ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីព្រៃស្រោងនិងព្រៃសហគមន៍រាប់រយរាប់ពាន់ហិកតា ត្រូវបានគ្រឿងចក្រត្រាកទរ័D60ជាច្រើនគ្រឿង របស់អ្នកមានអំណាចប្រចាំខេត្តរតនគិរី និងអាជ្ញាធរស្រុកតាវែង ឃុបឃិតគ្នាជាប្រព័ន្ធ ធ្វើការឈូសឆាយយកធ្វើជាកម្មសិទ្ធ​  ||     ខ្លាំងបាត់ ! ស្ងាត់ៗ ដីសមូហភាព៤ហិកតា ក្នុងវត្តចំបក់បីដើម ត្រូវបានក្រុមជន លោភលន់ ៣គ្រួសារ បំពានយកជាកម្មសិទ្ធិផ្ទាល់ខ្លួនអស់ហើយ​  ||     ពិតជាកក្រើកណាស់ នៅលើទឹកដីស្រុកកំពង់លែង ដែលអ្នកមានលុយមានអំណាច នៅតែបន្តឆ្លៀតឱកាសរំលោភយកដីរដ្ឋ ស្រួលជាងប្លន់ដីរាស្ត្រ​  ||     លាក់ព័ត៌មានមិនជិតទេ ! ភ្ញាក់ផ្អើល ករណីបាញ់បុរសម្នាក់ធ្លាយដៃ ត្រូវបានដាក់ពាក្យបណ្តឹង នៅប៉េអឹមរកយុត្តិធម៌ ដោយខាងប៉ូលីស មិនទទួលយកពាក្យបណ្តឹង លោក ឧត្តមសេនីយ៍ទោ ជួន ណារិន ដែលលោកតែងតែគោរពនិងស្រឡាញ់ ប្រជាពលរដ្ឋ និងមានវិធានការយ៉ាងណា ចំពោះកូនចៅក្រោមឱវាទ​  ||     ប្រជាពលរដ្ឋ ក៏ដូចជាមន្ត្រីរាជការ និងអ្នកសារព័ត៌មាន ក្នុងប្រទេសកម្ពុជា ទាំងមូល សូមសំណូមពរដល់ ឯកឧត្តម ឱម យិនទៀង ប្រធាន​អង្គភាពប្រឆាំងអំពើពុករលួយ​ សូមមេត្តាស្រាវជ្រាវដាក់ការស៊ើបអង្កេតរឿងនេះផង​  ||   

» ព័ត៌មានជាតិ » ដោយសារ​រឿង​គំនុំ ក្លាយជា​ហិង្សា​ដាក់គ្នា រងរបួស​ធ្ងន់​ស្រាល​ទាំងសងខាង ៨នាក់ នៅ​ស្វាយរៀង

ដោយសារ​រឿង​គំនុំ ក្លាយជា​ហិង្សា​ដាក់គ្នា រងរបួស​ធ្ងន់​ស្រាល​ទាំងសងខាង ៨នាក់ នៅ​ស្វាយរៀង

ខេត្តស្វាយរៀង៖ កាលពី​វេលា​ម៉ោង៧យប់ ថ្ងៃទី១០ ខែតុលា ឆ្នាំ២០១៨ ជនសង្ស័យ៤នាក់ ត្រូវបាន​សមត្ថកិច្ច​មូល​ដ្ឋា​ន​ឃាត់ខ្លួន បន្ទាប់ពី​ជិះ​ម៉ូតូ៣គ្រឿង មកដល់​ផ្ទះ​ជនរងគ្រោះ រួច​ប្រើ​ហិង្សា​កាប់​ទៅលើ​ជនរងគ្រោះ បណ្ដាល​ឲ្យ​រងរបួស​ធ្ងន់​ស្រាល៥នាក់ ស្ថិតនៅ​ភូមិ​ក្រសាំង​ជ្រំ ឃុំ​គ្រួស ស្រុក​ស្វាយជ្រំ ដោយសារ​មាន​គំនុំ​រឿង​វាយ​កូន​របស់​ជនសង្ស័យ ។

ជនរងគ្រោះ​ទាំង៥នាក់ មានឈ្មោះ គង់ សឿន ភេទ​ស្រី អាយុ៤៥ឆ្នាំ មុខរបរ​លក់ដូរ, ឈ្មោះ ស៊ុំ សំ​អូន ភេទ​ប្រុស អាយុ៣៣ឆ្នាំ, ឈ្មោះ ស៊ុំ សំអាត ភេទ​ស្រី អាយុ៣១ឆ្នាំ, ឈ្មោះ ស៊ុំ ភេទ​ប្រុស អាយុ២៩ឆ្នាំ និង​ឈ្មោះ មែ​ង តុង ភេទ​ប្រុស អាយុ១៩ឆ្នាំ អ្នក​ទាំង៥ មាន​ទីលំនៅ​ភូមិ​ក្រសាំង​ជ្រំ ឃុំ​គ្រួស ស្រុក​ស្វាយជ្រំ ខេត្តស្វាយរៀង ។

ចំណែក​ជនសង្ស័យ​ទាំង៤នាក់​មានឈ្មោះ សុខ ជៀន ភេទ​ប្រុស អាយុ៣៥ឆ្នាំ រស់នៅ​ភូមិ​ត្រោក ឃុំ​គ្រួស ស្រុក​ស្វាយជ្រំ (អ្នក​កាន់​ដាវ), ឈ្មោះ ឌី សូត្រ ភេទ​ប្រុស អាយុ២៥ឆ្នាំ រស់នៅ​ភូមិ​ត្រោក ឃុំ​គ្រួស ស្រុក​ស្វាយជ្រំ (ដៃ​កាន់​ដែក) ឈ្មោះ ហាង រ៉ា ភេ​ទ្រុស អាយុ២៧ឆ្នាំ រស់នៅ​ភូមិ​ក្រសាំង​ជ្រំ ឃុំ​គ្រួស ស្រុក​ស្វាយជ្រំ និង​ឈ្មោះ ពុត សា​វិ​ន ភេទ​ប្រុស អាយុ៣៧ឆ្នាំ រស់នៅ​ភូមិ​ក្រសាំង​ជ្រំ ឃុំ​គ្រួស ស្រុក​ស្វាយជ្រំ ។

តាម​ជនរងគ្រោះ​ឈ្មោះ គង់ សឿន អាយុ៤៥ឆ្នាំ បាន​រៀបរាប់​ប្រាប់ថា មុន​កើតហេតុ នៅវេលា​ម៉ោង៧យប់ មាន​ជនសង្ស័យ​ចំនួន៤នាក់ បាន​ជិះ​ម៉ូតូ​ចំនួន៣គ្រឿង មក​ផ្ទះ​របស់គាត់ ហើយក៏​បាន​ឈប់​ម៉ូតូ​ខាងមុខផ្ទះ រួច​ដើរ​ចូលទៅ​វាយ​ធ្វើ​ឲ្យ​គាត់​ភ័យ ក៏បាន​ស្រែកថា ចោរៗ និង​ឲ្យ​ឮ​ដល់​បងប្អូន​គាត់ ក៏បាន​រត់​មកជួយ ស្រាប់តែ​ជនសង្ស័យ​ទាំង៤នាក់​នោះ បាន​ចូលមក​កាប់ ក៏បង្ក​ឲ្យ​មានការ​ប្រើ​ហិង្សា​ប្រទូស​សា​រ៉ា​យ​គ្នា​ទៅវិញទៅមក បណ្ដាល​ឲ្យ​រងរបួស​ទាំងសងខាង បញ្ជូនមក​សង្គ្រោះ​នៅ​មន្ទីរពេទ្យបង្អែក​ខេត្តស្វាយរៀងភ្លាមៗ ។  ជនសង្ស័យ​ឈ្មោះ ឌី សូត្រ​ដែល​មិនមាន​រងរបួស សមត្ថកិច្ច​បាន​ឃាត់ខ្លួន​នៅ​អធិការដ្ឋាន​នគរបាល ស្រុក​ស្វាយជ្រំ ដើម្បី​កសាង​សំណុំរឿង​តាម​នីតិវិធី  ៕

 

Copyright © 2010-2019 · អរិយធម៌ · All Rights Reserved.
Develop by Sek Sathya