ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ដីព្រៃលិចទឹក រាប់រយហិកតា កំពុងទទួលរងនូវការបាត់បង់អស់ទាំងស្រុង ពីសំណាក់អ្នកមានលុយ មានអំណាចឃុបឃិតគ្នា​  ||     ព្រះរាជអាជ្ញារងចេញដីកាបង្គាប់ឲ្យ​កម្លាំង​សមត្ថកិច្ចឃាត់ខ្លួនឧកញ៉ាក្លែងក្លាយ រឿងលុយ៣០ម៉ឺនដុល្លារ ហើយមានអ្នក​ប្រុងរត់ការដោះលែង នៅកំពង់ស្ពឺ​  ||     បទល្មើស​នេសាទ​ជា​ប្រភព​ចំណូល ​របស់​ប្រធាន​មន្ទីរ​កសិកម្ម​និង​មេ​រដ្ឋបាល​ជលផល​ខេត្តកំពង់ឆ្នាំង ​​  ||     មេ​ឈ្មួញ ស៊ា​ម គឹម​ទឹម បន្តសកម្មភាព​ដឹកជញ្ជូន​ឈើ​ចេញពី​ឃុំ​ក្បាលដំរី ស្រុក​សំបូរ យ៉ាង​គឃ្លើន?​  ||     ប្រធានមន្ទីរកសិកម្មខេត្តកោះកុងលក់ដីរដ្ឋជាង១០ហិកតា?​  ||   

» ព័ត៌មានជាតិ » គ្រោះថ្នាក់​ចរាចរ​ណ៏​រវាង រថយន្តបុក​ម៉ូតូ បណ្តាល​ឲ្យ​ស្លាប់​នៅនឹងកន្លែង នៅ​សៀមរាប

គ្រោះថ្នាក់​ចរាចរ​ណ៏​រវាង រថយន្តបុក​ម៉ូតូ បណ្តាល​ឲ្យ​ស្លាប់​នៅនឹងកន្លែង នៅ​សៀមរាប

សៀមរាប ៖  ករណី​គ្រោះថ្នាក់​ចរាចរ​ណ៏​រវាង រថយន្ត បុក ម៉ូតូ ក្នុង​គោលដៅ​ច្រាស់ទិស​គ្នា កើតហេតុ​នៅលើ​ផ្លូវជាតិ​លេខ០៦ ត្រង់ចំណុច​ចន្លោះ​គីឡូម៉ែត្រ​លេខ៣២៦/៣២៧ ស្ថិតនៅ​ក្នុងភូមិ​ព្រៃ​ក្មេង ឃុំ​ខ្នាត ស្រុក​ពួក ខេត្តសៀមរាប បណ្តាល​ឲ្យ​អ្នកបើកបរ​ម៉ូតូ​ម្នាក់​បាន​ស្លាប់ភ្លាមៗនៅនឹងកន្លែង កាលពី​វេលា​ម៉ោង០៩ និង១០នាទី ថ្ងៃទី១១ ខែតុលា ឆ្នាំ២០១៨ ។

នៅ​មុនពេល​កើតហេតុ គេ​ឃើញ​មាន​រថយន្ត​ម៉ាក​ហ៊ីយ៉ាន់ដាយ ពណ៌ ស ពាក់​ផ្លាកលេខ​ត្បូងឃ្មុំ​3A 1188 សណ្ដោង​រ៉ឺម៉ក​ពណ៌​ខៀវ 4A 0105 បើកបរ​ដោយ​ឈ្មោះ ផុន ម៉េង​ស្រ៊ី ភេទ​ប្រុស អាយុ ២៣ឆ្នាំ រស់នៅ​ភូមិ​ជ្រួស ឃុំ​ចក ស្រុក​អូររាំងឪ ខេត្តកំពង់ចាម បើកបរ​ពី​លិចទៅ​កើត​ដឹក​ដំឡូង​មី​ចំនួន២៧តោន។ ពេលនោះ​ផងដែរ គេ​បានឃើញ​ម៉ូតូ​ម៉ាក​ហុងដា​ឌ្រី​ម ពណ៌​ខ្មៅ ស៊េរី​ឆ្នាំ២០១៧ ពាក់​ផ្លាកលេខ​សៀមរាប 1Y 5509 បើកបរ​ដោយ​ឈ្មោះ ឆៃ រ៉ា​ដឿ​ង ភេទ​ប្រុស អាយុ២៣ ឆ្នាំ រស់នៅ​ភូមិ ជ័យ សង្កាត់​ទឹក​វិល ក្រុង/ខេត្តសៀមរាប មុខរបរ​ជាងសំណង់ បើកបរ​ពី​កើ​តទៅ​លិច​បើក​វ៉ា​រថយន្ត១បាំង​កន្លះ​មិន​ស្គាល់​អត្តសញ្ញាណ កៀរ​និង​រេ​ចង្កូត​បើក​បុក​ពីមុខ​និ​ចូល​ក្រោម​រថយន្ត​ដឹក​ដំឡូង​ខាងលើ ហើយ​បាន​ស្លាប់ភ្លាមៗតែម្តង។

ក្រោយពី​ធ្វើការ​វាស់វែង​ជា​កក់​ស្តែង​គឺមាន​ការខូចខាត​រថ​យន្ត ០១ គ្រឿង និង​ម៉ូតូ ១ គ្រឿង។ ចំពោះ​អ្នកបើកបរ​រថយន្ត​ធុន​ធំ ក៏បាន​ធ្វើការ​ឃាត់ខ្លួន​ក្រោយពេល​កើតហេតុ។ កម្លាំង​ជំនាញ​បានធ្វើការ​វាស់វែង និង​ដកហូត​វត្ថុតាង យកមក​រក្សារ​ទុក នៅ​អធិការដ្ឋាន​នគរបាល​ស្រុក​ពួក ដើម្បី​ចាត់ការ​បន្ត​តាម​នីតិវិធី​ច្បាប់ ៕

 

Copyright © 2010-2019 · អរិយធម៌ · All Rights Reserved.
Develop by Sek Sathya