កណ្តាល៖ កាលពីថ្ងៃទី២០ ខែ ធ្នូ ឆ្នាំ ២០១៣ បានចុះបង្ក្រាបបទល្មើស ដោយបំផ្លាញរបាំងស្បៃមុងរាប់ពាន់ម៉ែត្រ។ ប្រតិបត្តិការបង្ក្រាបបទល្មើសនេសាទនេះ បានធ្វើឡើងទៅតាមផែនការ និងការ ចង្អុលបង្ហាញពីលោក ណៅ ធួក ប្រធានរដ្ឋបាលជលផល នៃក្រសួងកសិកម្ម រុក្ខាប្រមាញ់និងនេសាទ និងការ ណែនាំផ្ទាល់របស់លោក ផៃ ប៊ុន
ឈឿន អភិបាលខេត្តកណ្តាល។
ការចុះបង្ក្រាបបទល្មើសនេសាទនេះ បានធ្វើឡើង ដោយបែងចែកជា ច្រើនក្រុម រួមមានការប្រើប្រាស់ មធ្យោបាយកាណូតចំនួន បីគ្រឿង និងកម្លាំងសរុបប្រមាណ ៣០នាក់ ដោយចុះ រុះរើបោសសំអាត ឧបករណ៍ស្បៃមុង និងរបាំងចាប់ត្រីកាត់ទទឹងព្រែក ដែលបង្កឲ្យរាំងស្ទះជលយាន និងការធ្វើ ចរាចរហ្វូងត្រី។
សមត្ថកិច្ចចម្រុះនៅទីនោះបានឲ្យដឹងថា អ្នកនេសាទមួយ ចំនួនតូចនៅតែចចេសរឹងរូសប្រើប្រាស់ឧបករណ៍ខុស ច្បាប់ដូចជាស្បៃមុង អាគុយឆក់ត្រី ដែលច្បាប់បានហាមឃាត់ទាំងក្នុងរដូវបិទនេសាទ ទាំងក្នុងរដូវបើកនេសាទ និងចាត់ទុកជាករណីបទល្មើស ក្នុងនោះ អ្នកប្រព្រឹត្តត្រូវទទួលទោសជាធរមាន។
ជាលទ្ធផលនៅក្នុងប្រតិបត្តិការនេះ សមត្ថកិច្ចបានរុះរើឧបករណ៍ ល្មើសយកមកដុតកម្ទេចចោលនៅនឹងកន្លែង រួមមាន របាំងស្បៃមុង កាត់ទទឹងព្រែកចំនួន ៦របាំងប្រវែង ៣០០ម៉ែត្រ សៃយ៉ឺនស្បៃមុងចំនួន ៧០មាត់ របាំងស្បៃ មុងសរុបប្រវែង ២.៧០០ម៉ែត្រ និងបង្គោលរបាំង ចំនួន ១.៥០០ដើម៕
» ព័ត៌មានជាតិ » នៅស្រុកពញាឮ រដ្ឋបាលជលផល ចុះរុះរើស្បៃមុង
