ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ធ្លាយ​អំពើពុករលួយ​អគ្គនាយក​ប្រៃសណីយ៍​កម្ពុជា អោក បូរ៉ា ស៊ី​ខ្លាំងពូកែ​ឆ្ពិន​ភ្នែក ?​  ||     លោក ញឹក ប៊ុន​លេខ មេ​គយ​ច្រក​បឹង​ត្រកួន ប្រមូល​លុយ​តាមរយៈ​ការឃុបឃិត​បើកដៃ​ឲ្យ​ឈ្មួញ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់​  ||     ឧកញ៉ា គង់ ក្រឹ​ង បន្តសកម្មភាព​ដឹកជញ្ជូន​ឈើ​ចេញទៅ​ស្រុក​យួន?​  ||     តើ​ហេតុអ្វី​បានជា​អាជ្ញាធរ​ក្នុង​ខណ្ឌចំការមន​មានការ​បិទបាំង រឿង​បុរស​សន្តិសុខ​ម្នាក់​ចងក​សម្លាប់ខ្លួន​នៅក្នុង​សាកលវិទ្យាល័យ​ប៊េ​ល​ធី អន្តរជាតិ?​  ||     មន្ត្រី​ជំនាញ​ក្នុង​ខេត្តកំពង់ធំ​ពិតជា​សកម្ម​ណាស់​ក្នុងការ​បង្កើត​បទល្មើស​នេសាទ​គឺ​ដូច​ភ្លៀងរលឹម​តែម្តង​ពី​ថ្នាក់​សង្កាត់​រហូតដល់​ម​ន្ទីរ​កសិកម្ម​ខេត្ត ម្យ៉ាងដែរ​  ||   

» Breaking News, ព័ត៌មានជាតិ, ព័ត៌មានអន្តរជាតិ » លោក ចាន់ សំបូរ ប្រធាន​សាខាគយ​ខេត្តក្រចេះ កំពុង​ប្រើ​តួនាទី​និង​អំណាច​ប្រមូល​លុយ ព្រោះ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា ?

លោក ចាន់ សំបូរ ប្រធាន​សាខាគយ​ខេត្តក្រចេះ កំពុង​ប្រើ​តួនាទី​និង​អំណាច​ប្រមូល​លុយ ព្រោះ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា ?

ក្រចេះ៖ ថ្មីៗនេះ​លោក ចាន់ សំបូរ បាន​ពង្រាយ​កម្លាំង​មន្ត្រី​គយ​ចល័ត​នៅលើ​ផ្លូវជាតិ​លេខ៧អា ដើម្បី​គាប​យកលុយ​ពី​ក្រុម​ឈ្មួញ ក្រុមអាជីវករ ដឹកជញ្ជូន​ទំនិញ​ឆ្លងកាត់​ផ្លូវ​នេះ​ស្រេច​តែ​អំពើ​ចិត្ត​ដោយ​យក​លេស​ថា ប្រមូល​ពន្ធ​ជូន​រដ្ឋ​ឲ្យ​បាន​គ្រប់​ផែនការ។ លោក ចាន់ សំបូរ ប្រើ​គ្រប់​វិធី​ដើម្បី​ប្រមូល​លុយ​យកទៅ​ធ្វើ​មាន​ធ្វើបាន​ផ្ទាល់ខ្លួន​យ៉ាង​ក្រអឺតក្រទម ។

ប្រភពពី​មន្ត្រី​គយ​និង​សមត្ថកិច្ច​គយ​ក្នុង​ខេត្តក្រចេះ មួយចំនួន​បាន​បង្ហើប​ឲ្យ​ដឹងថា មួយរយៈ​ពេល​ចុង​ក្រោយនេះ​លោក ចាន់ សំបូរ ប្រធាន​សាខាគយ​ខេត្តក្រចេះ កំពុង​ប្រើ​តួនាទី​និង​អំណាច​ប្រមូល​លុយ ដោយ​គ្មាន​ញញើត​អ្វី​ទាំងអស់ ព្រោះ​អាង​មាន​ខ្នងបង្អែក​រឹងមាំ​នៅក្នុង​អគ្គនាយកដ្ឋាន​គយ​និង​រដ្ឋាករ​កម្ពុជា។

ប្រភព​ដែល​ស្និទ្ធ​នឹង​លោក ចាន់ សំបូរ បាន​ឲ្យ​ដឹងថា ក្នុងមួយថ្ងៃៗមាន​រថយន្តធំៗដឹកជញ្ជូន​ទំនិញ​ឆ្លងកាត់​ផ្លូវជាតិ​លេខ៧អា ពី​ច្រក​ត្រពាំង​ស្រែ ចូលមក​ក្រុង​ក្រចេះ ក៏ដូចជា​មាន​រថយន្ត​ឈ្មួញ​ដឹកជញ្ជូន​ផល​កសិកម្ម​ចេញទៅ​ប្រទេស​វៀតណាម តាម​ច្រក​ត្រពាំង​ស្រែ ជាច្រើន​គ្រឿង​ហើយ​ក្លាយទៅជា​ប្រភព​ចំណូល​របស់លោក ចាន់ សំបូរ យ៉ាង​សុខ​ស្រួល​តែម្តង។

ប្រភព​បាន​ឲ្យ​ដឹង​ទៀតថា មួយរយៈ​កន្លងទៅនេះ​មាន​រថយន្ត​របស់​មន្ត្រី​គយ​ខេត្តក្រចេះ ២គ្រឿង​ត្រូវបាន​គេ​យកទៅដាក់​នៅ​ចំណុច​កែង​ខ្លា​ស្ទុះ និង​កែង​ផ្លូវ​ក្នុងស្រុក​ស្នួល ដើម្បី​ឃាត់​រថយន្ត​ដឹកទំនិញ​ចេញពី​ខេត្តក្រចេះ ទៅ​ខេត្តស្ទឹងត្រែង និង​ខេត្តរតនគិរី។ រថយន្ត​របស់​មន្ត្រី​គយ​ទាំង២គ្រឿង​នោះ​កាក់​គ្រប់​រថយន្ត​ដឹកទំនិញ​ដែល​បើកបរ​ឆ្លងកាត់​ក្រុង​ក្រចេះ ឆ្ពោះទៅ​ខេត្តស្ទឹងត្រែង និង​ខេត្តរតនគិរី ហើយ​គាប​យកលុយ​ពី​ម្ចាស់​រថយន្ត​ដឹកទំនិញ​តាម​អំពើ​ចិត្ត។

ប្រភពពី​សមត្ថកិច្ច​ពា​ក់​ព័ន្ធ​នៅក្នុង​ខេត្តស្ទឹងត្រែង បាន​លើកឡើងថា ការដែល​លោក ចាន់ សំបូរ ចាត់តាំង​ឲ្យ​មន្ត្រី​គយ​ចល័ត​ធ្វើ​សកម្មភាព​គាប​យកលុយ​ពី​ក្រុម​ឈ្មួញ​ដឹកជញ្ជូន​ទំនិញ​ឆ្លងកាត់​ខេត្តក្រចេះ គឺជា​វិធី​ប្រមូល​លុយ​យកទៅ​ធ្វើ​មាន​ធ្វើបាន​ផ្ទាល់ខ្លួន​តាមរបៀប​ពុករលួយ​យ៉ាងច្បាស់​ក្រឡែត ៕

 

Copyright © 2010-2019 · អរិយធម៌ · All Rights Reserved.
Develop by Sek Sathya