ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||     រោងសិប្បកម្ម របស់ឈ្មោះ សេង អត់ច្បាប់ដ៏ធំសម្បើមមួយកន្លែង សមត្ថកិច្ចមិនដែលបង្ក្រាប​  ||     ល្បែងស៊ីសងកើតឡើងយ៉ាងរាលដាល ស្រុកត្បូងឃ្មុំ សមត្ថកិច្ចមិនបង្ក្រាប​  ||   

» Breaking News, ព័ត៌មានជាតិ » ប្រធាន​មន្ទីរ​ឧស្សាហ៍កម្ម​រ៉ែ ឃុបឃិត​ជាមួយ​មេ​ឈ្មួញ សេង សានិ​ត លួច​បូម​ខ្សាច់​ ​

ប្រធាន​មន្ទីរ​ឧស្សាហ៍កម្ម​រ៉ែ ឃុបឃិត​ជាមួយ​មេ​ឈ្មួញ សេង សានិ​ត លួច​បូម​ខ្សាច់​ ​

កំពង់ចាម ៖ លោក សេង សានិ​ត ប្រធាន​ឧស្សាហកម្ម​រ៉ែ និង​ថាមពល ខេត្តកំពង់ចាម ត្រូវបាន​គេ​ដឹងថា​ជា​ម្ចាស់​ទីតាំង​បូម​ខ្សាច់​និង​ជា​ម្ចាស់​ដេប៉ូ​ខ្សាច់​ដ៏​ធំ​ក្នុង​ក្រុង​កំពង់ចាម​ហើយ​គាត់​បាន​បំពាន​ទៅនឹង​ផ្លូវច្បាប់​លួច​បូម​ដោយ​មិនមាន​ច្បាប់​អនុញ្ញាត ពី​ក្រសួង​ឧស្សាហកម្ម រ៉ែ​និង​ថាមពល និង​ក្រសួង​ធនធានទឹក និង​ឧតុនិយម​ទេ ។​
​ទីតាំង​បូម​ខ្សាច់​ដែល​ស្ថិតនៅ​ចំណុច​ភូមិ​ទី​២ សង្កាត់​វាលវង់​ក្រុង​-​ខេត្ដ​កំពង់ចាម​បានធ្វើ​អាជីវកម្ម​បូម​ដោយ​គ្មាន​ច្បាប់​អនុញ្ញាត ពី​ស្ថាប័ន​ជំនាញ​និង​បណ្ដាលឱ្យ​បាក់​ច្រាំង​ប៉ះពាល់​ដល់​លំនៅឋាន​របស់​ប្រជា ពលរដ្ឋ​ជា​ញឹកញាប់​ផងដែរ ។​
​លោក សួន ឌី ប្រធាន​មន្ទីរ​ឧស្សាហកម្ម រ៉ែ​និង​ថាមពល​ខេត្ដ​កំពង់ចាម​បាន​និយាយថា​ការពិត​ការធ្វើ​អាជីវកម្ម​បូម​ខ្សាច់​របស់លោក សេង សានិ​ត ពីមុន​មានច្បាប់​អនុញ្ញាត​មែន​ប៉ុន្ដែ​ក្រោយមក​ការ​បូម​ខ្សាច់​ត្រូវ​ស្នើសុំ​ការអនុញ្ញាត​ពី​គណៈកម្មាធិការ​គ្រប់គ្រង​ធនធាន​ខ្សាច់​នៃ​ក្រសួង​ធនធាន ទឹក និង​ឧតុនិយម ។​
​លោក សួន ឌី បន្ដ ថា “​ខ្ញុំ​បានត្រឹមតែ​ដឹងថា​លោក សេង​សានិ​ត ដាក់​ច្បាប់​ទៅ​គណៈកម្មាធិការ​គ្រប់គ្រង​ធនធាន​ខ្សាច់​រួចហើយ តែ​មិនទាន់​អនុ ញ្ញាត​នៅឡើយ ។​ដោយឡែក​មន្ដ្រី ជំនាញ​ក្នុង​មន្ទីរ​នេះ​បាន​និយាយថា លោក សេង​សានិ​ត គាត់​បាន​បំពាន​ទៅនឹង​ផ្លូវច្បាប់ ពីព្រោះ​ខាង​ក្រសួង​ធនធានទឹក​មិនទាន់ អនុញ្ញាត​ច្បាប់​ផង​បែរជា​លួច​ធ្វើ
​អាជីវកម្ម ។​លោក ចាន់ យុ​ត្ថា នាយខុទ្ទកាល័យ​និង​ជា​អ្នកនាំពាក្យ​ក្រសួង​ធនធានទឹក និង​ឧតុនិយម​ធ្លាប់មាន​ប្រសាសន៍ថា ការ​បូម​ខ្សាច់​ត្រូវបាន​សម្ដេច​តេ​ជោ ហ៊ុន សែន​ចេញ​សារាចរ​ហាមឃាត់​មិន អនុញ្ញាត​ឱ្យធ្វើ​អាជីវកម្ម​នោះឡើយ ។​
​លោក លន់ លឹម​ថៃ អភិបាល​នៃ​គណៈ​អភិបាលខេត្ដ​កំពង់ចាម​បាន​មាន ប្រសាសន៍​ប្រាប់ថា​បើតាម​ខ្ញុំ​ដឹង​ឈ្មោះ សេង សានិ​ត កន្លងទៅ​គាត់​មានតែ​ច្បាប់​អាជីវកម្ម​ដេប៉ូ ខ្សាច់​តែប៉ុណ្ណោះ​បើ​មាន​ករណី​បូម​ខ្សាច់ តាម​ទន្លេ​ខ្ញុំ​នឹង​ឱ្យ​មន្ដ្រី​ជំនាញ​ចុះទៅ ពិនិត្យមើល​ដោយផ្ទាល់​ដើម្បី​មាន​វិធាន ការ​ទៅតាម​ផ្លូវច្បាប់ ។​
​ពាក់ព័ន្ធ​នឹង​ករណី​ធ្វើ​អាជីវកម្ម​បូម ខ្សាច់​ខុសច្បាប់​លោក​សេង សានិ​ត បាន បញ្ជាក់ថា គាត់​មានច្បាប់​អនុញ្ញាត​ពី​ក្រសួង​ឧស្សាហកម្ម រ៉ែ និង​ថាមពល តាំងពី​ឆ្នាំ​២០០៩​ដែលមាន​រយៈពេល ៧​ឆ្នាំ ប៉ុន្ដែ​មិនទាន់​មានច្បាប់​ពី​គណៈកម្មាធិការ​គ្រប់គ្រង​ធនធាន​ខ្សាច់​នៃ​ក្រសួង​ធន ធាន​ទឹក​និង​ឧតុនិយម​នៅឡើយ​ទេ ។​
​កាលពី​ពាក់កណ្ដាល​ខែកញ្ញា ឆ្នាំ ២០០៩ ក្រសួង​ឧស្សាហកម្ម រ៉ែ​និង ថាមពល​បានត្រឹមតែ​ចេញ​លិខិត​លេខ ១៩៥៣ ឧរ​ថ​-​សរ​-​លស​ទៅ​លោក​រដ្ឋ មន្ដ្រី​ក្រសួង​ធនធានទឹក និង​ឧតុនិយម​និង​ជា​ប្រធាន​គណៈកម្មាធិការ​គ្រប់គ្រង ធនធាន​ខ្សាច់​ប៉ុន្ដែ​ក្រសួង​ធនធានទឹក មិនទាន់មាន​ការអនុញ្ញាត​នៅឡើយ​តែ​បែរជា​លោក សេង សានិ​ត
នៅតែ​គគ្លើន​លួច​ធ្វើ​អាជីវកម្ម​បូម​ខ្សាច់ បន្ទាប់ពី​មាន​ករណី​ឃុបឃិត​គ្នា​ជាមួយ​មន្ទីរ​ឧស្សាហកម្ម រ៉ែ​និង​ថាមពល​ខេត្ដ​។ ករណីនេះ តើ​សាមីក្រសួង​ឧស្សាហកម្ម​រ៉ែ និង​ថាមពល​ផ្ទាល់​មាន​ចាត់វិធានការ​យ៉ាងណា​ចំពោះ​មន្ត្រី​ខិលខូច ដូច​លោក សួន ឌី នេះ​?៕ ដោយ​៖ នាយ​ក្អែកខ្មៅ​

Copyright © 2010-2021 · អរិយធម៌ · All Rights Reserved.
Develop by Sek Sathya