ថ្ងៃ | ការិ.ពាណិជ្ជកម្ម : 097 780 51 35 / 069 351 368 ការិ.និពន្ធ : 012 304 401 E-mail: areyathor@yahoo.com
Breaking News :
 ល្បី លោក ឃុន ប៊ុនហូ មេបញ្ជាការរង កងរាជអាវុធហត្ថខេត្តកំពង់ធំ និងបក្ខពួក ជះឥទ្ធិពលដ៏អាក្រក់​  ||     ក្លិនស្អុយបែកធ្លាយមកក្រៅ ពីរឿងលោក ហ៊ួ សេន ហៅ សុខ ណា ជាមន្ត្រីយោធាអធិការកិច្ច និងអ្នកកាសែតពីររូបឈ្មោះ សាមុត និង ឈ្មោះ ពុជ និងបក្ខពួកផ្សេងទៀតបានគម្រាម និងជំរិតយកលុយពីប្រជាពលរដ្ឋ២គ្រួសារ ដែលរស់នៅភូមិសំពោចឃុំឃ្សឹមអស់ចំនួន៤លាន៨០ម៉ឺនរៀល​  ||     អ្នកធ្វើសកម្មភាពបំផ្លាញព្រៃឈើ និងទន្ទ្រានកាន់កាប់ដីព្រៃ នៅតែអាចគេចផុតពីសំណាញ់ច្បាប់​  ||     លេចព័ត៌មាន ! ពលរដ្ឋហួសចិត្ត និងមន្ទីរពេទ្យបង្អែក ស្រុកខ្សាច់កណ្ដាល រវល់ហូបចុកជុំគ្នា ផ្ដល់សេវាសាធារណៈមិនល្អ គ្មានចិត្តជួយសង្គ្រោះពលរដ្ឋ​  ||     ល្បី! លោកសក្កិ4 ញឹមប៉ក់ នៅសឹករងខេត្តបន្ទាយមានជ័យ ពិតជាមានសិទ្ធិធំមែន​  ||   

» Breaking News, ព័ត៌មានជាតិ » អ្នករត់​តាក់ស៊ី​នៅ​ក្រុង​ប៉ោយប៉ែត​ផ្ទុះ​បាតុកម្ម​តវ៉ា យក​រថយន្ត​បិទផ្លូវ​ជាតិ​លេខ​៥ ​

អ្នករត់​តាក់ស៊ី​នៅ​ក្រុង​ប៉ោយប៉ែត​ផ្ទុះ​បាតុកម្ម​តវ៉ា យក​រថយន្ត​បិទផ្លូវ​ជាតិ​លេខ​៥ ​

ប៉ោយប៉ែត​៖ ក្រុម​អ្នករត់​តាក់ស៊ី បាន​យក​រថយន្ត​ប្រហែល​២០០​គ្រឿង​នាំគ្នា​ធ្វើបាតុកម្ម​តវ៉ា​បិទ​ផ្លូវជាតិ​លេខ​៥ ចំណុច​ភូមិ​កូនដំរី សង្កាត់​និមិត្ត ក្រុង​ប៉ោយប៉ែត ធ្វើ​ឲ្យ​កកស្ទះ​ចរាចរណ៍​អស់​រយៈពេល​ជាច្រើន​ម៉ោង នៅវេលា​ម៉ោង​១១​និង​៣០​នាទី​ព្រឹក​ថ្ងៃទី​១១ ខែធ្នូ ឆ្នាំ​២០១៣​។​
​ក្រុមបាតុករ​បាន​ប្រាប់​អោយដឹងថា មូលហេតុ​ដែលនាំអោយ​ពួកគេ យក​រថយន្ត​បិទផ្លូវ បែបនេះ​គឺ​ដោយសារ​ខឹង​និង​មន្ត្រី​គយ​ចល័ត​ការិយាល័យ​ក្រុង​ប៉ោយប៉ែត តែងតែ​ចាប់​រថយន្ត​ដឹកទំនិញ របស់​ពួកគាត់​បង្ខំ​ឲ្យ​បង់លុយ ច្រើន​តាមតែ​អំពើ​ចិត្ត ដោយ​គ្មាន​ការយោគយល់​អ្វី​ឡើយ​គឺ​មន្ត្រី​គយ​មុខលុយ​ទាំងនោះ ដឹង​តែ​ពី​ប្រាក់​ចូល​ហោប៉ៅ​ទើប
​ពួកគេ​លើកដៃ​ឡើង​ស្រែកថា​អូ​ខេ ជាការ​ស្រេច​។​
ក្រុម​អ្នករត់​តាក់ស៊ី​បាន​បន្តទៀតថា ភាព​តានតឹង​ដែល​នាំ​ឲ្យ​ឈានដល់​ការផ្ទុះ​បាតុកម្ម​បែបនេះ គឺ​មួយ​រយះពេល​ថ្មីៗ​នេះ​ខាង​ក្រុមមន្ត្រី​គយ​និង​រដ្ឋាករ​ច្រកទ្វារ​អន្តរជាតិ​ប៉ោយប៉ែត បាន​រឹតបន្តឹង តាម​គោលនយោបាយ​កែទម្រង់​ស៊ីជម្រៅ​ថ្មី​របស់​រាជរដ្ឋាភិបាល អោយ​ទប់ស្កាត់​រាល់​ទំនិញ​គេ​ចព​ន្ឋ​គ្រប់​ប្រភេទ ដើម្បី ប្រមូល​ថវិកា​ចូល​រដ្ឋ ។​
​ប៉ុន្តែ​ការអនុវត្ត​របស់​មន្ត្រី​ជំនាញ បានធ្វើ​ហួស​ដែន​កំណត់ តាម​ទំនើងចិត្ត​ដែល​ក្រុម​អ្នករកស៊ី​ដឹកទំនិញ បន្តិចបន្តួច​មិនអាច​ទទួលយកបាន ដូច​ពាក្យចាស់​មួយ​ឃ្លា​ពោលថា​(​កន្ទេល​ធំ​បន្លំ​ដេក​)​ជាក់ស្តែង​កាល ពីថ្ងៃ​ទី​៨ ខែ​ឆ្នូ ក្រុម​គយ​ចល័ត​ខាងលើ​បាន​ចាប់ រថយន្ត​ម៉ាក​កាំ​ម៉ា​រី​មួយគ្រឿង ដែល​ដឹក​ម្ទេស​ក្រៀម ប្រហែល​ដប់​ថង់​តូច​ប៉ុណ្ណោះ បង្ខំ
​អោយ​បង់​ចំនួន​៥០០​ដុល្លា ទើប​ក្រុម​អ្នក​កាត់​ស៊ី​នាំគ្នា​តវ៉ា​យក​រថយន្ត បិទផ្លូវ​តែម្តងទៅ​។​
​បាតុកម្ម​នេះ​បាន រំសាយ​ទៅវិញ​បន្ទាប់ ពី​ធ្វើ​ការតវ៉ា​បិទផ្លូវ​ស្ទះ ចរាចរណ៍​រយៈពេល​ប្រមាណ​២​ម៉ោង បន្ទាប់មក​ក្រុមមន្ត្រី​គយ ក៏បាន​ដោះលែង​រថយន្ត​ដែល​ចាប់​នោះ​អោយ​ទៅវិញ និង​មានការ​អន្តរា​គម​ន៏ ពី​សំណាក់​អាជ្ញា​ធរមាន​សមត្ថកិច្ច​ក្រុង​ប៉ោយប៉ែត ខេត្តបន្ទាយមានជ័យ​។ ដោយ​៖ ខៀវ បុរី​

Copyright © 2010-2021 · អរិយធម៌ · All Rights Reserved.
Develop by Sek Sathya