ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» ព័ត៌មានជាតិ » ថ្ងៃ​៧​កក្កដា​ប្រារព្ធ​ខួប​លើក​ទី​ប្រាំ ​ឆ្នាំ នៃ​ការដាក់​ប្រាសាទព្រះវិហារ ជា​បេតិកភណ្ឌ​ពិភពលោក​

ថ្ងៃ​៧​កក្កដា​ប្រារព្ធ​ខួប​លើក​ទី​ប្រាំ ​ឆ្នាំ នៃ​ការដាក់​ប្រាសាទព្រះវិហារ ជា​បេតិកភណ្ឌ​ពិភពលោក​

​ភ្នំពេញ​: ប្រទេស​កម្ពុជា ត្រៀម​នឹង​រៀបចំ​ប្រារព្ធ​ខួប​លើក​ទី​៥ នៃ​ការដាក់បញ្ចូល​ប្រាសាទព្រះវិហារ ជា​បេតិកភណ្ឌ​ពិភព​លោក នៅ​ថ្ងៃទី​៧ ខែកក្កដា ឆ្នាំ​២០១៣។​​ នៅ​ពហុ​កីឡដ្ឋាន​ជាតិ អូឡាំពិក ដែល​នឹង​មាន​អ្នកចូលរួម​ជិត​២​ម៉ឺន​នាក់ បន្ទាប់ពី​ប្រាសាទព្រះវិហារ ត្រូវបាន​បញ្ចូល​ក្នុង​បញ្ជី​បេតិកភណ្ឌ​ពិភពលោក របស់​អង្គការ​យូណេស្កូ កាលពី​ថ្ងៃទី​៧ ខែកក្កដា ឆ្នាំ​២០០៨​។​


​នៅក្នុង​កិច្ចប្រជុំ​នៅ​សាលា​រាជធានី​ភ្នំពេញ នា​ល្ងាច​ថ្ងៃទី​១​កក្កដា​កន្លងទៅនេះ​ ​លោក ប៉ា សុជាតិ​វង្ស អភិបាល​រាជធានី​ភ្នំពេញ និង​លោក ហ៊ុន ម៉ា​នី កូនប្រុសរបស់​​​សម្តេច ហ៊ុន សែន ដែលជា​បេក្ខជន​ឈរ​ឈ្មោះ​បោះឆ្នោត​តំណាងរាស្ត្រ នៅ​ខេត្ត​កំពង់ស្ពឺ បានប្រកាស​អំពី​ការត្រៀម​រៀបចំ ធ្វើ​​ពិធី​ខួប​លើក​ទី​៥ នៃ​ការដាក់បញ្ចូល​ប្រាសាទព្រះវិហារ ជា​បេតិកភណ្ឌ​ពិភព​លោកត្រូវបាន​ប្រកាស​ធ្វើ​នៅ​ពហុកីឡាដ្ឋាន​ជាតិ​អូឡាំពិក ដែលមាន​អ្នកចូលរួម​ជិត​២ ម៉ឺន​នាក់ ក្នុងនោះ​មាន​មន្ត្រីជាន់ខ្ពស់​ក្នុងជួរ​​​រដ្ឋាភិបាល​ផងដែរ​។​
ការដាក់បញ្ចូល​ប្រាសាទព្រះវិហារ ជា​បេតិកភណ្ឌ​ពិភពលោក ត្រូវគេ​ចាត់ទុកជា​ស្នាដៃ​ប្រវត្តិសាស្ត្រ​មួយ សម្រាប់​រដ្ឋាភិបាល​អាណ​ត្តិ​ទី​បួន ដែល​ដឹកនាំ​ដោយ​សម្តេច​តេ​ជោ​​ហ៊ុនសែន​។ ប៉ុន្តែ​វា​បានធ្វើអោយ​មាន​កំហឹង នៅក្នុង​ប្រទេស​ថៃ ដែល​បរាជ័យ​នៅក្នុង​ការរារាំង​មិនអោយ​គណៈកម្មាធិការ​បេតិកភណ្ឌ​ពិភពលោក ដាក់​ប្រាសាទ​ព្រះ​វិហារចូលទៅក្នុង​បញ្ជី​បេតិកភណ្ឌ​ពិភព​លោក​។​
​តាម កម្មវិធី​ដែល​បាន​ត្រៀម​ទុក​នោះ គឺ​កម្មវិធី​ត្រូវបាន​ចាប់ផ្តើម​ឡើង​នៅ​ម៉ោង​១៦​រសៀល​នឹងត្រូវ​បញ្ចប់ នៅវេលា​ម៉ោង​២១​​ក្នុង​រាត្រី​ថ្ងៃទី​៧ កក្កដា ខាងមុខនេះ ក្រោម​​អធិបតីភាព​ឯ​ឧ​ត្ត​ម​បណ្ឌិតសភា​ចា​រ្យ​សុខ អាន ឧបនាយករដ្ឋមន្ត្រី រដ្ឋមន្ត្រីទទួល​​បន្ទុក​ទីស្តីការគណៈរដ្ឋមន្ត្រី​និង​លោកជំទាវ។​​
​តាម​គំរោង​នោះដែរ​ត្រូវបាន​រៀបចំ​បែង​ចែក​ភារកិច្ច​ជាច្រើន​ស្ថាប័ន ក្នុងនោះ​រួមមាន​ទី​១-​គណៈកម្មាធិការ​ជាតិ​រៀបចំ​បុណ្យជាតិ អន្តរជាតិ​, ទី​២-​ក្រសួងការពារជាតិ​ដែលមាន​កងទ័ព​មាន​ជើង​ទឹក ជើងគោក​និង​អាកាស​​មាន​ចំនួន​១៥០​នាក់​, ទី​៣-​ទីស្តី​ការ​គណៈ​រដ្ឋមន្ត្រី​, ទី​៤​ក្រសួង​អប់រំ​យុវជន​និង​កីឡា,​ ទី​៥-​អាជ្ញាធរ​អគ្គិសនី​កម្ពុជា​, ទី​៦-​ស្ថានីយ​ទូរទស្សន៍​បាយ័ន​, ទី​៧-​វិទ្យុ​និង​ទូរទស្សន៍​ជាតិ​កម្ពុជា​, ទី​៨-​សហភាព​សហព័ន្ធ​យុវជន​កម្ពុជាដែលមាន​សិស្ស និស្សិត បញ្ញវ័ន្តចំនួន​​​១​ម៉ឺន​២​ពាន់​នាក់ និង​ទី​៩​សាលា​រាជធានី​ភ្នំពេញ​។ ​ក្នុងកម្មវិធី​នេះ​គឺមាន​ការប្រគំ​តន្ត្រី​និង​មាន​​​ការបាញ់​កាំជ្រួច​ដើម្បី អបអរ​សា​ទរ ហើយ​គ្រប់​បណ្តា​ទូរទស្សន៍​ជាតិ​កម្ពុជា​ទាំង​អស់​ត្រូវបាន​ផ្សាយ​បន្តផ្ទាល់​។​
​លោក ប៉ា សុជាតិ​វង្ស បាន​មាន​ប្រសា-​សន៍​លើកឡើង​ក្នុង​កិច្ចប្រជុំ​នោះ​ថា ដោយ​សារ​ក្នុង​ខែកក្កដា​នេះ​ចំ​រដូវភ្លៀងទើប​​​យើងទាំងអស់គ្នា​យក ទីតាំង​តារាង​បាល់ទះ​នៃ​ស្តា​ត​អូឡាំពិក​ធ្វើជា​កន្លែង​ប្រារព្ធ​ពិធី​។ ក្នុង​កម្មវិធី​នោះ​ទាំង​អ្នកចម្រៀង​និង​អ្នក​ចូល​រួម​ព្រមទាំង​គណៈ អ​ធីប​តី គឺ​សុទ្ធតែ​ច្រៀង​ចម្រៀង​ពង្សាវតារ​ខ្មែរ បង្ក​អោយពិធី​​​នេះ​មាន​ភាព​គគ្រឹកគគ្រេង​ឡើង ហើយនឹង​បង្ហាញ​រូបភាព​ស្លៃ​ឯកសារ​ផងដែរ​។​
​លោក ហ៊ុន ម៉ា​នី ប្រធាន​សហភាពសហ​​​ព័ន្ធ​យុវជន​កម្ពុជា ក្នុងឱកាស​នោះបានមាន​​​​ប្រសាសន៍​លើកឡើងថា​យើង​ពិត​ជា​មាន​មោទនភាព​ខ្លាំង ណាស់​ចំពោះ​ជោគ​ជ័យ​របស់​កម្ពុជា​យើង​ដែល​ត្រូវបាន​អង្គការ​យូណ​េស្កូ ចាត់បញ្ចូល​ប្រាសាទព្រះវិហារ​របស់​​ខ្មែរ​ចូលក្នុង​បញ្ជី​បេតិកភណ្ឌ​ពិភព លោក​។​ ​សំរាប់​ខួបកំណើត​៥​ឆ្នាំ​នៃ​ការ​បញ្ចូល​ប្រាសាទព្រះវិហារ​ជា​សម្បត្តិ បេតិក​ភណ្ឌ​ពិភពលោក​នៅក្នុង​ថ្ងៃទី​៧ កក្កដា​ខាងមុខនេះ​យើង​នឹង​ប្រារព្ធ​ធ្វើឡើង​អោយ​បាន​ធំ ដោយមាន​យុវជន​ចូលរួម​ជាង​១​ម៉ឺន​​​នាក់ ហើយ​ក្នុង​កម្មវិធី​នោះ​អ្វី​ដែលជា​រូបភាព​​បាន​ប៉ះទង្គិច​គ្នា​ជាមួយ​កង ទ័ព​ថៃ​កន្លងមក​ជុំវិញ​រឿងរ៉ាវ​ប្រាសាទព្រះវិហារនេះ​​​ត្រូវតែ​ចាត់ បញ្ចូល ដើម្បីអោយ​យុវជនយើង​​​បានឃើញ​ពីអ្វី​ដែល​ធ្លាប់​កើតមាន​ក្រោយពី​ប្រាសាទ ព្រះវិហារ​របស់​យើង​ត្រូវបានបញ្ចូល​​​​​ជា​សម្បត្តិ​បេតិកភណ្ឌ​ពិភពលោក​នោះ ហើយ​អ្វីដែល​បានកើត​វា​ជា​ការពិត ៕

Copyright © 2010-2021 · អរិយធម៌ · All Rights Reserved.
Develop by Sek Sathya