ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» ព័ត៌មានជាតិ » ម៉ូតូ​៤​គ្រឿង ​បុក​គ្នា​ពីរ​កន្លែង​ស្លាប់​១​របួស​៧ ​

ម៉ូតូ​៤​គ្រឿង ​បុក​គ្នា​ពីរ​កន្លែង​ស្លាប់​១​របួស​៧ ​

កណ្ដាល ៖ យ៉ាងហោចណាស់​មនុស្សម្នា​ក់បាន​ស្លាប់​ភ្លាមៗ នៅ​កន្លែងកើតហេតុ និង​មនុស្ស​៧​នាក់​ទៀត បាន​រងរបួស​ធ្ងន់ និង​ស្រាល ដោយសារ​គ្រោះថ្នាក់​ចរាចរណ៍​នៅ​ពីរ​កន្លែង​ផ្សេងគ្នា​រវាង​ម៉ូតូ​បុក​ជាមួយ​ម៉ូតូ​។ ហេតុការណ៍​គ្រោះថ្នាក់​ចរាចរណ៍​ទី​១ បាន​កើតឡើង​នៅតាម​បណ្ដោយ​ផ្លូវជាតិ​លេខ​៤ ស្ថិត នៅ​ភូមិ​ចក ឃុំ​បែក​ចាន ស្រុក
​អង្គស្នួល ខេត្ដ​កណ្ដាល ចន្លោះ​គីឡូម៉ែត្រ​លេខ ២៣-២៤ កាលពី​ព្រលប់​ថ្ងៃទី​២១ ខែធ្នូ ឆ្នាំ​២០១៣ បណ្តាលឱ្យ​បុរស​ម្នា​ក់បាន​ស្លាប់ នៅនឹងកន្លែង រីឯ​បុរស​ម្នាក់ទៀត​រងរបួស​។​
​ជន​រង គ្រោះ​ដល់​ជីវិត​ត្រូវបាន​គេ ស្គាល់ឈ្មោះ ឃួន វ៉ារិន អាយុ​២៦​ឆ្នាំ មានមុខរ​បរជា​កម្ម​ករ​រោងចក្រ​មាន ទីលំនៅ​ភូមិ​ស្នួល​ជ្រុំ ឃុំ​ទឹកល្អក់ ស្រុក​គង ពិសី ខេត្ដ​កំពង់ស្ពឺ ។ ជនរងគ្រោះ​បាន ធ្វើដំណើរ​តាម​ម៉ូតូ​ម៉ាក​ហុងដា​សេ​១២៥ ពណ៌​ខ្មៅ ពាក់​ស្លាក​លេខ​ភ្នំពេញ 1AG-1769 ។ មុន​ជួប​គ្រោះថ្នាក់​ជនរងគ្រោះ បាន​បើក​ម៉ូតូ​ក្នុងទិសដៅ​ពី​កើ​តទៅ
​លិច លុះ​មកដល់​ចំណុចកើតហេតុ​ខាងលើ បាន​ជ្រុល​ទៅបុក​ជាមួយ​ម៉ូតូ​មួយគ្រឿង ម៉ាក​SOCO ពណ៌​ស ពាក់​ស្លាក​លេខ 88 H4-0985 បើកបរ​ដោយ​ជនបរទេស ឈ្មោះ BenJamin salivan ភេទ​ប្រុស អាយុ​២៥​ឆ្នាំ ជនជាតិ New Zealand បច្ចុប្បន្ន​ស្នាក់នៅ​ភ្នំពេញ​បាន​បើកបរ ពី​លិចទៅ​កើត​ក្នុងទិសដៅ​បញ្ច្រាស​គ្នា​។​
​ក្រោយ កើតហេតុ​ម៉ូតូ​ជនបរទេស​និង អ្នកបើកបរ​ត្រូវបាន​នាំខ្លួន​ទៅ​សាកសួរ នៅ​អធិការដ្ឋាន​នគរបាល​ស្រុក​អង្គស្នួល ហើយ​ម៉ូតូ​ដែល​ពាក់ព័ន្ធ​បង្ក​គ្រោះថ្នាក់ ទាំង​២​គ្រឿង​បាន​យកទៅ​រក្សាទុក​នៅ​អធិការដ្ឋាន​នគរបាល​ស្រុក​អង្គស្នួល​បន្ទាប់ពី​វាស់វែង ។​
​ដោយឡែក ករណី​គ្រោះថ្នាក់​ចរាចរ​ទី​ពីរ បាន​កើតឡើង​ស្រដៀង​គ្នា​ខាងលើ​នេះដែរ នៅលើ ផ្លូវជាតិ​លេខ​២ ចន្លោះ​គីឡូម៉ែត្រ​២២-២៣ ស្ថិតនៅ​ភូមិ​ប៊ុណ្ណា ឃុំ​ព្រះពុទ្ធ ស្រុក កណ្ដាលស្ទឹង កាលពី​ថ្ងៃទី​២១ ខែធ្នូ ឆ្នាំ​២០១៣ វេលា​ម៉ោង​៣​រសៀល តែ​មិន បង្កឱ្យមាន​អ្នកស្លាប់​នោះទេ ។ ទោះជា មិនមាន​អ្នកស្លាប់​ក៏ដោយ​តែ​គេ​ដឹងថា មនុស្ស​៦​នាក់
​បាន​រងរបួស​ធ្ងន់​ស្រាល ហើយ​ត្រូវបាន​បញ្ជូនទៅ​សង្គ្រោះ​ភ្លាមៗ ផងដែរ ។​
​យោងតាម របាយការណ៍​នគរបាល​ចរាចរ​ស្រុក​កណ្ដាលស្ទឹង​ឱ្យដឹងថា ម៉ូតូ​មួយគ្រឿង​ម៉ាក​ហុងដា​សេ​១២៥ ពាក់ ស្លាក​លេខ​ភ្នំពេញ​1BY-2078 បើកបរ ដោយ​ឈ្មោះ ហេង តុលា ភេទ​ប្រុស អាយុ​៣៤​ឆ្នាំ រស់នៅ​ភូមិ​ព្រែក​អ​ង្គុ​ញ ឃុំ សៀមរាប ស្រុក​កណ្ដាលស្ទឹង ។ មុន កើតហេតុ​បាន​បើកបរ​ក្នុងទិសដៅ​ពី​ត្បូង​ទៅ​ជើង និង​មាន​អ្នករួមដំណើរ​២​នាក់
ទៀត​ឈ្មោះ សាត ម៉ូ​លីកា ភេទ​ស្រី អាយុ ២៣​ឆ្នាំ និង​ទី​២.​ឈ្មោះ ពិន ស៊ី​មន ភេទ ស្រី អាយុ​៦៧​ឆ្នាំ អ្នក​ទាំង​២​រស់នៅ​ភូមិ -​ឃុំ​ជាមួយនឹង​អ្នកបើកបរ​ឈ្មោះ ហេង តុលា ។ ចំណែក​ម៉ូតូ​មួយគ្រឿង​ទៀត ម៉ាក​ហុងដា​សេ​១២៥ ពណ៌​ខ្មៅ ពាក់ ស្លាក​លេខ​តាកែវ 1F-6858 បើកបរ ដោយ​ឈ្មោះ យ៉េន ហ៊​ន  ភេទ​ប្រុស អាយុ ២៧​ឆ្នាំ ដោយមាន
​អ្នករួមដំណើរ​២​នាក់ ទី​១.​ឈ្មោះ ភួង ផន ភេទ​ប្រុស អាយុ​៦៧​ឆ្នាំ និង​ទី​២.​ឈ្មោះ ភួង ធា​រី ភេទ​ស្រី អាយុ​២៥​ឆ្នាំ អ្នក​ទាំង​៣​រស់នៅ​ភូមិ​ក្រាំង ពោធិ៍ ឃុំ​ពត់​សរ ស្រុក​បាទី ខេត្ដ​តាកែវ ។ មុន​កើតហេតុ​អ្នក​ទាំង​៣​ធ្វើដំណើរ​តាម ម៉ូតូ​មួយគ្រឿង​ពី​ជើង​ទៅ​ត្បូង ។
​តាម របាយការណ៍​នគរបាល​បាន បញ្ជាក់ថា មុន​កើតហេតុ​ម៉ូតូ​ហុងដា សេ​១២៥​បាន​បើក​ចេញពីផ្ទះ​ឆ្ពោះ​មក រាជធានី​ភ្នំពេញ លុះ​ពេលមកដល់​ចំណុច កើតហេតុ​បាន​ប៉ះទង្គិច​ជាមួយ​ម៉ូតូ​ហុងដា​សេ​១២៥ ពាក់​ស្លាក​លេខ​តាកែវ ខណៈដែល​ម៉ូតូ​នេះ​បាន​បើក​ចេញពី​មន្ទីរពេទ្យ​ក្នុង​រាជធានី​ភ្នំពេញ​បំណង មក​ផ្ទះ នៅ​ឃុំ​ពត់​សរ ។
​ក្រោយ កើតហេតុ​សមត្ថកិច្ច​បា​ន បញ្ជូន​ជនរងគ្រោះ​របួសធ្ងន់​ស្រាល​ទាំង​៦​នាក់​ទៅកាន់​មន្ទីរពេទ្យ​ហើយ ម៉ូតូ​ទាំង​២​គ្រឿង​ត្រូវបាន​យកទៅ​រក្សាទុក​នៅ អធិការដ្ឋាន​ស្រុក​កណ្ដាលស្ទឹង​ដើម្បី​រង់ ចាំ​ដោះស្រាយ​ជា​ក្រោយ ៕ ដោយ​៖ ដាំ ជា

Copyright © 2010-2021 · អរិយធម៌ · All Rights Reserved.
Develop by Sek Sathya