ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» ព័ត៌មានជាតិ » បើកឡាន​ឆ្លងផ្លូវ​មិន​ប្រយ័ត្ន ជ្រុល​បុក​ម៉ូតូ និង​ឡាន​មួយគ្រឿង​ទៀត​ ​

បើកឡាន​ឆ្លងផ្លូវ​មិន​ប្រយ័ត្ន ជ្រុល​បុក​ម៉ូតូ និង​ឡាន​មួយគ្រឿង​ទៀត​ ​

ភ្នំពេញ ៖​កាលពី​វេលា​ម៉ោង ១២ និង​៥០​នាទី រសៀល​ថ្ងៃទី​២៦ ខែធ្នូ ឆ្នាំ​២០១៣ ស្ត្រី​ម្នាក់​បាន​បើករថយន្ត មិនមាន​ការប្រុងប្រយ័ត្ន ពេល​កំពុង​ឆ្លងផ្លូវ បាន​ជ្រុល ទៅបុក​ម៉ូតូ​មួយ គ្រឿង រួចហើយ​អូស​ម៉ូតូ​ទៅបុក​រថយន្ត​មួយគ្រឿង ដែល​កំពុងធ្វើដំណើរ​ចេញពី​ផាក​វ៉េ បណ្តាល​ឲ្យ​រង​ការ ខូចខាត និង​របួស​និស្សិត​ស្រី​សាលា​បញ្ញា​សាស្ត្រ​ម្នាក់ ជា​អ្នកបើក​ម៉ូតូ ស្ថិតនៅ តាម​បណ្តា​យ​ផ្លូវ​ម៉ៅ​សេទុង មុខ​មជ្ឈមណ្ឌល​ផាក​វ៉េ ក្នុង​សង្កាត់ ទួល​ទំពូង​២ ខណ្ឌចំការមន ។​
​មុនពេល​កើតហេតុ គេ​ឃើញ​ស្ត្រី​ម្នាក់ មិន ស្គាល់​អត្តសញ្ញាណ បើករថយន្ត​ម៉ាក​រ៉េវ​ហ្វ័​រ ពណ៌​ស្ករ ពាក់​ស្លាក​លេខ ភ្នំពេញ 2Y-1346 ចូលទៅ​ហាង លក់​គ្រឿងសំណង់​មួយកន្លែង ស្ថិតនៅ​ទល់មុខ​មជ្ឈមណ្ឌល​ផាក​វ៉េ លុះ​មួយសន្ទុះ​ក្រោយមក បាន​ចេញមក វិញ ដោយ​បត់​ឆ្លងផ្លូវ​ទៅ​ទិស​ខាងក្រោយ ឡើង​តាម​ស្តាំ​ដៃ ក៏​ជ្រុល​ទៅបុក​នារី​ម្នាក់ ជា​និស្សិត​ពេល​កំពុង ជិះ​ម៉ូតូ ម៉ាក ICon ពាក់​ស្លាក​លេខ ភ្នំពេញ 1AE-5559 បណ្តាល​ឲ្យ​ម៉ូតូ​ដួល ហើយ​ជ្រុល​ទៅបុក រថយន្ត មួយគ្រឿង ម៉ាក​ហាយ​ឡែ​ន​ឌ័​រ ពាក់​ស្លាក​លេខ​បណ្តោះ អាសន្ន ពេល​កំពុងធ្វើដំណើរ ចេញពី​មជ្ឈមណ្ឌល ផាក​វ៉េ បណ្តាល​ឲ្យ​រង​ការខូចខាត ផ្នែក​កង់​មុខ​ឆ្វេង ។​
​ក្នុង​ហេតុការណ៍​គ្រោះថ្នាក់​នេះ បណ្តាល​ឲ្យ​ស្ត្រី​ម្នាក់ នៅក្នុង​រថយន្ត​ហាយ​ឡែ​ន​ឌ័​រ ឈ្មោះ ចិន្តា រងរបួស ស្រាល និង​និស្សិត​ស្រី​បើក​ម៉ូតូ ឈ្មោះ សៀក ហុង រងរបួស ធ្ងន់ ហើយ​ត្រូវ​បញ្ជូនទៅ សង្គ្រោះ​នៅ​មន្ទីរ ពេទ្យ​ភ្លាមៗ​ផងដែរ ៕

Copyright © 2010-2021 · អរិយធម៌ · All Rights Reserved.
Develop by Sek Sathya