ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង កំពុងបណ្តោយឲ្យ លោក កឹក ហៃ ប្រធានសហគមន៍ នេសាទ ឃុំស្វាយរំពារបើកដៃឲ្យជនល្មើស វៃឆ្មក់កាប់ទន្រ្ទានដីព្រៃលិចទឹកតំបន់ឡូត៍អភិរក្សលេខ ៧A​  ||     បែកធ្លាយព័ត៌មានស្អុយបញ្ច្រាស់ខ្យល់ មានអ្នកមានលុយមានអំណាចទន្រ្ទានយក ដីរដ្ឋចែកគ្នាធ្វើជាដីកម្មសិទ្ធិស្របច្បាប់នៅលើទឹកដី ស្រុកកំពង់លែង​  ||     ការកាប់ ការ​ឆ្ការ​គាស់​រាន និង​ឈូសឆាយ​ដីព្រៃ​លិច​ទឹក​ដែលជា​ជំ​រកត្រី​ពង​កូន​របស់​មន្ត្រីក្រោមឱវាទ​ក្នុង​ខេត្តកំពង់ឆ្នាំង ហាក់ដូចជា​អនុវត្ត​ផ្ទុយ​ទៅ​និង​អនុ​ក្រិ​ដ្ឋ របស់​ប្រមុខ​រាជរដ្ឋាភិបាល​  ||     ពិតល្បីល្បាញកក្រើកទូទាំងខេត្ត រឿងដីព្រៃលិចទឹក ដែលជាជំរកត្រីពងកូនកំពង់ ទទួលរងនូវការបាត់អស់ស្ទើរទាំងស្រុង នៅលើទឹកដីស្រុកកំពង់លែងពីសំណាក់ អ្នកមានលុយ នឹង អ្នកមានអំណាចទន្រ្ទានយកចែកគ្នាលក់ជារៀងរាល់ឆ្នាំ​  ||     ជនជាតិវៀតណាម កំពុងយកទីតាំងស្រុកក្រគរនិងស្រុកកណ្ឌៀង ធ្វើអាជីវកម្មប្រព្រឹត្តបទល្មើសនេសាទ នៅពោធិ៍សាត់​  ||   

» Breaking News, ព័ត៌មានជាតិ, ព័ត៌មានអន្តរជាតិ » លោក​ម៉េង ហាក់ អភិបាលស្រុក​ទឹកផុស​កំពុង​ធុំក្លិន​មិន​ស្រួល​ហើយ ជុំវិញ​និង​រឿង​ដីព្រៃ​របស់​រដ្ឋ​នៅ​កំពង់ឆ្នាំង

លោក​ម៉េង ហាក់ អភិបាលស្រុក​ទឹកផុស​កំពុង​ធុំក្លិន​មិន​ស្រួល​ហើយ ជុំវិញ​និង​រឿង​ដីព្រៃ​របស់​រដ្ឋ​នៅ​កំពង់ឆ្នាំង

ខេត្តកំពង់ឆ្នាំង៖ ដីព្រៃ​របស់​រដ្ឋ​ជាច្រើន​ពាន់​ហិកតា ដែល​ឈ្មួញ​កំពុង​ប្រើ​រូបភាព​ជួល​ប្រជាពលរដ្ឋ ក្នុងតម្លៃ​មួយ​ហិកតា១០០$(មួយរយ​ដុល្លា) ស្ថិតក្នុង​ចំណុច​អូរ​ក្របី​ងាប់ និង​អូរ​ខ្លុង​ទុក​លក់​អោយទៅ​ឈ្មួញ​ធំ​បន្ត។

ទាក់ទិន​ទៅ​និង​បញ្ហា​នេះ ប្រភពព័ត៌មាន​ពី​ប្រជាពលរដ្ឋ​បាន​ប្រាប់​អ្នកយកព័ត៌មាន​ក្នុងស្រុក​យើង​ឱ្យដឹងថា មាន​មនុស្ស៤នាក់ ដែល​កំពុង​ប្រមូល​ប្រជាពលរដ្ឋ ៣ភូមិ​អោយទៅ​កាប់​ទន្ទ្រាន​ដីព្រៃ របស់​រដ្ឋ​ដែល​ស្ថិតនៅ​ចំណុច អូរ​ក្របី​ងាប់ និង ចំណុច​អូរ​ខ្លុង ដែល​ឋិត​នៅក្នុង​ភូមិសាស្ត្រ​ឃុំ​ជៀប ស្រុក​ទឹកផុស ខេត្តកំពង់ឆ្នាំង។

ប្រភពព័ត៌មាន​ដដែល​បាន​បន្តទៀតថា អ្នក​ទាំង៤នាក់​នោះ​មានឈ្មោះ​ទី១.លោក​យ៉ុង មេភូមិ​កោះ​ខ្ទុ​ម ទី២.លោក ខុន ស្មៀនឃុំ​អភិវឌ្ឍន៍ ទី៣.លោក​សេង និង​ទី៤.លោក មើ​យ អ្នក​ទាំង៤នាក់​នេះហើយ ដែលជា​អ្នកប្រមូល​ប្រជាពលរដ្ឋ អោយទៅ​កាប់​ព្រៃ​អោយ​ខ្លួន ក្នុងតម្លៃ មួយ​ហិតា១០០$(មួយរយ​ដុល្លា)ហើយ​អ្នក​ទាំង​នោះបាន​បង្គាប់​ប្រជាពលរដ្ឋ​ទាំង៣ភូមិ​ថាបើ​មាន​គេ​សួរ​មិនត្រូវ​ប្រាប់​គេ​ថា​ស៊ីឈ្នួល​គេ​ទេ។

 

ប្រភព​ដដែល​បាន​បន្តទៀតថា​បន្ទាប់ពី​អ្នក​ទាំង៤នាក់ នេះ​ក៏​នៅមាន​ឈ្មួញ​មួយក្រុម​ធំ​ទៀត​ដែល នាំ​គ្រឿងចក្រ​ចូលមក​ឈូសឆាយ នៅ​ចំណុច​ភូមិ​កោះ​ខ្ទុ​ម ភូមិ​តា​នៃ និង​ចំណុច​យាយ​ពាយ​ផងដែរ នាក់​ទាំងនោះ​មានឈ្មោះ​ទី១.លោក​អោម ឆន ទី២.លោក​តេង​សុខន ទី៣.លោក​ពេជ្រ សាន្ត ទី៤.លោក​ជា ដា​រ៉ា ទី៥.លោក​គី​វ​នី និង​ទី៦.អ្នកស្រី នុត​រ៉ា គួរបញ្ជាក់​ផងដែរ​ថា អ្នក​ទាំង៦នាក់​នេះ មិន​ត្រឹមតែ ជា​អ្នក​នាំ​គ្រឿងចក្រ​ចូលមក​ឈូសឆាយ​ដីព្រៃ របស់​រដ្ឋ​តែប៉ុណ្ណោះ​ទេ តែ​ក៏​ជា​អ្នក​ឈ្មួញកណ្តាល​រៀបចំ​ដី​រាប់ពាន់​ហិកតា ដើម្បី​លក់​បន្ត អោយទៅ​ឈ្មួញ​ធំ​ផងដែរ ។

 

ដោយមាន​ការឃុបឃិត​យ៉ាង​ជិតស្និទ្ធ ពី​អាជ្ញាធរ​ថ្នាក់ក្រោម​មូលដ្ឋាន​បានផ្តល់​ភាពងាយស្រួល ដល់​ឈ្មួញ​ទុច្ចរិត​ធ្វើរ​សកម្មភាព​បាន ជាច្រើន​ខែ ដោយ​រលូន។ ជុំវិញ​និង​រឿង​ដីព្រៃ​របស់​រដ្ឋ​ដែល​ត្រូវ​ជនខិលខូច ឃុបឃិត​ជាមួយ និង អាជ្ញាធរ​មូលដ្ឋាន កាប់​អស់​រាប់រយ​រាប់ពាន់​ហិកតា​នេះ តើ​លោក​ម៉េង ហាក់ អភិបាល​នៃ​គណៈ​អភិបាលស្រុក​ទឹកផុស ដឹង​ឬ​ធ្វើ​មិនដឹង? បើ​ជនខិលខូច​ប្រមូល​ប្រជាពលរដ្ឋ​ទាំងភូមិៗទៅ​កាប់ឆ្ការ​រាប់​ថ្ងៃ​រាប់​ខែ​មកហើយ​នោះ។

ប្រជាពលរដ្ឋ​បាន​រិះគន់ចំៗមកលើ​លោក​ម៉េង ហាក់ ដែលជា​ចៅហ្វាយស្រុក​ថា មិន​អើពើ​បិទ​ភ្នែក បិទ​ត្រជៀក ធ្វើរ​មិនដឹង មិនឮ សម្ងំ​អង្គុយចាំ​ស៊ី​ញ៉េ​យកលុយ ដោយ​មិន​ខ្វល់ និង​ការបាត់បង់​សម្បត្តិ​រដ្ឋ​ឡើយ។
ទាក់ទិន​ទៅ​និង​បញ្ហា​នេះ ប្រជាពលរដ្ឋ​ដែល​រស់នៅក្នុង ស្រុក​ទឹកផុស ទាំងមូល​បាន​ទទូច​អង្វរ​សុំ​ដល់​ឯកឧត្តម ឈួរ ចាន់​ឌឿ​ន អភិបាល​នៃ​គណៈ​អភិបាលខេត្ត​កំពង់ឆ្នាំង មេត្តា​មាន​វិធានការ​ជាបន្ទាន់​ដើម្បី ទប់ស្កាត់​អោយទាន់​ពេលវេលា និង មាន​ប្រសិទ្ធភាព​ខ្ពស់​បើ​មិន​ដូច្នោះ​ទេ និង បាត់បង់​ដីព្រៃ​ជាច្រើន​ពាន់​ហិកតា ទៅលើ​ជនខិលខូច និង មន្ត្រី​ពុករលួយ​ជាក់​ជាមិនខាន​ហើយ ក៏​សំណូមព​ដល់​ឯកឧត្តម​ចាត់វិធានការ​មកលើ​មន្ត្រី​គ្រាប់​ល្ពៅ​ពុករលួយ​ដែល​បណ្តាលអោយ​បាត់បង់​ដល់​ផលប្រយោជន៍​ជាតិ​ទាំងមូល៕

 

Copyright © 2010-2019 · អរិយធម៌ · All Rights Reserved.
Develop by Sek Sathya