ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||     បទល្មើសព្រៃឈើ នៅតែកើតឡើងយ៉ាងរាលដាល តំបន់ព្រៃសហគមន៍ប្រាសាទទឹកខ្មៅ ស្រុកសំបូរ ខេត្តក្រចេះ​  ||     សកម្មភាពបទល្មើសនេសាទកើត មានយ៉ាងកក្រើកនៅក្នុងស្រុកចំនួន ២ ស្រុក នៅក្នុងខេត្តកំពង់ឆ្នាំង​  ||   

» ព័ត៌មានជាតិ » សមត្ថកិច្ច​ប៉ៃលិន មួយចំនួន​បើកដៃ​ឲ្យ​ឈ្មួញ​នាំ​ហ្គាស​ខុសច្បាប់​ចូល ​

សមត្ថកិច្ច​ប៉ៃលិន មួយចំនួន​បើកដៃ​ឲ្យ​ឈ្មួញ​នាំ​ហ្គាស​ខុសច្បាប់​ចូល ​

ប៉ៃលិន​៖ ច្រករបៀង​លួចលាក់​មួយកន្លែង ត្រូវគេ​លួច​បង្ហើប​ឲ្យ​ដឹងថា កំពុង​បើកដៃ ឲ្យ​ឈ្មួញ​នាំ​ទំនិញ​ខូចគុណភាព​គេចពន្ធ​ជាច្រើន​ប្រភេទ ឆ្លងកាត់ ពិសេស​គឺ​ហ្គាស ត្រូវបាន​គេ​នាំចូល​ជា​រៀងរាល់ថ្ងៃ យ៉ាង​គគ្រឹក​គ្រេង​សប្បាយ​កើប​ប្រាក់​ណាស់​។​
​ប្រភពព័ត៌មាន​បាន​ឲ្យ​ដឹងថា ច្រករបៀង​លួចលាក់​នេះ​មាន​ទីតាំង​ស្ថិតនៅ​ខាងជើង ជិត​ច្រកទ្វារ​អន្តរជាតិ​ព្រំ កម្ពុជា​-​ថៃ ដែល​ស្ថិតនៅ​ភូមិ​ផ្សារ​ព្រំ ឃុំ​ស្ទឹង​កាច់ ស្រុក​សាលា​ក្រៅ ។ ច្រក​នេះ​យាម​ដោយ​កម្លាំង​នគរបាល ព្រំដែន ទាហាន​ការពារ​ព្រំដែន និង​កំលាំង​សន្តិសុខ​កងរាជអាវុធហត្ថ ។ ប៉ុន្តែ​មន្ត្រី​ទាំងនោះ​ក្លាយទៅជា​ចាំ តែ​ហុចដៃ
​យកលុយ​ពី​ឈ្មួញ នាំ​ទំនិញ​ខុសច្បាប់​ដាក់​ហោប៉ៅ​ទៅវិញ ។​
​ឈ្មួញ​ម្នា​ក់បាន​និយាយ​ដោយ​មិន​លាក់លៀម​ថា គាត់​បាន​ដឹក​ហ្គាស​គេចពន្ធ​នេះ ឲ្យ​អ្នកមានអំណាច​ម្នាក់ នៅក្នុង​ខេត្ត​ប៉ៃលិន ដូច្នេះហើយ​ទើប​សមត្ថកិច្ច​គ្រប់​ប្រភេទ​ជួយ​សំរួល​ឲ្យ​គាត់ បាន​ដឹក​ចេញ​ងាយស្រួល​ដោយ​គ្រាន់តែ​បង់លុយ​ប៉ុណ្ណោះ​។ ឈ្មួញ​នោះបាន​បន្ថែមថា ក្នុង​មួយ​ធុង​មាន​ច​ណុះ​១៥​គីឡូក្រាម គាត់​ចំណាយ​អស់​៩០​បាត
(​ប្រាក់​ថៃ​) គាត់​យកទៅ​បោះ​ក្នុង​ក្រុងប៉ៃលិន ពេលខ្លះ​យកទៅ​ដល់​ខេត្តបាត់ដំបង​ទៀត ដោយ​គ្រាន់តែ​បង់​ឲ្យ​សមត្ថកិច្ច​តាមផ្លូវ​គឺ​ចប់​។ គាត់​ដឹក​ក្នុង​មួយថ្ងៃ​បាន​១០​ធុង​ដោយ​ដាក់​ក្នុង​រថយន្ត​កាមរី​គូទ​ហើម​របស់គាត់​។​
​ទាក់ទិន​ហ្គាស និង​ទំនិញគេចពន្ធ​នេះដែរ​កន្លងមក លោក សុខ សាវុធ ប្រធាន​ច្រកទ្វារ​អន្តរជាតិ​ព្រំដែន កម្ពុជា​-​ថៃ​បាន​ថា ច្រក​នេះ​គឺជា​ដែន​សមត្ថកិច្ច របស់លោក​តែ​បញ្ហា​នេះ​លោក មិនបាន​ដឹង​ទេ ចាំ​លោក​ចាត់​កំលាំង​ទៅ​ត្រួតពិនិត្យ បើ​មាន​មែន​លោក​នឹង​បង្ក្រាប តែ​ទំនងជា​គ្មាន​សង្ឃឹមថា លោក​សាវុធ ធ្វើបាន​នោះទេ ព្រោះនេះ​ជា​ឆ្នាំងបាយ​របស់គាត់​ស្មោះ​។​
​លោក អ៊ុក វណ្ណ​ច័ន្ន ប្រធាន​គយ​នៅ​ច្រកទ្វារ​អន្តរជាតិ វិញ​បាន​ឲ្យ​ដឹងថា នេះ​ជា​ដែន​សមត្ថកិច្ច​ខាង​កងកំលាំង​ការពារ​ព្រំដែន​ទេ លោក​មិនអាច​លូកដៃ​បានទេ ម្យ៉ាងទៀត​ខាង​គយ​របស់លោក​មាន​កំលាំង​តិច​ផង ហើយ​លោក​ដាក់​កំលាំង​ឈរជើង តាមច្បាប់​កំណត់​ប៉ុណ្ណោះ​។​
​គេ​និយាយថា កន្លងមក​ទំនិញគេចពន្ធ​ទាំងនេះ គេ​ពុំដែល​ឃើញ​មាន​មន្ត្រី​ច្រកទ្វារ​អន្តរជាតិ​ណា​ម្នាក់​ចេញមុខ​ចាត់វិធានការ ចុះបង្ក្រាប​នោះទេ ផ្ទុយទៅវិញ​ពួកគេ​បើកដៃ​ឲ្យ​ឈ្មួញ​ដឹក​ដោយ​សេរី ដោយ​គ្រាន់តែ​បង់លុយ​ជាការ​ស្រេច ទំនងជា​មានការ​ឃុបឃិត​គ្នា​ជា​ប្រព័ន្ធ​ហើយ​មើលទៅ​៕ ដោយ​៖ នាយ​ដន​

Copyright © 2010-2021 · អរិយធម៌ · All Rights Reserved.
Develop by Sek Sathya