ភ្នំពេញ​: នៅ​ថ្ងៃទី​២០ ខែធ្នូ ឆ្នាំ​២០១៣ ចាប់ពី​ម៉ោង ២ រសៀល ដល់​ម៉ោង ៦ ល្ងាច​។ សមយុទ្ធ​សង្គ្រោះបន្ទាន់​នោះ ដើម្បី​ពង្រឹងសមត្ថភាព​ភ្នាក់ងារ​ពន្លត់​អគ្គិភ័យ មន្ទីរពេទ្យ និង​កម្លាំង​សមត្ថកិច្ច បំពេញ​កិច្ចប្រតិបត្តិការ​ជួយសង្គ្រោះ​បន្ទាន់ ក្នុងពេល​អាកាសយាន ជួប​ឧបទ្ទវហេតុ​។​
​សេចក្តីជូនដំណឹង ចុះហត្ថលេខា​ដោយ​លោក ប៊ុន រដ្ឋា នាយក​អាកាសយានដ្ឋាន​អន្តរជាតិ​ភ្នំពេញ បាន​ជម្រាប​ដល់​ស្ថាន​រាជទូត ស្ថានទូត ស្ថាន​កុងស៊ុល អាជ្ញាធរ​ដែនដី និង​ប្រជាពលរដ្ឋ ពិសេស​អ្នករស់នៅ​ជុំវិញ​ព្រលានយន្តហោះ​ភ្នំពេញ មេត្តា​កុំ​មានការ​ភ្ញាក់ផ្អើល​ចំពោះ​ការ​ចល័ត​រថយន្ត​ពេទ្យ រថយន្ត​ពន្លត់​អគ្គិភ័យ និង​កងកម្លាំង​នៅតាម​ដងផ្លូវ
​សំខាន់ៗ ចាប់ពី​អាកាសយានដ្ឋាន​អន្តរជាតិ​ភ្នំពេញ ឆ្ពោះទៅកាន់​មន្ទីរពេទ្យ​រដ្ឋ និង​ឯកជន​នានា ដែល​ស្ថិតនៅក្នុង​រាជធានី​ភ្នំពេញ​៕