអាច​ឲ្យ​សិស្ស​រៀន​បាន ហើយ​ត្រូវការ​សាងសង់​ឡើងវិញ ជាបន្ទាន់​។​សាលា​ខ្លះ​ត្រូវ​ទឹក​លេច​រហូត​ជាង​១​ខែ បាន​បំផ្លាញ​ឯកសារ និង​សៀវភៅ​សិក្សា ហើយ សិស្ស​ត្រូវ​ខាតបង់​ពេលវេលា​ជាង​១​ខែ មិន​អាចមក​រៀន​បាន​។​

​របាយការណ៍​ដដែល​បានបញ្ជាក់​ទៀតថា ចាប់ពី​ឆ្នាំ ២០០៩ មក​សាលារៀន បាន​រង​គ្រោះជា​បន្ទ​បន្ទាប់ពី​ទឹកជំនន់ និង​ខ្យល់ព្យុះ​កេ​ត​សា​ណា​និង​ទឹកជំនន់​នា​ឆ្នាំ​បន្តបន្ទាប់​។      ហើយ​ឆ្នាំ​២០១៣​នេះ សាលា​១២៨០ បាន​រង​ផលប៉ះពាល់​ពី​ជំនន់​ដែល​ក្នុងនោះ​១២៨​សាលា​ត្រូវការ​សាងសង់​ឡើងវិញ​។​

​លោក​មន្ត្រី​ក្រសួង​អប់រំ​ក៏បាន​បញ្ជាក់ទៀតថា របាយការណ៍​រងគ្រោះ​ដោយសារ​ទឹកជំនន់​នេះ បាន​ជំរុញ​ឲ្យ​ក្រសួង​ឈានទៅ​រៀបចំ​ផែនការ​យុទ្ធសាស្ត្រ​គោលនយោបាយ និង​ផែនការ​សកម្មភាព​កាត់បន្ថយ​ហានិភ័យ​គ្រោះមហន្តរាយ និង​ការ​បន្ស៊ាំ​នឹង​ការប្រែប្រួល​អាកាសធាតុ​ក្នុង​វិស័យ​អប់រំ​សម្រាប់​រយៈពេល​វែង​។ ផែនការ​ដំបូង​នោះ​គឺ សង់សាលា​ឲ្យ​ខ្ពស់ និង​សង់​ផ្លូវ​ទៅ​សាលា​ឲ្យ​ខ្ពស់​ផុតពី​ទឹកជំនន់​៕ ដោយ​៖​ ការីនិពន្ធតូច

Copyright © 2010-2021 · អរិយធម៌ · All Rights Reserved.
Develop by Sek Sathya