ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង កំពុងបណ្តោយឲ្យ លោក កឹក ហៃ ប្រធានសហគមន៍ នេសាទ ឃុំស្វាយរំពារបើកដៃឲ្យជនល្មើស វៃឆ្មក់កាប់ទន្រ្ទានដីព្រៃលិចទឹកតំបន់ឡូត៍អភិរក្សលេខ ៧A​  ||     បែកធ្លាយព័ត៌មានស្អុយបញ្ច្រាស់ខ្យល់ មានអ្នកមានលុយមានអំណាចទន្រ្ទានយក ដីរដ្ឋចែកគ្នាធ្វើជាដីកម្មសិទ្ធិស្របច្បាប់នៅលើទឹកដី ស្រុកកំពង់លែង​  ||     ការកាប់ ការ​ឆ្ការ​គាស់​រាន និង​ឈូសឆាយ​ដីព្រៃ​លិច​ទឹក​ដែលជា​ជំ​រកត្រី​ពង​កូន​របស់​មន្ត្រីក្រោមឱវាទ​ក្នុង​ខេត្តកំពង់ឆ្នាំង ហាក់ដូចជា​អនុវត្ត​ផ្ទុយ​ទៅ​និង​អនុ​ក្រិ​ដ្ឋ របស់​ប្រមុខ​រាជរដ្ឋាភិបាល​  ||     ពិតល្បីល្បាញកក្រើកទូទាំងខេត្ត រឿងដីព្រៃលិចទឹក ដែលជាជំរកត្រីពងកូនកំពង់ ទទួលរងនូវការបាត់អស់ស្ទើរទាំងស្រុង នៅលើទឹកដីស្រុកកំពង់លែងពីសំណាក់ អ្នកមានលុយ នឹង អ្នកមានអំណាចទន្រ្ទានយកចែកគ្នាលក់ជារៀងរាល់ឆ្នាំ​  ||     ជនជាតិវៀតណាម កំពុងយកទីតាំងស្រុកក្រគរនិងស្រុកកណ្ឌៀង ធ្វើអាជីវកម្មប្រព្រឹត្តបទល្មើសនេសាទ នៅពោធិ៍សាត់​  ||   

» Breaking News, ព័ត៌មានជាតិ, ព័ត៌មានអន្តរជាតិ » អាជ្ញាធរ​ចាប់ជំរិត​ទារ​ប្រាក់ ពី​អ្នកនេសាទ​ខ្មែរ​ម្នាក់១លាន​រៀល ?

អាជ្ញាធរ​ចាប់ជំរិត​ទារ​ប្រាក់ ពី​អ្នកនេសាទ​ខ្មែរ​ម្នាក់១លាន​រៀល ?

ខេត្តតាកែវ៖ ប្រជាពលរដ្ឋ នេសាទ​ត្រី​ជា​លក្ខណៈ​គ្រួសារ រស់នៅ​ភូមិ​ព្រែក​ផ្ទោល ឃុំ​អង្គរបុរី ស្រុក​អង្គរបុរី ខេត្តតាកែវ ពីរ​នាក់ ឈ្មោះ ពក និង​ឈ្មោះ គី បាន​ប្រាប់​ឲ្យ​ដឹងថា កាលពី​យប់​ថ្ងៃទី១១ ខែកញ្ញា ឆ្នាំ២០១៨ វេលា​ម៉ោង​ប្រមាណ៨យប់ ខណៈ​ពួកគាត់​កំពុង​នេសាទ​ត្រី ដោយ​ប្រើ​ទូក រុញ​ជន នៅ​ច់​ណុ​ច បឺ​ង​កំពង់​យោល ស្រាប់​តែមាន​មន្ត្រីជលផល​មួយក្រុម ប្រដាប់​ដោយ​កាំភ្លើង ដោយមាន ឈ្មោះ ឈិន វែង ជា​នាយផ្នែក​ជលផល​បូរី​ជលសារ សហការ​ជាមួយ​លោក គឹម សារិទ្ធ ប្រធាន​ក្រុម​បង្ក្រាប នៃ​អធិការដ្ឋាន​រដ្ឋ​បាលជ​ល​ផល​ចតុមុខ បាន​ចាប់​អូស​យក​ទូក​ម៉ាស៊ីន​ពួកគាត់ មក​ស្នាក់ការ​ទាំងយប់ ។

ពួកគាត់​បាន​បន្តថា ពេល​ចាប់​ពួកគាត់​មកដល់​ស្នាក់ការ​ហើយ​នោះ លោក វែង ខាង​ជលផល​បាន​បង្ខំ​ឲ្យ​ពួកគាត់​រកលុយ​មួយ​លាន​រៀល បង់​ឲ្យ​ពួកគេ(ខាង​ជលផល) ទើប​គេ​ឲ្យ​ទូក​ម៉ាស៊ីន​មករក​ស៊ី​វិញ​បាន ។

រហូត​ម​ដល់​ព្រឹក​ថ្ងៃទី១៣ ខែកញ្ញា ឆ្នាំ២០១៨ ពួក​ជលផល​មិន​ព្រម​ឲ្យ​ទូក​ពួកគាត់​នោះទេ ទើប​ពួកគាត់​នាំគ្នា​ទៅដល់​ស្នាក់ការ ទាល់តែ​ឃើញ​ពួកគាត់​មក គ្នាច្រើន ទើប​លោក​ជលផល នោះ​ព្រម​ឲ្យ ដោយ​តម្រូវ​ឲ្យ​គាត់​ទិញ​សាំង​ឲ្យ​ពួកគេ​បួន​កាន អស់​លុយ​ជាង៤០ម៉ឺន​រៀល ។ ពួកគាត់​ប្រាប់ទៀតថា​ទល់​តែ​បាន​សាំង​បួន​កាន ហើយ​មិន​ព្រម​ឲ្យ​ទូក​ទេ គេ​ដេញ​ឲ្យ​គាត់​ទៅធ្វើ​លិខិតបញ្ជាក់​ពី​ភូមិ ឃុំ​ទៀត បាន​ឲ្យ​ទូក​ទៅវិញ ។

ពលរដ្ឋ​បាន​រិះគន់ថា នៅ​ទឹកដី ស្រុក​អង្គរបុរី ស្រុក​បុរី​ជលសារ មាន​ទូក​នេសាទ​ជនជាតិ​វៀតណាម​រាប់សិប​គ្រឿង កំពុងប្រព្រឹត្តបទល្មើសនេសាទ បានយ៉ាងរលូន ដោយគ្មានមន្ត្រីជលផល ឬអាជ្ញាធរថ្នាក់ណាចេញមុខបង្រ្កាប ឬចាប់ចងនោះទេ តែបែរជាមកចាប់ខ្មែរគ្នាឯង ក្រីក្រនេសាទជាលក្ខណៈគ្រួសារ រកតែអង្ករច្រកឆ្នាំងមិនចង់បានផងនោះ គិតៗទៅ គឺពិតជាឈឺចាប់ខ្លាំងណាស់ ក្នុងនាមជាជាតិសាសន៍ខ្មែរ ។

ទាក់ទងក្នុងរឿងនេះ លោក ឈិន វែង នាយផ្នែកជលផល និងលោក គឹម សារិទ្ធ ជលផលចតុមុខ សាព័ត៌មានមិនអាចសុំការបំភ្លឺបានទេ ដោយទូរស័ព្ទចូលហើយ មិនលើកទទួលសោះ ៕

 

Copyright © 2010-2019 · អរិយធម៌ · All Rights Reserved.
Develop by Sek Sathya