ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 លោកឧត្តមសេនីយ៍ទោ ឡោ សុខា ស្នងការខេត្តមណ្ឌលគិរី កំពុងស្រាវជ្រាវវែករកមុខជនបង្កើតឲ្យមានបទល្មើសព្រៃឈើ​  ||     សកម្មភាពនៃបទល្មើសនេសាទកើតមានយ៉ាងពេញបន្ទុក នៅលើទឹកដី ស្រុកកំពង់លែង ដោយពុំមានការបង្ក្រាប​  ||     មេឈ្មួញដុះស្លែជើងខ្លាំង ល្បីខាងរកស៊ីដឹកបទល្មើស និងបំផ្លាញផលអនុផលព្រៃឈើ ឈ្មោះ ម៉េង ឆាយហុង រកស៊ីដឹកឈើសិប្បកម្មកែឆ្នៃ ឥតច្បាប់ជារៀងរាល់ថ្ងៃរាល់យប់ សមត្ថកិច្ចនិងមន្ត្រីជំនាញមិនដែលឃើញចាប់បង្ក្រាប​  ||     លោក ឈុន សុភមង្គល មេគយខេត្តឧត្តរមានជ័យ កំពុងសាងភាពល្បីល្បាញខាងប្រព្រឹត្តអំពើពុករលួយកាន់តែខ្លាំង​  ||     ល្បី!  អាជ្ញាធរស្រុកជាប់ព្រំដែនខេត្តតាកែវ ជួលស្រែប្រាំងឲ្យជនជាតិវៀតណាមធ្វើ ?​  ||   

» Breaking News, ព័ត៌មានជាតិ » ក្រុមហ៊ុន​អាកាសចរណ៍ AirAsia ឧបត្ថម្ភ​សំបុត្រ​យន្តហោះ​ដល់​បវរកញ្ញា​ទេសចរណ៍​អន្តរជាតិ​កម្ពុជា​ឆ្នាំ ២០១៣ ដើម្បី​ចូលរួម​វគ្គ​ផ្តាច់ព្រ័ត្រ​ក្នុងការ​ប្រកួត​បវរកញ្ញា​ទេសចរណ៍​អន្តរជាតិ​ពិភពលោក​លើក​ទី ១៧ នៅ​ទីក្រុង កូ​ឡា​ឡាំ ​ពួរ ប្រទេស​ម៉ាឡេស៊ី

ក្រុមហ៊ុន​អាកាសចរណ៍ AirAsia ឧបត្ថម្ភ​សំបុត្រ​យន្តហោះ​ដល់​បវរកញ្ញា​ទេសចរណ៍​អន្តរជាតិ​កម្ពុជា​ឆ្នាំ ២០១៣ ដើម្បី​ចូលរួម​វគ្គ​ផ្តាច់ព្រ័ត្រ​ក្នុងការ​ប្រកួត​បវរកញ្ញា​ទេសចរណ៍​អន្តរជាតិ​ពិភពលោក​លើក​ទី ១៧ នៅ​ទីក្រុង កូ​ឡា​ឡាំ ​ពួរ ប្រទេស​ម៉ាឡេស៊ី

ភ្នំពេញ​-​ថ្ងៃទី ៨ ធ្នូ ឆ្នាំ ២០១៣ ដើម្បី​រួមចំណែក​គាំទ្រ​ដល់​ការប្រកួត​បរ​វរ​កញ្ញា​ទេសចរណ៍​អន្តរជាតិ​កម្ពុជា (The Miss Tourism International Cambodia Pageant) ដែល​បាន​រៀបចំឡើង​នៅ​មណ្ឌល​កំសាន្ត ណាហ្គា​វើ​ល រាជធានី​ភ្នំពេញ កាលពី​ថ្ងៃទី ៨ ធ្នូ ឆ្នាំ ២០១៣ កន្លងទៅនេះ ក្រុមហ៊ុន​អាកាសចរណ៍ AirAsia បានប្រកាស​ឧបត្ថម្ភ
សំបុត្រ​យន្តហោះ​ទៅមក​ចំនួន​ពីរ​សន្លឹក​សម្រាប់​បេ​ក្ខ​នារី​ជ័យលាភី និង​អ្នករួមដំណើរ​ជាមួយ ដើម្បី​ធ្វើជា​តំណាង​ឲ្យ​ព្រះរាជាណាចក្រ​កម្ពុជា​សម្រាប់​ការប្រកួត​បវរកញ្ញា​ទេសចរណ៍​អន្តរជាតិ​ពិភពលោក​លើក​ទី ១៧ ក្នុង​វគ្គ​ផ្តាច់ព្រ័ត្រ​នៅ​ទីក្រុង កូ​ឡា​ឡាំ​ពួរ ប្រទេស​ម៉ាឡេស៊ី​។​
​នេះ​គឺជា​លើកទីមួយ​ហើយ សម្រាប់​ការប្រកួត​បវរកញ្ញា​ទេសចរណ៍​អន្តរជាតិ​កម្ពុជា ដែល​ត្រូវបាន​រៀបចំឡើង​នៅក្នុង​ប្រទេស​កម្ពុជា ហើយ​វា​ជា​ផ្នែក​មួយ​នៃ​ការប្រកួត​វគ្គ​ផ្តាច់ព្រ័ត្រ​ក្នុង​កម្មវិធី​ប្រកួត​បវរកញ្ញា​ទេសចរណ៍​អន្តរជាតិ​ពិភពលោក​លើក​ទី ១៧ ដែល​នឹងត្រូវ​ធ្វើឡើង​នៅ​ប្រទេស​ម៉ាឡេស៊ី នា​ថ្ងៃទី ៣១ ធ្នូ ឆ្នាំ​២០១៣ ខាងមុខនេះ​។​
​កម្មវិធី​ប្រកួត​សម្រស់​នេះ បានបង្ហាញ​វត្តមាន​តាំងពី​ឆ្នាំ ១៩៩៤ មកម្ល៉េះ ដោយ​ត្រូវបាន​បង្កើតឡើង​ដើម្បី​ផ្សព្វផ្សាយ​ពី “​វិស័យ​ទេសចរណ៍ វប្បធម៌ និង​ចំណងមិត្តភាព​” ជាមួយ​ប្រទេស​សមាជិក​ចំនួន​ជាង ៦០ មកពី​ជុំវិញ​ពិភពលោក​។ មុន​ឈានទៅដល់​វគ្គ​ផ្តាច់ព្រ័ត្រ បេ​ក្ខ​នារី​មកពី​ប្រទេស​នានា នឹងធ្វើ​ដំណើរ​ទៅដល់​ក៏ដូចជា​ធ្វើ​ទស្សនកិច្ច​នៅ​ប្រទេស​ម៉ាឡេស៊ី​រយៈពេល ៣ សប្តាហ៍ ដើម្បី​ផ្សព្វផ្សាយ​ពី​វិស័យ ទេសចរណ៍ វប្បធម៌ និង​ចំណងមិត្តភាព​។​
​កញ្ញា នី ដា​ណេ វ័យ ២១ ឆ្នាំ ដែលជា​តារា​បង្ហាញ​ម៉ូដ​ក្នុង​ក្រុម Sun Model Cambodia និង​ជា​និស្សិត​ឆ្នាំ​ទី​១ នៅ​សាកលវិទ្យាល័យ​បញ្ញា​សាស្ត្រ​កម្ពុជា ផ្នែក​គ្រប់គ្រង​អាជីវកម្ម នឹង​ក្លាយជា​បេ​ក្ខ​នារី​តំណាង​សម្រាប់​ព្រះរាជាណាចក្រ​កម្ពុជា ចូលរួម​ប្រកួត​វគ្គ​ផ្តាច់ព្រ័ត្រ​នៃ​កម្មវិធី​ប្រកួត​បវរកញ្ញា​ទេសចរណ៍​អន្តរជាតិ​ពិភពលោក លើក​ទី ១៧ ដើម្បី​ឈ្នះ​ពានរង្វាន់​អាហារូបករណ៍​ដែលមាន​តម្លៃ​ស្មើនឹង​ទឹកប្រាក់ ៣៥,០០០ ដុល្លារ​អា​មេ​រិក ពី​សកល
​វិទ្យាល័យ លីម​កុក​វី​ង ផ្នែក​បច្ចេកវិទ្យា​នៃ​ការច្នៃប្រឌិត រួមជាមួយ​ទឹកប្រាក់ និង​ផលិតផល​ថែរក្សា​សម្ផស្ស​ផ្សេងៗ​ទៀត ដែលមាន​តម្លៃ​សរុប​ប្រមាណ ៥០,០០០ ដុល្លារ​អា​មេ​រិច​។​
​ដើម្បី​អបអរសាទរ​ពិធីបុណ្យ​ណូអែល និង​បុណ្យចូលឆ្នាំថ្មី​ខាងមុខនេះ AirAsia ក៏មាន​ការផ្តល់ជូន​នូវ​កម្មវិធី​ពិសេសៗ​មួយចំនួន​ដូចជា ធ្វើដំណើរ​ពី​ភ្នំពេញ​/​សៀមរាប ទៅ កូ​ឡា​ឡាំ​ពួរ ជាមួយ​តម្លៃ​សរុប​ក្នុង​មួយ​ជើង​ចាប់ពី ៦៣ ដុល្លារ​ឡើងទៅ​។​
​លោក​-​អ្នក​អាចធ្វើ​ការ​កក់​ចាប់ពី​ថ្ងៃនេះ រហូតដល់​ថ្ងៃទី ១៥ ធ្នូ ឆ្នាំ​២០១៣ និង​ធ្វើដំណើរ​ចាប់ពី​ថ្ងៃនេះ រហូតដល់​ថ្ងៃទី ៥ មករា ឆ្នាំ​២០១៤​។​
​សម្រាប់​ព័ត៌មាន​បន្ថែម និង​ការ​កក់​ទុក សូម​ចូលទៅ​កាន់​គេហទំព័រ www.airasia.com
​អំពី AirAsiaAirAsia ជា​ក្រុមហ៊ុន​អាកាសចរណ៍​តម្លៃ​ទាប​ឈានមុខ​គេ និង​ធំជាងគេ​បំផុត​នៅ​អាស៊ី ដែល​ផ្តល់​សេវាកម្ម​ទូលំទូលាយ​បំផុត​ជាមួយនឹង​បណ្តាញ​ទិសដៅ​ធ្វើដំណើរ​ចំនួន ៨៧ ទីតាំង​។ នៅក្នុង​រយៈពេល ១២ ឆ្នាំ នៃប្រតិបត្តិ​ការ​របស់​ខ្លួន AirAsia បាន​ដឹកជញ្ជូន​អ្នកដំណើរ​ជាង ២០០ លាន​នាក់ និង​បាន​បង្កើន​ចំនួន​យន្តហោះ​របស់ខ្លួន
​ដែល​ពីមុន​មាន​ត្រឹមតែ ២ គ្រឿង​ប៉ុណ្ណោះ មក​ជាង ១៤០ គ្រឿង​នាពេល​បច្ចុប្បន្ន​។ ក្រុមហ៊ុន​នេះ​បច្ចុប្បន្នកំពុង​ទទួលបាន​មោទនភាព​យ៉ាងខ្លាំង ដែល​បាន​ក្លាយជា​ក្រុមហ៊ុន​អាកាសចរណ៍​អាស៊ាន (​សមាគម​ប្រជាជាតិ​អាស៊ី​អា​គ្នេ​ហ៍​) ដ៏​ពិតប្រាកដ​មួយ ជាមួយនឹង​ប្រតិបត្តិការ​ដែលមាន​មូលដ្ឋាន​នៅ​ប្រទេស ម៉ាឡេស៊ី ឥណ្ឌូនេស៊ី ថៃ និង​ហ្វីលីពីន ដែល​កំពុងផ្តល់​បណ្តាញ​សេវាកម្ម​នៅ​ទូទាំង​សមាគម​ប្រជាជាតិ​អាស៊ី​អា​គ្នេ​ហ៍ ព្រមទាំង​ប្រទេស ចិន ឥណ្ឌា និង​អូស្ត្រាលី​។ AirAsia ត្រូវបាន​ប្រសិទ្ធ​នាម​ជា​ក្រុមហ៊ុន​អាកាសចរណ៍​ដែល​ផ្តល់​តម្លៃ​ទាប ល្អ​ជាងគេ​បំផុត​ក្នុង​ពិភពលោក នៅក្នុង​ការសិក្សា​ពី​បណ្តា​ក្រុមហ៊ុន​អាកាសចរណ៍​នៅ​ទូទាំង​ពិភពលោក​ប្រចាំឆ្នាំ ដែល​ធ្វើឡើង​ដោយ Skytrax រយៈពេល 5 ឆ្នាំ​ជាប់ៗ​គ្នា ចាប់តាំងពី​ឆ្នាំ 2009 រហូតដល់ 2013 និង​ទទួលបាន​ពានរង្វាន់​ជា​ក្រុមហ៊ុន​អាកាសចរណ៍​ដែលមាន​តម្លៃ​ទាប​ឈានមុខ​គេ​ពី​ក្របខណ្ឌ World Travel Awards 2013 (WTA) ដែល​បាន​រៀប​ឡើង​នៅ​ទីក្រុង ដូ​ហា ប្រទេស​កាតា​។ លោក តូ​នី ហ្វឺ​រណា​ន់​ដែ​ស ដែលជា​នាយក​ប្រតិបត្តិ របស់​ក្រុមហ៊ុន​អាកាសចរណ៍ AirAsia ត្រូវបានតែងតាំង​ជា​អ្នកគ្រប់គ្រង​ពានរង្វាន់ Legion d’ Honneur ដើម្បី​ឆ្លើយតប​នឹង​ការរួមចំណែក​ដ៏​សកម្ម​របស់លោក​ចំពោះ​សេដ្ឋកិច្ច​របស់​ប្រទេស​បារាំង​តាមរយៈ​ឧស្សាហកម្ម​អាកាសចរណ៍​នេះ​។​
​មជ្ឈមណ្ឌល​សេវាកម្ម​ទេសចរ​ណ៏ AirAsia (​ភ្នំពេញ​)​ផ្ទះ​លេខ 179  វិថី​ព្រះស៊ីសុវត្ថិ សង្កាត់​ផ្សារកណ្តាល​ទី​១ ខណ្ឌដូនពេញ 12204 រាជធានី​ភ្នំពេញ ព្រះរាជាណាចក្រ
​កម្ពុជា​។ ព័ត៌មាន​បន្ថែម​សូម​ទំនាក់ទំនង​ទៅកាន់​លេខ (855) 23 983 777៕

Copyright © 2010-2021 · អរិយធម៌ · All Rights Reserved.
Develop by Sek Sathya