ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោក​ផ្កាយ​មួយ ពិត បញ្ញា ស្នងការរង​ទទួល​ផែន​សេដ្ឋកិច្ច​ក្រុងភ្នំពេញ មានអំណាច​ពង្រាយ​មន្ត្រី​ចុះ​ប្រមូល​លុយ​យ៉ាង​ប្រសេចប្រសាច​តាមរបៀប​ពុករលួយ?​  ||     ល្បី លោក ហេង ណា​រិ​ទ្ធ ក្រាញននៀល​និង​តំណែង​អនុប្រធាននាយកដ្ឋាន មិន​ព្រម​ចូលនិវត្តន៍​  ||     ល្បី លោក ឡេង សុខ មេ​រង​គយ​ប្រចាំ​ច្រក​អន្តរជាតិ​ដូង ស្រុក​កំរៀង…​  ||     លោក សាន ប៊ុន​ថា​ន មេ​ប៉េអឹម​ខេត្តក្រចេះ មិន​បញ្ជា​បង្ក្រាប​ជំនួញ​ឈើ របស់​មេ​ឈ្មួញ ឈ្មោះ ចែ​មុំ រហ័ស​នាម​យាយ​មុំ នោម​ឆេះ ដឹកជញ្ជូន​ឈើ​ដូច​ហែ​កឋិន ឆ្លងទៅ​ប្រទេស​វៀតណាម​  ||     ធ្នួ​ស​និង​របាំង​ព្រួល ក្នុង​អតីត​ឡូត៍​លេខ៧ស្រុក​កោះធំ កំពុងដំណើរការ​យ៉ាង​ស្រួល នៅ​កណ្តាល?​  ||   

» ព័ត៌មានជាតិ » នាយ​ប៉ុស្ដិ៍នគរបាលរ​ដ្ឋ​បាល​រកា​កោង​ទី១ម្នាក់ ដេកស្លាប់ ក្នុង​ប៉ុស្ដិ៍​រដ្ឋបាល សង្ស័យថា ការស្លាប់​ដោយសារ​ខ្យល់គ នៅ​កណ្តាល

នាយ​ប៉ុស្ដិ៍នគរបាលរ​ដ្ឋ​បាល​រកា​កោង​ទី១ម្នាក់ ដេកស្លាប់ ក្នុង​ប៉ុស្ដិ៍​រដ្ឋបាល សង្ស័យថា ការស្លាប់​ដោយសារ​ខ្យល់គ នៅ​កណ្តាល

ខេត្តកណ្ដាល៖ ហេតុការណ៍​ភ្ញាក់ផ្អើល​នេះ បានកើត​ឡើង​នៅ​ថ្ងៃ​សុក្រ ទី១៤ ខែកញ្ញា ឆ្នាំ២០១៨ វេលា​ម៉ោង៤និង៣០នាទី​ទៀបភ្លឺ នៅ​ចំណុច​ក្នុង​បន្ទប់​ប៉ុស្តិ៍នគរបាល​រដ្ឋបាលរ​កា​កោង​ទី១ ស្ថិត​ភូមិ​ពាម ឃុំ​រកា​កោង​ទី១ ស្រុក​មុខកំពូល ខេត្តកណ្ដាល ។ មន្ដ្រីនគរបាល​ផ្នែក​បច្ចេកទេស​និង​កោសល្យវិច័យ​ស្រុក​មុខកំពូល​បាន​ឲ្យ​ដឹងថា ជនរងគ្រោះ​ឈ្មោះ ជឿន ហួន ភេទ​ប្រុស អាយុ៤៩ឆ្នាំ មុខរបរ​ជា​នាយប៉ុស្ដិ៍​នគរបាល​រដ្ឋបាលរ​កា​កោង​ទី១ មាន​ទីលំនៅ​ភូមិ​ឡឥដ្ឋ ឃុំ​ព្រែក​ដំបង ស្រុក​មុខកំពូល ខេត្តកណ្ដាល ។

កន្លងមក​ជនរងគ្រោះ​ជា​មនុស្ស​មាន​ជម្ងឺ​ប្រចាំកាយ (លើសឈាម+ទឹកនោមផ្អែម) ហើយ​តែង​មក​បំពេញការងារ​ភារ:កិច្ច​ជាប្រចាំ​នៅ​ប៉ុស្តិ៍នគរបាល​រដ្ឋបាល​ដែល​ខ្លួន​គ្រប់គ្រង ។ មកដល់​ថ្ងៃទី១៣ ខែកញ្ញា ឆ្នាំ២០១៨ វេលា​ម៉ោង​ប្រមាណ១៣រសៀល​ជនរងគ្រោះ​បាន​ត្រឡប់​មកពី​ប្រជុំ​វិញ​ជិះ​ម៉ូតូ​មក​ប៉ុស្តិ៍ ដោយបាន​ទុក​ម៉ូតូ​ដែល​ខ្លួន​ជិះ​នៅមុខ​រោង​លក់​បង្អែម​របស់​ឈ្មោះ ហាត់ ប៊ុន​ហុង ខាងមុខ​ប៉ុស្តិ៍ រួច​ចូលមក​ធ្វើការ​នៅ​ប៉ុស្តិ៍​ជាធម្មតា ។

តាម​ការ​ឲ្យ​ដឹង​របស់​ប្រជាពលរដ្ឋ​ឈ្មោះ ហាត់ ប៊ុន​ហុង ជា​អ្នកលក់​បង្អែម​នៅមុខ​ប៉ុស្ដិ៍​បាន​ឲ្យ​ដឹងថា នៅវេលា​ម៉ោង១រសៀល ជនរងគ្រោះ​បាន​ជិះ​ម៉ូតូ​មក​ទុក​នៅផ្ទះ​របស់គាត់ រួច​ចូលទៅ​ប៉ុស្ដិ៍​រហូតមកដល់​ប្រមាណ១៨ បានឃើញ​ប៉ុស្តិ៍​រដ្ឋបាល​ងងឹត​ពុំមាន​នរណាម្នាក់​បើកភ្លើង ភ្លាមនោះ​គាត់​ក៏បាន​ដើរ​ឡើងទៅ​បើកភ្លើង ដោយបាន​លឺ​សម្លេង​ជនរងគ្រោះ​ដេក​ស្រ​ម៉ុកខ្លាំងៗ បន្ទាប់ពី​បើកភ្លើង​រួច ក៏​ដើរ​ចេញពី​ប៉ុស្តិ៍​វិញ រហូតមកដល់​ម៉ោង២២យប់ រូបគាត់​ពុំ​ឃើញ​ជនរងគ្រោះ​មក​យក​ម៉ូតូ ខណៈនោះ​ឈ្មោះ រស់ សំអាត ជា​អ្នកលក់​គុយទាវ​នៅខាងមុខ​ប៉ុស្តិ៍​ក៏បាន​មក​យក​ម៉ូតូ​ទៅ​ទុក​ក្នុង​រោង​របស់គាត់ ដោយឡែក​មន្ត្រី​ប៉ុស្តិ៍​ពុំមាន​នរណាម្នាក់​នៅ​ប៉ុស្ដិ៍​ទេ ព្រោះ​ជាប់​ភារកិច្ច​ចេញ​ល្បាត និង​ការពារ​គោលដៅ​ផ្សា​រកា​កោង ។

លុះ​មកដល់​វេលា​ម៉ោង៤ទៀបភ្លឺ ឈានចូល​ថ្ងៃទី១៤ ខែ​ឆ្នាំ​ដដែល ប្រជាពលរដ្ឋ​ឈ្មោះ រស់ សំអាត បាន​ងើប​មក​ដាំទឹក​លក់​គុយទាវ មិនឃើញ​ជនរងគ្រោះ​មក​យក​ម៉ូតូ​ជិះ​ទៅ​ផឹក​កាហ្វេ​នៅ​ផ្សា​រកា​កោង​ដូច​សព្វដង មានការ​ឆ្ងល់​ក៏​បបួល​ប្រពន្ធ​ខ្លួន និង​ឈ្មោះ ម៉េង​លី​ដែល​លក់ដូរ​ក្បែរ​គ្នា​បាន​ដើរទៅ​មើល​នៅក្នុង​ប៉ុស្ដិ៍ ស្រាប់តែ​ឃើញ​ជនរងគ្រោះ​ដេកស្លាប់​នៅក្នុង​បន្ទប់ ក្បាល​បែរ​ទៅ​កើត​ស្លៀក​ខោខ្លី ពណ៌​ក្រហម រុំ​ក្រ​ម៉ា​ពី​ក្រៅ​ពុំមាន​ពាក់អាវ ហើយ​មាន​កំអួត​ចេញ​តាម​មាត់​ទៀតផង រួច​ក៏មាន​ការ​ផ្អើល​ឆោ​រ​ឡោ​និង​រាយការណ៍​ទៅ​សមត្ថកិច្ច​ជំនាញ​ដើម្បី​ធ្វើការ​ពិនិត្យ ។

ក្រោយពី​សមត្ថកិច្ច​ជំនាញ​ទទួលបាន​ព័ត៌មាន​រួច ភ្លាមនោះ​ក៏​ចុះ​មកដល់​កន្លែងកើតហេតុ ដោយ​សហការ​ជាមួយ​អាជ្ញាធរ​មូលដ្ឋាន រួច​បញ្ជាក់ថា ជនរងគ្រោះ​ពិតជា​ស្លាប់​ដោយសារ​ករណី​ខ្យល់គ ប្រាកដ​មែន ដោយ​ពុំមាន​ស្លាកស្នាម​អ្វី​គួរ​ឲ្យ​កត់សម្គាល់​ឡើយ ៕

 

Copyright © 2010-2018 · អរិយធម៌ · All Rights Reserved.
Develop by Sek Sathya