ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក ជា ពៅ ហៅ ហួ តំណាង ក្រុមហ៊ុន សៀ ម៉ុ​ន លួចកាប់ឈើក្នុងតំបន់បរិស្ថាន ដាក់ចូលក្រុមហ៊ុន បម្លែងជាឈើស្របច្បាប់​  ||     ល្បីឈ្មោះលោកជា ពៅ ហៅ ហួ កាប់ឈើ ដឹកឈើ នៅស្ទឹងត្រែង​  ||     ឈ្មួញ​ឈ្មោះ ណាង ឈ្មួញរិទ្ធ និងឈ្មួញឈ្មោះ ទូ កំពុងធ្វើសកម្មភាពដឹកជញ្ជូនឈើពីស្រុកពេជ្រាដា ទៅស្រុកយួនតាមច្រកដាក់ដាំ យ៉ាងពេញបន្ទុក​  ||     អាជីវកម្មរណ្តៅដី  មានការឃុបឃិតជាប្រព័ន្ធ ភូមិពារាំង ឃុំរាប ស្រុកពារាំង នៅព្រៃវែង​  ||     បែកធ្លាយ! លោកយ៉េន ម៉ង់ ប្រធានសហគមន៍ ព្រៃលិចទឹកសាមគ្គីកំពង់គោររងការចោទប្រកាន់ ពីមហាជនគ្រប់មជ្ឈដ្ឋានថា ដីព្រៃលិចទឹកសម្រាប់ត្រីបន្តពូជពងកូន ត្រូវរលាយអស់ហើយ​  ||   

» Breaking News, ព័ត៌មានជាតិ » ប្ដូរ​បទចោទប្រកាន់​ពីបទ​ប៉ុនប៉ង​ឃាតកម្ម​មកជា​បទ​បំផ្លិចបំផ្លាញ​ទ្រព្យសម្បត្ដិ ករណី​សំណុំរឿង​កូន​ឧកញ៉ា ឃី ពៅ​ ​

ប្ដូរ​បទចោទប្រកាន់​ពីបទ​ប៉ុនប៉ង​ឃាតកម្ម​មកជា​បទ​បំផ្លិចបំផ្លាញ​ទ្រព្យសម្បត្ដិ ករណី​សំណុំរឿង​កូន​ឧកញ៉ា ឃី ពៅ​ ​

ប៉ៃលិន ៖ ជន​ត្រូវ​ចោទ​ពៅ ដា​ណា ភេទ​ប្រុស អាយុ​២៧​ឆ្នាំ ត្រូវជា​កូនលោក ឧកញ៉ា​ឃី ពៅ អគ្គនាយក​ក្រុមហ៊ុន​ដេ​វិដ ខុន​ដ្រា​ក់សិន ខូ​អិ​ល​ធី​ឌី ដែល​ព្រះរាជអាជ្ញា អម​សាលាដំបូង​ខេត្ដ​ប៉ៃលិន​ចោទប្រកាន់ ពីបទ​“​ប៉ុនប៉ង​ឃាតកម្ម​” ជាប់ពន្ធនាគារ​បណ្ដោះអាសន្ន​ជាច្រើន​ខែ​មកនេះ មិន ដឹង​ជា​ត្រូវដង​ត្រូវផ្លែ​បែបណា​បែរជា​ជន​ត្រូវ​ចោទ ព្រះរាជអាជ្ញា​អម​សាលាដំបូង​ខេត្ដ​លោក​ជុំ សែន​សទ្ធា​ប្ដូរ​បទ​ចោទ ប្រកាន់​ពីបទ​“​ប៉ុនប៉ង​ឃាតកម្ម​”​មក​បទ “​បំផ្លិចបំផ្លាញ​ទ្រព្យសម្បត្ដិ​ដោយ​ចេតនា​” វិញ​?
​យោងតាម មាត្រា​១៩៩​នៃ​ក្រម​ព្រហ្ម ទណ្ឌ​ដែល​ព្រះរាជអាជ្ញា​ចោទប្រកាន់​ពីបទ  ប៉ុនប៉ង​ឃាតកម្ម ជន​ត្រូវ​ចោទ​អាច ប្រឈម​នឹង​ការជាប់​ពន្ធនាគារ​ពី​១០​ទៅ ១៥​ឆ្នាំ ក្នុង​បទឧក្រិដ្ឋ ប្រសិនបើ​តុលាការ   រកឃើញថា​ជន​ត្រូវ​ចោទ​បាន​ប្រ​ព្រឹ​ត្ដ​ដូច  ការចោទប្រកាន់​ពី​តំណាង​អយ្យ​ការពិត មែន ប៉ុន្ដែ​ករណី​សំណុំរឿង​ព្រហ្មទណ្ឌ​ក្នុង  បទឧក្រិដ្ឋ​នេះ បែរជា​បែកធ្លាយ​ថា​ព្រះរាជ អាជ្ញា​អម​សាលាដំបូង​ខេត្ដ​ប៉ៃលិន​លោក ជុំ សែន​សទ្ធា ប្ដូរ​បទ​ចោទ​ពី​ប៉ុនប៉ង​ឃាត កម្ម មក​បទ​បំផ្លិចបំផ្លាញ​ទ្រព្យសម្បត្ដិ ដោយ​ចេតនា​ក្នុង​បទល្មើស​ម​ជ្ឈឹ​ម​ដែល ប្រឈម​នឹង​ការជាប់​ពន្ធនាគារ​រយៈ​ពេល    ពី​៦​ខែ​ទៅ​២​ឆ្នាំ និង​ពិន័យ​ជា​ប្រាក់​១​ទៅ​៤​លាន​រៀល ដែល​គេ​ដាក់​ភាព​សង្ស័យ ថា អ្វីដែល​ព្រះរាជអាជ្ញា​ប្ដូរ​បទ​ចោទ អាច​នឹង​ពាក់ព័ន្ធ​អំពើពុករលួយ ប្រយោជន៍ លាភសក្ការៈ ហើយ​ប្រភព​ខ្លះ​បាន​ទម្លាយ ថា រឿង​ព្រហ្មទណ្ឌ​នេះ​ក៏​ពាក់ព័ន្ធ​នឹង​អ្នក  មានអំណាច​ក្នុង​ខេត្ដ​ប៉ៃលិន​រត់ការ​សុំ​ការ អន្ដរាគមន៍ ទើប​តំណាង​អយ្យ​ការកែ​សំណុំ រឿង​ប្ដូរ​បទ​ចោទ​ពីបទ​ឧក្រិដ្ឋ​ម​កប​ទម​ជ្ឈឹ​ម បញ្ជូនទៅ​ចៅក្រម​ជំនុំ​ជំ​រះ អាចឈាន ដល់​ការដោះលែង​នាពេលខាងមុខ ។
​គួរ​រំលឹក ថា ការ​ពី​ល្ងាច​ថ្ងៃទី​៣ ខែតុលា ឆ្នាំ​២០១២​កន្លងទៅ​ឈ្មោះ​ពៅ ដា​ណា​បាន​កើតជា​ជម្លោះ​ពាក្យសម្ដី​ជាមួយ​ឈ្មោះ​ផាង ណា​រ៉ា ភេទ​ប្រុស អាយុ ២៤​ឆ្នាំ ខណៈ​ពួកគេ​ធ្វើដំណើរ​លើផ្លូវ​សាធារណ​លេខ​៥៧ ត្រង់ចំណុច​ភូមិ​អូរ ច្រាល​ឆ្ពោះ​មកកាន់​សង្កាត់​-​ក្រុង​ខេត្ដ ប៉ៃលិន ។
​ការ​ទំនាស់​ពាក្យសម្ដី​បានក្លាយ​ទៅជា​កំហឹង​ពុះ​កំរោល​ធ្វើឱ្យ​ឈ្មោះ​ពៅ ដា​ណា ដែល​ត្រូវជា​កូន​ឧកញ៉ា​ឃី ពៅ បើករថយន្ដ​ឡង់​គ្រី​ស័​រ ពាក់​ស្លាក​លេខ​ភ្នំពេញ 2F-0196 ដេញ​បំ​បុក​ប៉ុនប៉ង​សម្លាប់ ឈ្មោះ​ផាង ណា​រ៉ា ដែល​កំពុង​ជិះ​ម៉ូតូ ម៉ាក​ហុងដា​ស៊េរី​ឆ្នាំ​២០១១ ។ សមត្ថកិច្ច​បានបញ្ជាក់​ថា ពៅ ដា​ណា​បាន​បើករថយន្ដ​បំ​បុក​ប៉ុនប៉ង​សម្លាប់​ក្នុង​ចម្ងាយ​ដី​រាប់សិប គីឡូ ហើយ​ជនរងគ្រោះ​ភ័យខ្លាច​ស្លុ​ន​ស្លោ​ក៏​បង្ខំ​ចិ​ត្ដ​បើក​ម៉ូតូ​គេច ចូលក្នុង​បរិវេណ​ស្នងការដ្ឋាន​នគរបាល​ខេត្ដ ក៏​ផ្ដួល​ម៉ូតូ​ចោល​រត់​ឱ្យ​សមត្ថកិច្ច នគរបាល​ដែល​នៅ​ទីនោះ​ជួយ​អន្ដរាគមន៍ ប៉ុន្ដែ ពៅ ដា​ណា ក៏បាន​បើករថយន្ដ​បំ​បុក  ម៉ូតូ​ជនរងគ្រោះ​កម្ទេចចោល​នៅក្នុង  បរិវេណ​ស្នងការដ្ឋាន ទើប​សមត្ថកិច្ច ឃើញ​សកម្មភាព​បទល្មើស​ជាក់ស្ដែង ករណី​ប្រើប្រាស់​រថយន្ដ​បើ​កបំ​បុក​ប៉ុនប៉ង​ឃាតកម្ម​ទៅលើ​ជនរងគ្រោះ ក៏​ឃាត់ខ្លួន​ជនដៃដល់​កសាង​សំណុំរឿង​បញ្ជូនទៅ សាលាដំបូង​ខេត្ដ​ចាត់ការ​បន្ដ​តាម​នីតិវិធី ។​
​ពាក់ព័ន្ធ នឹង​អំពើ​កាច​សាហាវឃោរឃៅ​ដែល ពៅ ដា​ណា បើករថយន្ដ​ដេញ​បំ​បុក​ប៉ុនប៉ង​សម្លាប់​ជនរងគ្រោះ​មិន ត្រឹមតែ​ប្រជាពលរដ្ឋ សមត្ថកិច្ច​ភ្ញាក់ ផ្អើល​ល្បី​ពេញ​ខេត្ដ​ប៉ៃលិន​ប៉ុណ្ណោះ​ទេ ករណីនេះ​អាជ្ញាធរ​ខេត្ដ​ក៏បាន​បញ្ជា​យ៉ាង ម៉ឺងម៉ាត់​ឱ្យ​មន្ដ្រីនគរបាល​យុត្ដិធម៌​ចាត់ ការកសាង​សំណុំរឿង​បញ្ជូន​ជនដៃដល់​ក្នុង​បទឧក្រិដ្ឋ​នេះ​ទៅ​សាលាដំបូង ចាត់ការ តាម​នីតិវិធី ហើយ​តំណាង​អយ្យកា​រលោក ជុំ សែន​សទ្ធា ក៏បាន​ចោទប្រកាន់​ពីបទ ប៉ុនប៉ង​ឃាតកម្ម​តាម​មាត្រា​១៩៩​នៃ​ក្រមព្រហ្មទណ្ឌ ។
​បើទោះជា​ជន​ត្រូវ​ចោទ​តំណាង​អយ្យការ​ធ្វើការ​ចោទប្រកាន់​បទ​ប៉ុនប៉ង​ឃាតកម្ម ហើយ​ប្រឈម​នឹង​ការជាប់​ពន្ធនាគារ  ពី​១០​ទៅ​១៥​ឆ្នាំ​តាម​មាត្រា​១៩៩​នៃ​ក្រមព្រហ្មទណ្ឌ​នោះ​ក៏ដោយ ប៉ុន្ដែ​អាចជា​អំពើ  ពុករលួយ​ណាមួយ​កើតឡើង ទើប​លោក ជុំ សែន​សទ្ធា កែ​សំណុំរឿង​ប្ដូរ​បទ​ចោទ ពីបទ​ប៉ុនប៉ង​ឃាតកម្ម​ដែលជា​បទឧក្រិដ្ឋ មក​បទ​បំផ្លិចបំផ្លាញ​ទ្រព្យសម្បត្ដិ​អ្នកដទៃ​ដោយ​ចេតនា​ជា​បទល្មើស​មជ្ឈិម តាម​មាត្រា​៤១០​នៃ​ក្រមព្រហ្មទណ្ឌ​ជាការ​បន្ធូរ​បន្ថយទោស​ដើម្បី​ឈានដល់ ចៅក្រម​ជំ​រះ​ដោះលែង​ជន​ត្រូវ​ចោទ​នាពេល​ខាងមុខនេះ ។
​ពាក់ព័ន្ធ នឹង​ករណី​តំណាង​អយ្យការ​ប្ដូរ បទ​ចោទ​ពីបទ​ប៉ុនប៉ង​ឃាតកម្ម​មក​បទ​បំផ្លិចបំផ្លាញ​ទ្រព្យសម្បត្ដិ​ដោយ ចេតនា​នេះ កាលពី​ព្រឹក​ថ្ងៃទី​២៥ ខែធ្នូ ឆ្នាំ​២០១៣ លោក​ជុំ សែន​សទ្ធា តាម​ទូរស័ព្ទ​ជាមួយ នគរ​វត្ដ​មិន​បានធ្វើ​អត្ថាធិប្បាយ​អ្វី​ជុំវិញ បញ្ហា​នេះ​ទេ ដោយ​លោក​គ្រាន់តែ​បញ្ជាក់ យ៉ាងខ្លី​ថា​“​ពេលនេះ​ខ្ញុំ​កំពុង​ជាប់​ប្រជុំ​ជាមួយ​មន្ដ្រីនគរបាល យុត្ដិធម៌​ក្នុង​ខេត្ដ ចាំ​ជួបគ្នា​ពេល​ក្រោយ​រួច​ក៏​បិទ​ទូរស័ព្ទ​” ។​
​ប្រសិនបើ ព្រះរាជអាជ្ញា​អម​សាលាដំបូង​ខេត្ដ​ប៉ៃលិន​លោក​ជុំ សែន​សទ្ធា មាន​ចេតនា​កែ​សំណុំរឿង​ប្ដូរ​បទ​ចោទ ប្រកាន់​ពីបទ​ឧក្រិដ្ឋ​មក​បទល្មើស​ម​ជ្ឈឹ​ម  ផ្ទុយ​ពី​សកម្មភាព​ទង្វើ​របស់​ជន​ត្រូវ​ចោទ ប្រ​ព្រឹ​ត្ដ​ធ្វើ​សកម្មភាព​បើករថយន្ដ​ដេញ បំ​បុក​សម្លាប់​ទៅលើ​ជនរងគ្រោះ​ជា​បទ  ល្មើស​ជាក់ស្ដែង​នៅ​ចំពោះមុខ​មន្ដ្រី​នគរ  បាល​យុត្ដិធម៌ និង​ទីតាំង​ជន​ត្រូវ​ចោទ បាន​ប្រ​ព្រឹ​ត្ដ​នៅក្នុង​បរិវេណ​ស្នងការដ្ឋាន  នគរបាល​ខេត្ដ ហើយ​នគរបាល​បាន​ឃាត់ ខ្លួន​ជនដៃដល់​កំពុង​ប្រ​ព្រឹ​ត្ដបទ​ល្មើស​ជាក់ ស្ដែង​បែបនេះ ថា​តើ​ថ្នាក់លើ​នឹងមាន  វិធានការ​បែបណា​ចំពោះ​ការ​អនុវត្ដ​ខុស   ពី​នីតិវិធី​?
​ពាក់ព័ន្ធ​ករណីនេះ​លោក​អ៊ុក សាវុធ  អគ្គព្រះរាជអាជ្ញា​សាលាឧទ្ធរណ៍​តាម​ទូរ ស័ព្ទ​កាលពី​ព្រឹក​ថ្ងៃទី​២៥ ខែធ្នូ ឆ្នាំ​២០១៣ តាម​ទូរស័ព្ទ​ជាមួយ​នគរ​វត្ដ​លោក​ពុំទាន់ បាន​ជ្រាប​រឿងនេះ ហើយក៏​កំពុង​ជាប់រវល់ ក៏​បិទ​ទូរស័ព្ទ ។
​កូន​ឧកញ៉ា ឃី ពៅ មិន​ត្រឹមតែ​បាន​ប្រ​ព្រឹ​ត្ដបទ​ល្មើស​ព្រហ្មទណ្ឌ​ជា​លើក​ទី​១​នោះទេ ពួកគេ​ធ្លាប់​ប្រ​ព្រឹ​ត្ដបទ​ល្មើស​បង្ក របួសស្នាម​នៅ​រាជធានី​ភ្នំពេញ ហើយ លោក​ឧកញ៉ា​ឃី ពៅ តែងតែ​ចំណាយ ប្រាក់​ដើម្បី​អន្ដរាគមន៍​ឱ្យមាន​ការ​ដោះ លែង​ដូចជា​គ្រានេះ កូនប្រុស ពៅ ដា​ណា បាន​ប្រ​ព្រឹ​ត្ដបទ​ល្មើស​ព្រហ្មទណ្ឌ​បើករថយន្ដ​បំ​បុក​សម្លាប់​គូសត្រូវ ល្បី​ពេញ​ខេត្ដ​ប៉ៃលិន ហើយ​សមត្ថកិច្ច​នគរ​បាល​ឃាត់ ខ្លួន​ក្នុង​បទល្មើស​ជាក់ស្ដែង ដែល​តំណាង  អយ្យការ​ចោទប្រកាន់​ពីបទ​ប៉ុនប៉ង​ឃាត កម្ម​តាម​មាត្រា​១៩៩​នៃ​ក្រមព្រហ្មទណ្ឌ ជិត​ដល់​ថ្ងៃ​បញ្ជូនទៅ​ចៅក្រម​ជំនុំ​ជំ​រះ ប្រឈម​នឹង​ការជាប់​ពន្ធនាគារ​ពី​១០​ទៅ ១៥​ឆ្នាំ បែរជា​មាន​អ្នក​អន្ដរាគមន៍​ដែល ល្បី​ថា​អ្នកធំ​នៅក្នុង​ខេត្ដ​ប៉ៃលិន​ឈានដល់ កែ​សំណុំរឿង ហើយ​ព្រះរាជអាជ្ញា​អម សាលាដំបូង​ខេត្ដ​លោក​ជុំ សែន​សទ្ធា​ប្ដូរ  បទ​ចោទ​ពីបទ​ឧក្រិដ្ឋ​មក​បទ​បំផ្លិចបំផ្លាញ  ទ្រព្យសម្បត្ដិ​ដោយ​ចេតនា​តាម​មាត្រា ៤១០​នៃ​ក្រមព្រហ្មទណ្ឌ​ប្រឈម​ជាប់ពន្ធ នាគារ​រយៈពេល​៦​ខែ​ទៅ​២​ឆ្នាំ ពិន័យ​ជា​ប្រាក់​១​លាន​ទៅ​៤​លាន​រៀល ដើម្បីឱ្យ មានការ​ដោះលែង​សម្រាប់​នាពេល​ខាង មុខ​នោះ​ទៅវិញ ។ ចំណុច​នេះហើយ​ដែល គេ​រិះគន់ថា អំណាច​ទឹកប្រាក់​បើទោះជា​ស្ថាប័ន​តុលាការ​ឯករាជ្យ​ក៏​នៅតែ​ឋិត ក្រោម​អំពើពុករលួយ អាច​នឹងធ្វើ​ឱ្យ​ជន​ប្រ​ព្រឹ​ត្ដបទ​ល្មើស​មិន​រាងចាល និង​បង្កបញ្ហា​ដ៏​អាក្រក់​ប៉ះពាល់​ដល់​សង្គមជាតិ​កាន់តែ​ធ្ងន់ធ្ងរ ដូច្នេះ​ថ្នាក់លើ​គួរ​ស៊ើប  អង្កេត​តាមដាន​ធ្វើ​អធិការកិច្ច ហេតុអ្វី បានជា​ព្រះរាជអាជ្ញា​អម​សាលាដំបូង​ខេត្ដ ប៉ៃលិន​ប្ដូរ​បទចោទប្រកាន់​ពីបទ​ប៉ុនប៉ង ឃាតកម្ម​មក​បទ​បំផ្លិចបំផ្លាញ​ដោយ ចេតនា​ឬមួយ​ពាក់ព័ន្ធ​នឹង​អំពើពុករលួយ​? ៕

Copyright © 2010-2021 · អរិយធម៌ · All Rights Reserved.
Develop by Sek Sathya