ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីព្រៃលិចទឹក រាប់រយហិកតា កំពុងទទួលរងនូវការបាត់បង់អស់ទាំងស្រុង ពីសំណាក់អ្នកមានលុយ មានអំណាចឃុបឃិតគ្នា​  ||     ព្រះរាជអាជ្ញារងចេញដីកាបង្គាប់ឲ្យ​កម្លាំង​សមត្ថកិច្ចឃាត់ខ្លួនឧកញ៉ាក្លែងក្លាយ រឿងលុយ៣០ម៉ឺនដុល្លារ ហើយមានអ្នក​ប្រុងរត់ការដោះលែង នៅកំពង់ស្ពឺ​  ||     បទល្មើស​នេសាទ​ជា​ប្រភព​ចំណូល ​របស់​ប្រធាន​មន្ទីរ​កសិកម្ម​និង​មេ​រដ្ឋបាល​ជលផល​ខេត្តកំពង់ឆ្នាំង ​​  ||     មេ​ឈ្មួញ ស៊ា​ម គឹម​ទឹម បន្តសកម្មភាព​ដឹកជញ្ជូន​ឈើ​ចេញពី​ឃុំ​ក្បាលដំរី ស្រុក​សំបូរ យ៉ាង​គឃ្លើន?​  ||     ប្រធានមន្ទីរកសិកម្មខេត្តកោះកុងលក់ដីរដ្ឋជាង១០ហិកតា?​  ||   

» ព័ត៌មានជាតិ » ក្មេងស្រី​ម្នាក់​បាន​បាត់​ខ្លួន​ក្នុង​ទឹក បន្ទាប់ពី​ជិះ​អូប័រ​ជាមួយ​ក្រុមគ្រួសារ ហើយ​អូប័រ​នោះ​លិច ស្វែងរក​កុមារ​រងគ្រោះ​មិនទាន់​ប្រទះឃើញ នៅ​កំពត

ក្មេងស្រី​ម្នាក់​បាន​បាត់​ខ្លួន​ក្នុង​ទឹក បន្ទាប់ពី​ជិះ​អូប័រ​ជាមួយ​ក្រុមគ្រួសារ ហើយ​អូប័រ​នោះ​លិច ស្វែងរក​កុមារ​រងគ្រោះ​មិនទាន់​ប្រទះឃើញ នៅ​កំពត

កំពត៖ កាលពី​យប់​ថ្ងៃទី១០ ខែតុលា ឆ្នាំ២០១៨ ហេតុការណ៍​នេះ បាន​កើតឡើង​ក្នុងភូមិ​បត់​ក្បាលដំរី ឃុំ​មាក់ប្រាង ស្រុក​ទឹកឈូ ជាទី​នៃ​បណ្តុំ​តំបន់​ទេសចរណ៍​ទឹកឈូ។ កុមារី​រងគ្រោះ​ឈ្មោះ វ៉ា​វ អេ​ន​ជី អាយុ ៨ឆ្នាំ មាន​ទីលំនៅ​សង្កាត់​ចោមចៅ​ទី១ ខណ្ឌ​ពោធិ៍​សែន​ជ័យ រាជធានី​ភ្នំពេញ។

ប្រភព​ដដែល​បាន​រៀបរាប់ថា​នៅ​រសៀល​ថ្ងៃទី១០ ខែតុលា ឆ្នាំ២០១៨ អ្នក​ភ្នំពេញ​មួយ​គ្រួសារ​មាន​គ្នា​ប្រាំ​បីនាក់​បានមក​ដល់ក​ន្លែ​ង​កម្សាន្ត​ជិះ​ខ្សែ​រ៉​ត និង​បន្ត​ដោយ​ជិះ​អូប័រ​ក្នុង​ដំណើរ​ទៅ​ជួប​សួរសុខទុក្ខ​សាច់ញាតិ​នៅ​ភូមិ​មាត់ពាម ឃុំ​មាក់ប្រាង​ស្ថិតនៅ​ត្រើយ​ខាងជើង។ លុះដល់​ម៉ោង​ប្រហែល៧ និង៣០នាទី​យប់​ថ្ងៃ​ដដែល ភ្ញៀវ​ទាំងនោះ​ក៏​វិល​ត្រឡប់មកវិញ​ដោយ​ជិះ​អូប័រ​ដដែល។ ចៃដន្យ​គ្រាន់តែ​ដល់​ត្រឹម​ពាក់​កណ្តាលស្ទឹង អូប័រ​បាន​លិច​ធ្វើឱ្យ​អ្នកដំណើរ​ស្រែក​ទ្រហឹងអឺងកង ឮ​ដល់​អ្នកជិតខាង​ទើប​ប្រញាប់ប្រញាល់​នាំគ្នា​យក​ទូក​ម៉ាស៊ីន​មកជួយ​សង្គ្រោះភ្លាមៗ ហើយ​ស្រង់​បាន​មនុស្ស​ប្រាំ​បីនាក់​រួមទាំង​អ្នកបើក​អូប័រ ដោយ​បាត់​កុមារី​វ័យ៨ឆ្នាំ​ម្នាក់។មន្ត្រីនគរបាល​ដដែល​បាន​បញ្ជាក់ថា រហូតមកដល់​ម៉ោង៣ និង៣០នាទី រសៀល​ថ្ងៃទី១១ ខែតុលា ឆ្នាំ២០១៨ ការ​តាម​ស្វែងរក​កុមារ​រងគ្រោះ​មិនទាន់​ប្រទះឃើញ​នៅឡើយ​ទេ៕

Copyright © 2010-2019 · អរិយធម៌ · All Rights Reserved.
Develop by Sek Sathya