ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 អំពើពុករលួយរបស់លោក ឈុន សុភមង្គល ប្រធានសាខាគយខេត្តឧត្តរមានជ័យ ត្រូវបានបណ្តាញព័ត៌មាននានា ចុះផ្សាយជាបន្តបន្ទាប់​  ||     ល្បី លោក ឈុន សុភមង្គល​ ប្រធានសាខាគយខេត្តឧត្តរមានជ័យ​ ?​  ||     ភ្ញាក់ផ្អើល! ក្រុមឈ្មួញសម្រុករកស៊ីដឹកឈើគ្រប់ប្រភេទក្នុង ទឹកដី ស្រុកកែវសីមា, ខេត្តមណ្ឌលគិរី, និងស្រុកស្នួល ខេត្តក្រចេះ ទៅប្រទេសវៀតណាមខ្លះ និងប្រភេទឈើក្រហមដឹក ទៅដាក់ខេត្តព្រៃវែងនិងស្វាយរៀង​  ||     ភ្ញាក់ផ្អើល! ចាក់ដីរំលោភចូលឆ្នេរសមុទ្រជាង១០០ម៉ែត្រ ដោយគ្មានច្បាប់ សង្ស័យមានការឃុបឃិតជាប្រព័ន្ធ?​  ||     ល្បី! ម្ចាស់​សង្វៀន​ឈ្មោះ​តា​ជ័រ បើក​ល្បែង​ប្រជល់មាន់​ដុះ​ស្លែរ ឃុំ​កំពង់​ទ្រាស  ស្រុក​ក្រូចឆ្មារ​  ||   

» Breaking News, កីឡាជាតិ » បើ​គិត​ត្រឹម​ថ្ងៃ​អង្គារ​ម្សិល​ម៉ិ​ញ​កម្ពុជា​ទទួលបាន​មេដាយមាស​៥​ហើយ​

បើ​គិត​ត្រឹម​ថ្ងៃ​អង្គារ​ម្សិល​ម៉ិ​ញ​កម្ពុជា​ទទួលបាន​មេដាយមាស​៥​ហើយ​

​ភ្នំពេញៈ កម្ពុជា​ទ​ទូល​បាន​មេដាយមាស​មួយទៀត​ហើយ ដោយ​ម្ចាស់​មេដាយ​ប៉េតង់​ពិភពលោក​របស់​កម្ពុជា កែ ឡេង បាន​ក្លាយជា​បេក្ខភាព​ទី​៥ ដែល​បានឈ្នះ​មេដាយមាស​ឲ្យ​កម្ពុជា នា​ការប្រកួត​កីឡា​ស៊ី​ហ្គេម លើក​ទី​២៧ នៅ​ប្រទេស​មី​យ៉ាន់​ម៉ា បន្ទាប់ពី​កីឡាការិនី​រូបនេះ​បាន​យកឈ្នះ​កីឡា ការិនី​របស់​ថៃ ក្នុងការ​ប្រកួត​វាយយក​ពិន្ទុ វគ្គ​ផ្តាច់ព្រ័ត្រ កាលពី​ថ្ងៃ​អង្គារ ម្សិលមិញ​នេះ​។​
​សម្រាប់​ការប្រកួត ដែល​ធ្វើឡើង​នៅ​ទីលាន​វាយ​ប៉េតង់ ក្នុង​ទីក្រុង​ណៃ​ពិដោ មួយ​នេះ​កីឡាការិនី កែ ឡេង ដែល​បាន​យកឈ្នះ​កីឡា ការិនី​របស់​វៀតណាម នៅ​វគ្គ​១/២​ផ្តាច់ព្រ័ត្រ​នោះ ត្រូវបាន​កាត់សេចក្តី​ឲ្យ​ឈ្នះ​កីឡាការិនី​ថៃ Potjanaseni Pawinee ក្នុង​វគ្គ​ផ្តាច់ព្រ័ត្រ ត្រឹម​ពាក់​កណ្តាលផ្លូវ ដោយ​មិនចាំបាច់​វាយយក​ពិន្ទុ​២​លើក​ដែល​នៅសល់​ទៀត​នោះឡើយ ព្រោះ​ការ​មាន​ពិន្ទុ​នាំមុខ ៣០-១៦ វា​គ្រប់គ្រាន់​សម្រាប់ កែ ឡេង ឈ្នះ​មេដាយមាស​នេះហើយ ខណៈ​មេដាយ​សំរឹទ្ធ​ស្ទួន​បាន​ទៅលើ​វៀតណាម និង​ឡាវ​។​
​ចំណែក ការប្រកួត​វាយយក​ពិន្ទុ​ផ្នែក​បុរស កីឡាករ​កម្ពុជា ឌី សុ​បញ្ញា បានទទួល​មេដាយ​សំរឹទ្ធ​ស្ទួន​ជាមួយ​ថៃ ខណៈ​មេដាយមាស​បាន​ទៅ​ឡាវ និង​ប្រា​ក់បាន​ទៅលើ​វៀតណាម​។ បើ​គិត​ត្រឹម​ល្ងាច​ថ្ងៃ​អង្គារ​នេះ កម្ពុជា​បានឈ្នះ​មេដាយមាស​៥ ប្រាក់​៧ និង​សំរឹទ្ធ​១៣ ប៉ុន្តែ​បើ​គិត​មេដាយ​ដែល​ដណ្តើមបាន​ទាំងអស់នេះ​ឲ្យ​ទៅជា​គ្រឿង​វិញ គឺ​កម្ពុ​ជាមាន​ចំនួន​៧៥​គ្រឿង​ហើយ​៕

Copyright © 2010-2021 · អរិយធម៌ · All Rights Reserved.
Develop by Sek Sathya